Allaha u naxariirtee Wariye Axmed Xasan Colaad oo ka mid ahaa wariyaasha ka howgala Magaalada Muqdisho kana tirsanay shaqaalaha laanta afka Soomaaliga ee VOA-da ayaa xalay ku geeriyooday magaalada Muqdisho.
Ehelada Marxuumka ayaa sheegay in Axmed Xasan Colaad uu maalmihii dambe ku xanuunsanayay magaalada Muqdisho, waxa uuna ku geeriyooday Isbital ku yaala Degmada Boondheere ee magaalada Muqdisho saqdii dhexe ee xalay.
Allaha u naxariirtee Axmed Xasan Colaad ayaa ifka ugu tagay 4 caruur ah laba wiil iyo laba gabdhood, maanta ayaa lagu wadaa in lagu aaso magaalada Muqdisho.
Axmed Allaha u raxmadee waxii ugu dambeyey ee Idaacadan uu soo direy ayaa aheyd Barnaamijka Faaqidaadda Todbaadka ee Jimcadii.
Marxuumka ayaa VOA lasoo shaqeeyey muddadii Laantani Afka Soomaliga ay soo jirtey oo uu wariye uga soo ahaa magaalada Muqdisho.
