Muqdisho (SONNA) Ra’iisul wasaaraha Xukuumadda Federaalka ah ee Soomaaliya, Mudane Xasan Cali Kheyre oo uu wehliyo R/wasaare ku xiggeenka Xukuumadda, ayaa hadda soo booqday Xarunta Gurmad qaran ee Magalaadda Muqdisho, halkaasi oo ay ka socdaan Howlo loogu gargaarayo dadkii ku waxyeeloobay Qaraxii Zoobe ka dhacay 14kii Bishaan.
sidoo kale R/wasaare Kheyre iyo Ku xiggeenkiisa, ayaa Xarunta gudaheeda kulan kula qaadan doonno Guddigii loo xil saaray u gurmashada dhibaneyaashii waxyeelada ay kasoo gaarta Qaraxii Magaaladda Muqdisho ka dhacay.
Mudane Xasan Cali Khayre ayaa sheegay in doorka ay maanta qaateen ee gurmadka ay sii wadaan. Wuxuuna cadeeyey in haddii la helo midnimo iyo wadajir laga guuleysan karo cadow walba oo dhibaatu ku ah shacabka Soomaaliyeed.
Ra’iisul Wasaare Khayre ayaa xarunta gurmadka kula kulmay haweeney Soomaaliyeed oo wadata labo caruur ah seygeediina ku weydey qaraxii isgoyska Zoobe . Ra’iisul Wasaaraha ayaa uga tacsiyeyey dhibaatada soo gaartay, isla markaana ay dawladdu xil iska saari doonto wax u qabashada dhibanayaasha ay dadkoodii xasuuqeen Argagixisadu.
