Munaasabadaan lagu maamusayay sanad guuradii koowaad ee kasoo
wareegtay markii la howl galiyay Ciiidanka Booliiska ee Xasilinta Gobalka
Mudug oo ay ka qeyb galeen masuulyin iyo saraakiil ka tirsan dowlad
gobaleedyada Galmudug iyo Puntland ayaa maanta lagu qabtay magaalada
Galkacyo ee xarunta Gobalka mudug.
Munaasabada oo looga hadlay inteeda badan waxqabadka ciidanka
xasilinta gobalka Mudug iyo baahiyada jira ayaa waxaa ugu horeyn ka
hadlay Taliyaha Ciidanka Xasilinta G/sare Jaamac Maxamed Axmed oo
sheegay in mudadii ay shaqeynayeen ay wax weyn ka qabteen amniga iyo
nabad galyada Gobalka.
Taliyaha qeybta boliiska gobalka Mudug ee Puntland G/sare Axmed
Cismaan cali oo isna ka hadlay munaasabada ayaa uga mahad celiyay
ciidanka xasilinta waxqabadka muuqda asagoona kula dar daarmay in ay
sii laba laabaan.
Duqa Dagmada Galkacyo ee Galmudug Xirsi Yuusuf Barre oo ku hadlayay
magaca masuuliyiinta Maamulka dagmada ee labada Maamul iyo Gudoomiye
ku xigeenka gobalka mudug ee galmudug Axmed Maxamed Shire Qoodaar oo
iyaguna ka hadlay munaasabada ayaa ku booriyay ciidanka xasilinta in
ay u adkeystaan baahiyada jira iyagoona uga mahad celiyay howsha adag
ee ay u hayaan bulshadooda.
Ugu danbayna waxaa munaasabada soo xiray Taliye ku xigeenka Ciidanka
Booliiska Galmudug Korneyl Cabdi Jaamac Cabdulle Xabeeb.
