Kulanka oo lagu qabtay xaruunta taliska Boliska Soomaaliyeed ayaa looga hadlay horumarinta garsoorka iyo Caadaaladda iyo sare u qadista kalsoonida aay shacabku ku qabana fulinta go’aanadda Maxkamadaha Dalka.
Ra’iisul Wasaaraha Xukumamadda federaalka Soomaaliya Mudane Xasan Cali Khayre ayaa shir gudoomiyey kulanka oo aay ka qayb galay Guddoomiyaha maxkamadda sare ee dalka Baashe Yusuf Ahmed , madaxda laamaha cadaaladda , garsoorka iyo boliska , waxana looga dooday Hirgalinta hananka ku dhisan cadaaladda iyo dar-dar galinta fulita go’aanadda maxkmadda oo aay u xilsaran yihiin Ciidanka Boliska si loo xoojiiyo kalsoonida bulshada aay ku qabto garsoorka .
Dhamaan xubnihii ka qayb galay ayaa isku raacay in aay muhiim tahay in wax kabadal lagu sameyo qaabka aay uwadda shaqeyaan Garsoorka iyo boliska oo ah fuliyaasha Go,aanadda oo aay qayb ka noqdan isla xisaabtan , taas oo meesha ka saaraysa tuhunadii shacabka ay ka qabeen hawlaha Cadaaldda iyo garsoorka,
Ra’iisul Wasaraha Xukumadda federaalka Soomaaliya oola hadlay madaxa hay’adaha garsoorka , Caadalada iyo Boliska ayaa tilmaamay in dowlada Soomaaliya aay Dagaal adag kula jirto musuq maasuqa , maamul Xumadda , si taa loogu guuleystana laf dhabarna aay u yihiin , helista garsoor hufan iyo ciidan u diyaarsan fulinta go;aanada.
Taliyaha Boliska Soomaaliyeed Gen Bashir Cabdi Maxamed oo warbaahinta qaranka la hadlay ayaan wax ka waydiinay ahmiyada kulankaan manta uu Ra’iisul Wasaarauhu la yeeshay madaxa laamaha garsoorka , iyo boliska.
Shirkaan uu Ra’iisul Wasaaraha xukumadda federaalka Soomaaliya uu la yeeshay madaxda hay’addaha Garsoorka, Cadaaladda iyo sarakiisha ciidmada ayaa qayb ah qorshaha dar-dar galinta horumarinta Calaadda iyo garsoorka tiir dhexaad u ah la dagaalanka musuqa mamusaqa oo ay dowladda Soomaaliyed aay waddo .
