Munaasabadaan waxaa ka qeybgalay Maamulka sare ee Jaamacadda Ummadda Soomaaliyeed, Madaxda Kuliyadaha,Arday iyo marti Sharaf kale waxayna iskugu jirtay soo bandhigidda Midowga ardayda Kuliyada Caafimadka ee Jaamacadda & soo dhawaynta Dufcadii 4-aad Ardayda Kuliyada Caafimaadka.
Munaasabadda qaybteeda hore waxaa lagu shaaciyay dhismaha Midowga Ardayda ee Kuliyadda Caafimaadka,iyadoo Gudoomiye looga dhigay Axmed Showqi.
Hormuudka Kuliyada Caafimaadka Jamacadda Ummadda Pro: Shaafici Aadan Dirir ayaa sheegay in wax badan badali karaan Midowgan hadaay sida saxda ah u howlgalaan.
Gudoomiye ku xigeenka dhanka Waxbarashada Jaamacadda Ummadda Aadan Guuled Shabeel oo munaasabadda soo xiray ayaa u mahadceliyay Ardayda howshaan soo qabtay, isgaoo dhinaca kale balan qaaday in ay maamul ahaan ay garab taaganyihiin.
