Dowladaha Mareynkanka iyo Turkiga ayaa soo kala dhexgalay muran diplomaasiyadeed oo marka hore ka bilowday qunsiliyad , waxayna Labada Dowladoodba ay joojiyeen inta badan dal ku galkii ay muwaadiniinta kale siin jireen.
Safaaradda Turkiga ee Washington ayaa sheegtay in ay u baahan tahay in ay dib u qiimaynayso, sida ay dawladda Maraykanka uga go’antahay ammaanka shaqaalahaha iyo hawlahooda.
Safaaradda Mareynkanka ee Ankara ayaa horay war midkaasi u dhow u soo saartay.
Arrintan ayaa timid iyadoo la qabtay qof ka shaqaynayay qunsuliyadda Maraykanka ee Istanbul, isaga oo lagu tuhunsan yahay in uu calaaqaad la lahaa wadaadkii lagu eedeeyay afgambigii dhicisoobay ee Turkiga ka dhacat sannadkii hore.
Maraykanka ayaa arrintaas ku tilmaamay mid aan sal iyo raad lahayn ayna dhaawacayso xiriirkii laba geesoodka ahaa.
Shaqaalaha qunsuliyadda ee la xiray ayaa ahaa muwaadin Turkiga u dhashay, sida ay ku warrantay Wakaalada Wararka Turkiga ee Anadolu.
