Safaaradda Soomaaliya ee Yugandha oo tartan kubadda cagta ah u qabatay dhalinyaro Soomaaliyeed oo kunool halkaasi

Date:

Qunsulka guud ee safaaradda Soomaaliya dalka Uganda, mudane Jibriil Afyare ayaa maanta xarrunta safaaradda ee magaalada Kampala waxa uu kullan kula yeeshay kooxda kubadda cagta ee CROWN FC.

Kullanka oo uu ka soo qeybgalay Agaasimaha guud ee shirkadda duulimaadka CROWN BUSINESS SOLUTIONS LTD , ahna milkiilaha kooxda CROWN FC, mudane Maxamed Barre Maxamuud ayaa ujeedkiisa ahaa dhiirri gellin iyo casuumaad uu qunsulka u sameenayay kooxdan.

Koxda CROWN FC ayaa ku guuleysatay tartan kubadda cagta ah oo loo qabtay 12-koox oo ka dhisan dalka Uganda, iyadoo tartanka lagu maamuusayay xuska 59-guurada ka soo wareegtay 1-da LUULYO oo ah markii dalkeenna Soomaaliya uu xornimada ka qaatay gumaystihii Talyaaniga iyo israacii gobollada Waqooyi iyo Koonfur, waxaana tartaankaas soo agaasimay jaaliyadda Soomaaliyeed ee dalka Uganda.

Qunsulka guud ee safaaradda Soomaaliya ee dalka Uganda, mudane Jibril Afyare ayaa maamulka, ciyaartooyda iyo macallimiinta kooxda CROWN FC uga mahadceliyay guusha ay tartankaas ka gaareen, isagoo u sheegay in ka safaarad ahaan ay aad u soo dhawenayaan guusha ay kooxdan gaartay, ayna garab taagan yihiin mar walba.

Qunsul Jibril Afyare ayaa xusay in ka safaarad ahaan ay diyaar u yihiin dhiirri gellinta guud ahaan jaaliyadda iyo bulshada Soomaaliyeed ee dalka Uganda, gaar ahaan dhallinyarada.

Dhankooda maamulka, macallimiinta iyo ciyaartooyda kooxda CROWN FC ayaa aad u soo dhaweeyay kullanka casuumadda iyo dhiirri gellinta ee uu u fidiyay qunsulka safaaradda, mudane Jabril Afyare, iyagoo ammaanay waxqabadka hagar la’aanta ah ee had iyo habeen uu qunsulka u fidiyo qeybaha kala duwan ee Soomaalida ku nool dalka Uganda.

Ciyaaraha kubadda cagta ayaa kamid ah astaamaha wanaagsan ee is dhex galka bulshada.

Share post:

Ugu Akhris badan

Kuwo kale
Kuwo kale

Wasiirka Ganacsiga XFS oo ka qayb galay shirka warshadaha Dalalka ku bahoobay EAC

Wafdi uu hogaaminayo Wasiirka Wasaaradda Ganacsiga iyo Warshadaha ee...

Safiirka Soomaaliya u fadhin doona Yemen oo wasaaradda Arrimaha dibedda Yemen ka guddoontay warqadaha Aqoonsiga

Danjiraha JFS ee dalka Yemen Mudane Cabdixakiin Maxamed Axmed...

Wasiir-dowlaha Beeraha XFS iyo wafdi uu hoggaaminayo oo ka qeyb-galay shirka IFAD

Wasiir-dowlaha Wasaaradda Beeraha iyo Waraabka JFS, Mudane Asad Cabdirisaaq...

Wasiirka Qoyska XFS oo furtay Imtixaanka Guddiga Madaxa bannaan ee Xuquuqul Insaanka Qaranka

Wasiirka Wasaaradda Qoyska iyo Hormarinta Xuquuqul Insaanka XFS Amb...