Maalinta ololaha nadaafadda ee la qabto khamiista ugu dambeysa bil walba oo uu horey R/wasaare Xasan Cali Khayre u go’aamiyay, ayaa maanta si weyn looga fuliyay degmooyinka iyo xarumaha Dowladda ee Muqdisho.
Xarumaha maanta laga sameeyey ololahaasi oo ku aadan dib u soo celinta bilacda waxaa ka mid ah Wasaaradaha Warfaafinta iyo Ganacsiga Dowladda Soomaaliya, halkaasi lagu arkayay shaqaale iyo maamul oo si wada jir ah uga qeyb qaadanaya ololahaasi.
C/llaahi Xayir Ducaale Agaasimaha guud ee Wasaaradda Ganacsiga iyo Warshadaha Xukuumadda Soomaaliya ayaa warbaahinta Qaranka u sheegey in ay fulinayaan amarkii Dowladda ee ahaa in laga qeyb qaato ololaha nadaafadda Gaaar ahaan maanta oo kale oo uu horey u iclaamiyay Ra’iisul Wasaare Khayre.
Agaasime Xayir ayaa ku booriyay shaqaalaha iyo maamulka waaxyaha kala duwan ee Wasaaradda in qofkasta uu ka qaato kalinta kaga aadan sidii dib loogu soo celin lahaa bilicda magaalada Muqdisho ee Caasimadda Soomaaliya.
Maanta oo kale waa xiligii loo asteeyey nadaafadda oo dalka dhan laga fulindoono, isbedelo dhanka bilicda ayaa laga dareemayaa magaalaada Muqdisho wixii ka dambeeyey markii madaxda Dowladda Soomaaliya ay sheegeen in maalinta Khamiista ah oo bilkasta dhamaadkeedi ku beegan la qabanayo ololahani nadaafadda.
Maalinta nadaafadda ayaa si weyn waxaa uga dhex muuqday qaar ka mid ah haya’daha dawladda, kuwaas oo ka hawl galaayey goobo kala duwan, isla markaana dadweynaha kala qayb qaatay.
