Muqdisho October 1 (SNTV):-Wasiirka Wasaaradda Caafimaadka iyo daryeelka Bulshada ee dowladda federaalka Soomaaliya Drs. Fowsiyo Abiikar Nuur oo safar shaqo ku joogta dalka mareykanka ayaa jaaliyadda soomaaliyeed ee Gobolka Minnesota waxay ku soo dhaweeyeen Magaalada Minneapolis.
Munaasabad wayn oo ay ka soo qaybgaleen madaxda jaaliyadda iyo qaybaha kale ee jaaliyada ayaa waxaa wasiirku ku soo bandhigtay talaabooyinka horumarineed ee ay wasaaraddu u qaaday in adeegga caafimadka la gaarsiiyo bulshada.
Drs. Fowsiyo Abikar Nuur ayaa sheegtay in wasaaradda ay u qabsoomeen hawlo baaxad leh mudada 18-da bilood ah oo ay xafiiska joogtay, kuwaas oo ay ka midyihiin in la taageero Isbitaallo badan oo dalka ku yaala iyo in la qaabeeyo siyaasadda horumarinta caafimaadka dalka.
Proff Siciid Saalax oo ah mid ah aqoonyahanadii kulankaas ka qaybgalay ayaa bogaadiyey waxqabadka wasaaradda, waxaana uu ku dhiiri galiyey qurbajoogta inay ka qaybqaataan dib u dhiska dalka iyo dadaalada horumarineed ee dalka ka socda.
