Carruur ku dhimatay dab ka kacay guri ku yaal magaalada Kismaayo

Date:

Shan carruur ah oo isku qoys ah ayaa maanta ku geeriyooday dab ka  kacay gurigooda oo ku yaal magaalada Kismaayo,  iyadoo dhacdadan ay aad uga argagaxeen dadkii deegaanka.

Dhacdadan ayaa ka dhacday halka lagu magacaabo Dalxiiska Xaafada Farjano ee magaalada Kismaayo, waxaa la sheegay in hooyada dhashay carruurtan ay ku xirtay guriga, iyadoo dhar dhaqid u aaday xaafad kale, si ay nolol maalmeed ugu raadiso.

Wararka ayaa sheegaya in shanta carruur ee geeriyooday uu ugu weynaa 6 jir, halka kan ugu yar uu ahaa canug naas la nuujinayay.

Wararka ayaa intaa ku daraya in cilad ka dhalatay koronto ku jirtay guriga ay isu bedeshay dab gebi ahaanba qabsaday gurigii ay ku jireen carruurta.

Hooyada dhashay carruurta ayaa la sheegay in markii lagu wargeliyay in carruurteeda ku dhinteen dab ka kacay guriga ayay suuxday,waxaana loola cararay isbilaalada Magaalada Kismaayo.

Madaxweyne ku xigeenka kobaad ee jubaland Maxamuud Sayid Aadan  iyo Wasiirka Madaxtooyada Jubaland oo goobta gaaray ayaa uga tacsiyeey ehelada caruutii ku geeriyooday dabkii maanta ka dhacay guri ku yalaada magaalada Kismaayo.

Madaxweyne ku xigeenka ayaa sheegay  in ay ka Maamul ahaan garab istaagi doonaan  qoyskii ay ka baxeen caruurta waxaana la qeybsan donaa murugada.

Share post:

Ugu Akhris badan

Kuwo kale
Kuwo kale

Ra’iisul Wasaaraha XFS oo qaabbilay Safiirka dowladda Switzerland u fadhiya Soomaaliya

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi...

Marwada Madaxweynaha JFS oo maanta iska diiwaangelisay degmada Dharkeynleey ee gobolka Banaadir

Marwada Madaxweynaha Jamhuuriyadda Federaalka Soomaaliya, Marwo Sahro Cumar Xasan,...

Soomaaliya oo marti galisay Shirka Xubnaha Siyaasadda Ciidamada Joogtada ah ee bariga Afrika (EASF)

Waxaa si rasmi ah maanta Muqdisho loogu furay kulammada...

Guddoomiye Muungaab oo la kulmay Danjiraha Ururka Jaamacadda Carabta u fadhiya Soomaaliya

Guddoomiyaha Gobolka Banaadir ahna Duqa Magaalada Muqdisho Dr. Xasan...