Bayaan kasoo baxay wasaaradaha Arrimaha Dibadda dalalka Sacuudiga, Kuwait, iyo Qadar ayaa lagu cambaareeyey qaraxyadii ka dhacay Hotel Naasahablood 2 ee magaalada Muqdisho, kaasi oo ay ku dhinteen dad isugu jiray shacab iyo masuuliyiin.
Dalalkaasi ayaa sheegay in falkaasi ay si aad ah uga xun yihiin oo ay cambaareynayaa, islamarkaana shacabka Soomaaliyeed iyo dowladooda ku taageeri doonaan sidii looga hortagi lahaa falalka Argagixisada ay ku heyso dadka Soomaaliyeed.
Dowladahaasi ayaa u tacsiyeeyey ehelada dadkii ku dhintay weerarka iyaga oo u rajeeyey caafimaad kuwii ku dhaawacmay falkaasi ay geysteen Maleeshiyaadka Argagixisada ah ee Al-shabaab.
Al-shabaab ayaa gelinkii dambe ee shalay weerar iyo qaraxyo ku qaaday Hotelka Naasahablood 2 ee magaalada Muqdisho, falkaas oo geystay qasaare isugu jira dhimasho iyo dhaawac.
