Wargelin ka soo baxdey Guddoomiye ku xigeenka 1-aad ee golaha shacabka ayaa lagu shaaciyey Mooshinkii laga soo gudbiyey Guddoomiyaha golaha shacabka mudane Maxamed Sheekh Cismaan (Jawaari) laga doodi doono maalinta sabtiga soo socda oo ay Tr. Ku beegan tahay 31-ma Maarso saacadda 9am, xarunta Golaha shacabka ee Barlamaanka Federaalka Soomaaliya.
Ajendaha kulanka waxa uu noqonayaa mooshinka laga keenay Guddoomiyaha gola shacabka Barlamaanka F.S. Mudane Maxamed Sheekh Cismaan (Jawaari)
Dhammaan xubnaha golaha shacabka ee aan ku sugneyn magaalada Muqdisho waxaa laga codsanayaa in ay ugu dambeyn ku soo galaan magaalada Muqdisho maalinta khamiista ah ee ay ku beegan tahay 29-ka Maarso, si ay u gutaan waajibaadkooda Dastuuriga ah.
Wargelintaan waxaa ku saxiixnaa guddoomiye ku xigeenka 1-aad ee golaha shacabka Mudane Cabdiweli Sh Ibraahim Muudeey.
