Suudaan(SONNA) Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo iyo wafdigii uu hoggaaminayey ee maanta ka ambabaxay Magaaladda Muqdisho ayaa ka degay garoonka diyaaradaha magaalada Khartuum ee xarunta Dalka Suudaan.
Waxaa halkaasi ku soo dhaweeyey madaxweynaha Suudaan Cumar Xasan Albashiir iyo xubno ka tirsan goleyaashaย Dowladda iyoย masโuuliyiinta Safaaradda Soomaaliya ee Dalka Suudaan.
Wasiir Dowlaha arrimaha Dibada ย ee Sudan ย Hamid Mumtaz oo saxaafadda la hadlay ayaa sheegay in safarka madaxweyne Farmaajo oo qaadan doona labo maalmood uu salka ku hayo sidii labada dal ay u xoojin lahaayeen xiriirka diblomaasiyadeed ee ka dhexeeya labada dal.
Sida ay SONNA u xaqiijiyeen xubno katirsan wefdiga Madaxweynaha,waxaa laguย wadaa labada dhinac in ay ka wada hadlaan Arrimahaย ay kamidka yihiin dhinacyada Siyaasadda,Dhaqaalaha,Amaanka iyoย dhinaca dib lomaasiyadda,iyo sidii Dowladda Suudaan ay kaalin uga qaadan laheydย dib u dhiska iyo xasiloonida dalka,iyagoo kala saxiixandoona heshiis ku dhisan dhinaca iskaashiga.
Wafdiga Madaxweynaha waxaa kamid ah Wasiirada arrimaha dibadda,Dhallinyarada iyo Isboortiga,xanaanaaย Xoolaha, Beerahah,Waxbarashada,Wasiiru Dowlaha Madaxtooyada, lataliyaha arrimaha dibadda ,Xildhibaano iyo Taliyaha Ciidanka Booliska Soomaaliyeed.
Madaxweyne Farmaajo ayaa inta uu joogo Dalka Suudaan waxaa lafilayaain uu la kulmo Jaaliyadda Soomaaliyeed ee kunool halkaasi,islamarkaan uu uga warbixin doono horumarka kajira Soomaaliya. ย ย ย ย ย ย ย ย ย ย ย ย ย ย 
