(Muqdisho, 14 Maajo 2018) โ Duqa Muqdisho Ahna Guddoomiyaha G/Banaadir Mudane Cabdiraxmaan Cumar Cusmaan (Eng. Yarisow) ayaa maanta xafiiskiisa ku qaabilay wafdi heer sare ah oo ka socday Bankiga Adduunka oo ay Hoggaamineysey Madaxa Bariga Afrika. Kulanka ayaana diiradda lagu saaray mashaariic horumarineed oo Bangigu ka fuliyo Caasimadda.
Guddoomiyaha Gobolka Banaadir ayaa sheegay iyadoo laga faaโiideysanayo horumarka dhinacyada amniga iyo dhaqaalaha Caasimadda ee soo hagaagay ay lagama maarmaan tahay sameynta mashaariic waxtar leh, si bulshada Soomaaliyeed ay uga faaโiideystaan ugana helaan fursado shaqo.
Dhinaca kale Madaxa Bangiga Adduunka u qaabilsan Bariga Afrika Marwo Bella Bird ayaa uga mahadcelisay maamulka gobolka Benaadir soo dhaweynta loogu sameeyey Caasimadda dalka, waxayna sheegtay in Bangiga Adduunku sii xoojin doono taageerada dhinacyada kala duwan ee Soomaaliya si loo xaqiijiyo horumarka la higsanayo.
