Muqdisho (SNTV)- Caawa waxaa isku arkay tartan aqooneedka bisha Ramadan Degmooyinka Xudur iyo Kaxda oo ka kala tirsan Bakool & Benaadir.
Xudur ayaa nasiib u yeelatay in lagu bilaabo su’aalaha, waxaa la weydiiyay 7-su’aal oo loogu tala galay, waxa ay garatay mid kamid ah weydiimihii loogu tala galay iyo labo fursad oo ay lumiyeen Bakool waxa ayna sidaas ku heleen dhibco gaarayo 6.
Kaxda oo ah degmada la tartameysay Bakaal ayaa si lamid ah la weydiiyay 7-su’aalood, waxa ay garatay labo kamid ah kuwii ay xaqqa u lahaayeen, waxa ay si ka faa’ideysi ah u heleen labo kale, sidaas waxa ay ku aruursadeen dhibco gaarayo 8.
Tartanka caawa Kaxda ayaa nasiib u yeelatay in ay tiigsato wareegga 2-aad halka ay xudur ku biirtay degmooyinka ku haray wareegga 1-aad.
Habeen dambe tartanka ay tabineyso warbaahinta Qaranka isla markaana uu taaba gelinayo maamulka Gobalka Benaadir waxaa ku wada ballansan Shangaani iyo Wadajir oo ka wada tirsan Benaadir.
