Muqdisho September 30 (SNTV);- Maamulka Gbolka Banaadir oayaa wada dadaallo lagu hagaajinayo bulaacada Hamar Weyne si biyaha roobabka aysan saameyn ugu yeelan
Dadaaladan ayuu maamulku ku sheegay in looga golleeyahay in lagu dayactiro goobaha Bullaacadaha ee degmada Xamar Wayne maadaama nagusoo fooleedahay xilli roobaadka.
Dhinaca kale qaar kamid ah degmooyinka gobolka banaadir ayaa laga bilaabay Olole Nadaafadeed oo lagusoo celinayo bilicda loogana qaadayo qashinka iyo wasaqda taalla.
Ololahan Nadaafadeed ee la bilaabay oo qeyb ka ah barnaamijka isxilqaan ee dhawaan kudhawaaqday dowlada Federaalka soomaaliya ayaa laga billaabay xaafadaha waabari iyo xamar jajab oo kamid ah degmooyinka gobolka banaadir.
Waxaana ka Qeybgalay Ololahan Nadaafadeed masuuliyiin ka socotay waaxda Nafaadada ee dowlada hoose ee xamar iyo kuwa ka socday degmooyinka laga bilaabay Ololaha nadaafadeed, waxana ay sheegeen masuuliyiintaas oo ka hadlayey ololahan Nadaafadeed in Ololahan uu muhiimad leeyahay, laguna qaadayo qashinka iyo wasaqda daadsan hareeraha wadooyinka, waxayna ugu baaqeen shacabka xaafadahaas inay ilaalashadaan nadaafada si uu uhagaagsanaado fayadhowrka deegaanka.
Masuuliyiinta waxay kaloo sheegeen in cidii lagu arko iyagoo biyo wasaqeysan kushubayo wadooyinka xaafadahaas laga qaadi doonno tallaabo sharciga waafaqsan,
Gudoomiyaha Gobolka banaadir Ahna Duqa muqdisho Mudane Cabdiraxmaan Cumar Cusmaan (ENG Yariisow) ayaa ugu hambalyeeyey maamulka iyo masuuliyiinta xaafadaha waabari iyo Xamar jajab Ololaha Nadaafadeed ee ay xaafadahooda ka bilaabeen iyo sidey isaga nadiifinayaan qashinka, isagoo ugu baaqay degmooyinka kale ee jira inay kudaydaan.
