Arbaco, August 29, 2018 Muqdisho (SNTV)ย Munaasabad weyn oo lagu daah furayay Habkaย Electroniga ee dacwadaha uu hir geliyaay Xafiiska Xeer- ilaaliyaha Guud Ee Qaranka ayaa maanta lagu qabtay Xarunta Xafiiska Xeer-ilaaliyaha Guud Ee Qaranka.
Munaasabadan oo ay ka qayb galeen Guddoomiyaha Maxkamadda Sare Ee Dalka Garyaqaan Baashe Yuusuf Axmed, Xeer-ilaaliyaha Guudย Dr. Axmed Cali Daahir , Raโiisul wasaare Ku xigeenka Xukuumadda Mahadi Maxamed Guuleed (Khadar), Guddoomiyayaasha Maxkamddahaย Rafcaanka iyo Gobolka Banaadir, ku xigeenada Xafiiska Xeer-Ilaaliyaha Guud, Taliyayaasha Ciidanka Asluubta iyo Booliska iyo dhammaan Howl-wadeenada Xafiiska Xeer-ilaaliyaha Guudee Qaranka.
Dr. Axmed Cali Daahir oo ka hadlay munaasabadda ayaa sheegay in talaabadan ay tahay Guul usoo hoyatay Shacabka Soomaaliyeed, ayna ahmiyad gaar ah u leedahay Habkaย Electroniga ee dacwadaha Xafiiska xeer-ilaalinta.
Raโiisul wasaare ku xigeenka Xukuumada Mudane Mahdi Maxamed Guuled ayaa bogaadiyay Habkan cusub, isagoona sheegay in arrintan ay cadeyn u tahay horumarka badan ee laga gaaray dib u habeynta cadaaladda.
Guddoomiyaha Maxkamadda Sare Ee Dalka Garyaqaan Baashe Yuusuf Axmedย oo soo xiray Munaasabadda ayaa sheegay in hanaanka electroniga ah ee Maamulka iyo Maaraynta dacwadaha in uuย qayb ka yahay dib-u-habeynta Garsoorka iyo Xoojinta isla xisaabtanka Garsoorka dhexdiisa si loo xaqiijiyo in ummadda Soomaaliyeed cadaalad loogu adeego.
