Raโiisul Wasaaraha Xukuumadda Federaalka Soomaaliya, mudane Xasan Cali Khayre iyo Wasiirka Horumarinta Iskaashiga ee Denmark, Rasmus Prehn, ayaa magaalada Washington ka yeeshay kulan looga hadlay qorshaha deyn cafinta dalka iyo sida Denmark ay dowladda Soomaaliya uga taageeri karto in deynta laga cafiyo horraanta 2020.
Rasmus Prehn oo ballanqaaday in dowladda Denmark ay sii wadeyso taageerada ay siiso dowladda Soomaaliya ayaa ammaanay guusha ay dowladdu ka gaartay hannaanka dib-u-habeynta.
Mudane Xasan Cali Khayre oo Washington uga qayb galay kulanka miiska wareegsan ee looga hadlay deyn cafinta dalka, ayaa horay kulamo kala duwan ula qaatay wasiirrada maaliyadda Norway, Netherlands, Talyaaniga iyo madaxweynaha Bangiga adduunka.
