Ra’iisul wasaaraha Soomaaliya Xasan Cali Kheyre, ayaa ka hadlay qorshahii ay Ciidamada Qalabka sida ee Soomaaliya ula wareegi lahaayeen ammaanka Dalka, si looga maarmo xoogagga AMISOM.
Mudane; Kheyre oo u warramayay laanta Afka Soomaaliga ee BBC-da, isagoo ku sugan Magaalada Garoowe ayaa sheegay inuu hadafka Dowladdu yahay in la dhiso Ciidamo tayo leh oo lagu halleyn karo nabad gelyada Dalka, iyadoo dhismaha iyo tababarraduna ay marayaan halkii ugu wanaagsanayd, dhawaanna laga maarmi doono xoogag shisheeye.
Ra’iisul wasaaraha ayaa tilmaamay iney waqti badan geliyeen ka xukuumad ahaan, tiri koobka, hubinta, tababarrada iyo qalabaynta Ciidanka, wuxuuna sheegay iney Dowladda Soomaaliya iyo AMISOM wada dejiyeen qorshaha kala guurka oo ah mid kama dambays ah oo Ciidanka nabad ilaalinta Afrika lagaga kaaftoomayo.
