Toronto (SNTV)–Tabbabarihii hore ee xulka Qaranka Soomaaliya ee kubadda Koleyga Macalin Cabdi Maxamed Cige oo ku magac dheeraa Cabdi Dheere ayaa 13-kii bishan ku geeriyooday magaalada Toronto ee dalka Canada.
Tababare Cabdi Dheere ayaa wuxuu ka mid ahaa Ciyaartooydii kooxda Jeenyo ee dhowr jeer qaaday horyaalka kubadda kolayga sannadihii 80- tamaadka, wuxuuna ka mid noqday tababarayaashii kubadda kuleyga ee Qaranka Soomaaliyeed.
Intii uu ahaa tababaraha Qaranka, Macallin Cabdi Dheere waxaa uu kooxda Qaranka ee kubadda kolayga u suura-gashay in ay guulo ka soo hooyaan Qaaradda Afrika iyo waliba jaamacadda Carabta.
Allaha u naxaristo tabbabare,Cabdi Dheere ayaa in muddo ahba ku xanuunsanaa Isbitaal ku yaala magaalada Toronto ee Dalka Canada, waxaana lagu aasay magaalada Toronto oo uu in muddo ah deganaa.
