Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa goordhaw gaaray magaalada Dhuusamareeb ee xarunta dowlad-goboleedka Galmudug halkaas oo siweyn loogu soo dhaweeyay.
Madaxweynaha ayaa safarka uu ku tagay magaalada Dhuusamareeb waxaa ku wehlinaya madaxweynihii hore ee Galmudug Axmed Ducaale Geele {Xaaf] iyo xubno kale oo masuuliyiin ah waxaana halkaas si weyn ugu soo dhaweeyay Odayaasha Dhaqanka bulshada qaybaheeda iyo ergooyinka ka qayb galaya shirka dib u heshiisiinta Galmudug.
Madaxweynaha ayaa caawa Dhuusamareeb uga qayb galaya xafladda xiritaanka shirweynaha dib u heshiisiinta Galmudug oo mudo ku dhawaad 10 maalin ah ka socday magaaladaasi madaxweynaha ayaana soo xiri doona shirka si rasmi ah.
