Muqdisho September 18 (SNTV):-Wafdi ka kooban toban Xubnood oo ka tirsan Aqalka sare ee parlamaanka dalka una ambabaxay magaalada kismaayoย ayaa la kulmay Madaxweynaha Dowald Gobaleedka Jubbaland Axmed Madoobe, Labadiisa kuxigeen, Guddoomiyaha Baarlamaanka Jubbaland, Wasiiro iyo Xildhibaano.
Guddigan oo shalay gaaray magaalada Kismaayo ayaa ujeedadoodu waxay tahayย xal waara iyo isfaham ka dhex dhasha Dowladda Federaalka iyo Dowlad Goboleedyada.
Madaxweynaha Dowlad Gobaleedka Jubbaland Axmed Madoobe oo kulanka ka hadlay ayaa kaga mahad celiyay Guddiga ka socda Aqalka sare Dadaalka uu Golaha iskugu xilqaamay inay Guddiyo u kala diraan dhamaan Maamul Gobaleedyada si ay ugu kuur galaan Xaalada ka dhex taagan Dowlada Dhexe iyo Maamulada hoostaga, waxaana kulanka uu kusoo dhamaaday guul iyo is afgarad.
Aqalka Sare oo gudanaya waajibkiisa dastuuriga ayaa u istaagay sidii loo heli lahaa isfaham iyo wada shaqeyn dhab ah.
