Muqdisho (SONNA):- Naadiga kubadda cagta ee Elman oo ka mid ah kooxaha heerka koowaad ee dalka ayaa rasmi ula wareegtay laacibka Maxamuud Cabdinuur Maxamed oo lagu naaneyso Meeyman.
“Saakay waxa uu yimid tababarka kooxda, kaddib heshiis uu la gaaray naadiga waxaa loo xeray lambarka 7-aad ee naadiga, waa xiddig weyn oo aan aaminsanahay inuu wax kusoo kordhin doonno weerarka kooxda Elman.” Kabtanka kooxda Elman Xasan Cali Rooble (Babaay), ayaa warkan u sheegay SONNA.
Lambarka toddobaad ee Elman, waxaa horay u xeran jiray Allaha u naxariisto Cumar Muumin Daahir Zimbabwe, kaas oo u geeriyooday dhaawac soo gaaray.
