Muqdisho (SNTV)-Agaasimaha guud ee Hayโadda Socdaalka iyo Jinsiyadda Soomaaliya Gaanshaanle Sare Maxamed Aadan Koofi oo socdaal ย ku maraya dalalka Finland, Norway iyo Belgium ย ayaa magaalada Oslo ee caasimadda ย Norway ย kulamo kala duwan kula qaatey madaxda iyo saraakiisha laanta ย socdaalka Norway ee UDI, Taliska guud ee ย booliiska, Xaruunta bixinta kaararka ย Aqoonsiga, ย Wasaaradda Caddaaladda iyo Wasaaradda arrimaha dibadda ย Norway,
Kulamadaas ayaa diiradda ย lagu saaray ย iskaashi laga yeesho arrimaha socdaalka , is-dhaafsiga xogta iyo Khibradaha, aqoonsiga Baasaboorka Soomaaliga.
Agaasimaha iyo wafdigiisa oo ka kooban 5-xubnood ayaa madaxda ugu muhiimsan oo ay la kulmeen waxaa kamid ahaa Taliyaha guud ee Booliska Norway, Agaasinka UDI iyo madaxda sare ee Wasaaradaha Amniga, Cadaaladda iyo arrimaha dibadda oo ay isdhaafsadeen khibrado iyo xog badan oo ku saabsan dhinaca wadashaqeeynta.
Wefdiga uu hogaaminayo Agaasime koofi ayaa booqday xarunta UDI, xarunta Booliiska magaalada Oslo, iyo xarunta kaararka aqoonsiga.
Agaasimaha guud ee Hayโadda socdaalka iyo Jinsiyadda Soomaaliya Koofi iyoย la-taliyihiisa Mahad Axmed Cabdi ayaa sidoo kale ka qeybgaley xaflad laguย soo gabagabeynayey tababaro iyo aqoon isweydaarsi muddo todobaad ah magaalada Osloย uga socday saraakiil ka tirsan Hayโadda socdaalka Soomaaliya.
Norway oo hor-muud u ah wadamada Soomaaliya kala shaqeeya arrimaha socdaalka ayaa dhowaan ku dhawaaqi doona dhameystirka heshiis ku saabsan oggolaansha dukuumentiyada safarka ee Soomaaliya, iyadoo horay ay Norway u ogolaatey baasaboorka diblomaasiga ah ee Soomaaliya.
