Mudane Taabid Cabdi Maxamed Guddoomiyaha Gobolka Banaadir ahna duqamagaalada Muqdisho Muqdisho ayaa saaka dhagax dhigay dib u dhiska wadada Janaraal Daaโuud oo isku xirta Taaladda Daljirka iyo wadada Sodonka ee magaalada Muqdisho.
Shir jaraaid uu ku qabtay saaka magaalada Muqdisho guddoomiyaha Gobolka Banaadir waxaa uu kaga hadlay muhiimadda ay leedahay dib u dhiska goobaha danta guud sida waddooyinka burbursan.
Guddoomiye Taabid ayaa sheegay wadadan Janaraal Daaโuud si rasmi ah ay u bilaabatay dib u dhiskeeda,isagoo intaasi ku daray in la dhisi doono dhamaan waddooyin burbursan ee dhexmara degmooyinka magaalada Muqdisho.
Wadad Janaraal Daaโuud oo xiriirisa Taalada Daljirka iyo wadada Sodonka ayaa kamid ahaayd meelaha burburka uu ka muuqdo,waxaana ay muhiim u tahay isu socodka dadka iyo gaadiidka maadaama ay xiriiriso degmooyin dhowr ah.
