Muqdisho (SNTV)-Raโiisul Wasaaraha Xukuumadda Federaalka Soomaaliya ย mudane Xasan Cali Khayre oo ay wehliyaan Xildhibaanno kasoo jeeda degmada Caabudwaaq iyo Wasiirro ayaa gudaha Caabudwaaq ee Gobalka Galguduud kulan kula qaatay qaar kamid ah dhallinyarada ku nool magaaladaasi.
Dhallinyarada oo kulanka suโaalo ku waydiinayay Raโiisul Wasaare Xasan Cali Khayre, ayaa sidoo kale u jeediyay tallooyin iyo tusaalooyin kuwajahan sida ay dhallinyaradu uga qayb qaadan karaan dadaalada horumarineed ee ka socda gudaha dalka.
Raโiisul Wasaaraha oo dhallinyarada uga jawaabay suโaalihii ay waydiiyeen ayaa ku ammaanay dowrkooda dib-heshiisiinta iyo horumarka deegaanka.
Raโiisul Wasaare Xasan Cali Khayre ayaa dhallinyarada ugu bishaareeyay in dowladdu ay ku shaqaynayso aragtida muwaadiniinteeda Soomaaliyeed oo dhallinyaradu qaybta ugu wayn ka yihiin, waxa uuna ku dhiirri geliyay in ay is abaabulaan oo ay dhaliyaan isbedelka oo cid aan dhallinyarada ahayn lagaa sugin isbedelka uu dalka u baahanyahay.
