Turkiga oo Muqdisho ka dhisay Dugsi lagu Baranayo Duulimaadka

Date:

Muqdisho (SONNA) Dugsiga maanta xariga laga jaray ayaa waxaa dhistay Hay’ada dowladda Turkiga u qaabilsan gargaarka iyo hormarinta ee Tika waxaana loo dhisay in lagu soo saaro aqoon yahano Soomaaliyeed oo ka shaqeeya Hay’ada Saadaasha iyo Duulista Hawada Soomaaliya.

Xaflad kooban oo xariga looga jarayay ayaa waxaa goob joog ahaa Wasiirka Wasaaradda Gaadiidka iyo Duulista Hawada, Wasiiru Dowlaha Wasaaradaas, Safiirka dowladda Turkiga u qaabilsan Soomaaliya, Agaasimaha Hay’ada Socdaalka iyo Masuuliyiin kale.

Madaxa Hay’ada TIKA oo iyadu dhistay Iskuulada Qaalid Yilmas iyo maareeyaha Hay’ada Saadaasha iyo Duulista Hawada Soomaaliya Yuusuf Cabdi C/lle ayaa labadu sheegay in iskuulku muhiim u yahay hormarka hay’ada saadaasha hawada Soomaaliya.

Safiirka dowladda Turkiga ee Soomaaliya mudane Olgan Baker ayaa sheegay in dowladda Tukiga ay ka go,antahay hormarka Soomaaliya isla markaana ay dowladda Soomaaliya kala shaqeynayaan sidii Somalia hormar buuxa u gaari lahayd.  

Wasiirka Gaadiidka iyo Duulista hawada Soomaaliya mudane Maxamed Cabdulaahi Salaad ayaa uga mahad celiyay dowladda Turkiga garab istaageeda bulshada Soomaaliyeed.

Dhamaadka sanadkaan ayaa qorshuhu yahay in Soomaaliya ay dib ula soo wareegto Maamulka Hawadeeda ka dib ku dhawaad 30 sano oo ay ka maqneed hirgalinta iskuulkaan ayaana muhiimad weyn u ah arintaas.

Share post:

Ugu Akhris badan

Kuwo kale
Kuwo kale

Madaxda dunida oo cambaareeyay isku day dil oo lala beegsaday Donald Trump

Hoggaamiyayaasha dunida ayaa taageero u muujiyay madaxweynihii hore ee...

Xeer Ilaaliyaha Qaranka: “Waa in si deg deg ah warbixin looga keenaa wixii ka dhacay xabsiga dhexe”

-Xeer Ilaaliyaha Guud ee Qaranka Dr Suleymaan Maxamed Maxamuud...

Tababar Muqdisho uga furmay madaxda qeybaha iyo hawlwadeenada Warbaahinta Qaranka

Agaasimaha Guud ee Wasaaradda Warfaafinta, Dhaqanka iyo Dalxiiska, Dowladda...

Xildhibaanada golaha shacabka BJFS oo maanta ka doodaya hindise sharciyeedyo muhiim ah

Xildhibaanada golaha shacabka ee Baarlamaanka Federaalka Soomaaliya ayaa maanta...