Shirkani oo halku dhigiisa uu ahaa hiigsiga Soomaaliya ee 2021 ayaa lagu daah furay magaalada Minneapolis ee dalka Maraykanka.
Shirkani oo ay soo qaban qaabiyeen ururka Ka-Joog iyo guddi gaar ah oo ka shaqeynayaa horumarka Soomaaliya ayaa waxaa ka soo qeyb galay Safiirka Soomaaliya u fadhiya Washington,wakiilo ka socday aqalka cad ee loogu arimiyo Maraykanka iyo dhalinyaro wax ku baratay dalka Maraykanka
Waxaana shirkani lagu wadaa in uu socdo mudo laba Maalin ah ayaa lagu soo gaba gabayn doonaa jaamacada Minnesota.
Danjiraha Soomaaliya ee dalka Mareykanka Axmed Ciise Cawad ayaa sheegay in shirkan uu yahay mid muhiim u ah dadka Somaaliyeed isla markaana ay ka qeybgaleen dhalinyarada Soomaaliyeed ee dalka Mareykanka wax ku bartay
Madaxa ururka Isuroon Fartuun Weli oo ka mid ah aqoon yahanada shirkani ka hadlaya ayaa sheegtay in haweenka Soomaaliyeed door weyn ay ka qaadan karaan dib u dhiska dalka Soomaaliya.
