Wafdi Kormeer ku tagay Deegaanka Bariire

Date:

Muqdisho (SONNA) Deegaanka Bariire oo 9km dhanka Galbeed ka jira deegaanka num 50 ee Gobolka Shabeelaha hoose, ayaa waxaa gaaray Wasiiro ka tirsan Maamulka Koonfur Galbeed iyo Masuuliyiinta Gobolka Shabeelaha hoose uu ugu horeeyo Guddoomiyaha Gobolka.

Masuuliyiintan ayaa u kuur galay Xaalada nololeed iyo mida Amni ee deegaanka Bariire, waxayna meel Fagaare ah ay kula hadleen dadka deegaanka.

Bariire waxaa dhawaan laga  saaray Maleeshiyada Argagaxisada Al Shabaab oo hore gacanta ugu hayay degaankan, Dhibaato badana u geysanayay shacabka.

Guddoomiyaha degmada Awdheegle Maxamed Aweys Abuukar oo ay hoostagto degaanka Bariire ayaa sheegay in isku socodka Gobolka Shabeelaha hoose uu muhiim u yahay deegaankan sidaas awgeed wuxuu ku baaqay in si wadajir looga shaqeeyo Amniga iyo Hormarka Bulshada deegaanka.

Wasiirka Xanaanada Xoolaha Maxamed Dowlad Goboleedka Koonfur Galbeed Maxamed Cabdiraxiin Nuur iyo Wasiirka Macdanta iyo Badroolka Koonfur Galbeed Cabdiraxmaan Cismaan Malaaq ayaa Bulshada ku dhaqan deegaanka ka codsaday in ciidanka xoogga dalka ay la shaqeeyaan, si looga hortago cadowga Soomaaliyeed ee Al shabaab oo umada u diidan inay nabad ku noolaadaan.

Guddoomiyaha Gobolka Shabeelaha hoose Ibraahim Najax ayaa sheegay in  Maamulka gobolka uu degaanka Bariire ka hirgelinayo mashaariic hormarineed ayna furi doonaan Wadooyinka ay go,doomiyeen Argagaxisada Al shabaab.

Share post:

Ugu Akhris badan

Kuwo kale
Kuwo kale

Madaxweyne ku-xigeenka Galmudug oo Guddoomiyaha SODMA uga waramay xaaladda bini’aadanninimo ee Galmudug

Madaxweyne Ku-xigeenka Galmudug Cali Daahir Ciid iyo Guddoomiyaha Hay’adda...

Warbixinta Toddobaadlaha ah ee Dowladda Federaalka Soomaaliya oo soo baxay

1- Madaxweyne Xasan Sheekh Maxamuud ayaa magaalada Qaahira kulan...

Wasiirka Arrimaha Gudaha XFS oo La Kulmay Waxgaradka Beelaha Dega SSC-Khaatumo

Wasiirka Wasaaradda Arrimaha Gudaha, Federaalka iyo Dib-u-heshiisiinta Xukuumadda Federaalka...

NISA oo 13 Khawaarij ah ku dishay howlgal qorsheysan oo ka dhacay Shabeellaha Dhexe

Ciidanka Hay’adda Sirdoonka iyo Nabadsugidda Qaranka (NISA) ayaa howlgallo...