Ciidamada katirsan militariga Soomaaliya ayaa tababara kor loogu qaadayay aqoontooda loogu soo geba gebeeyey magaalada Muqdisho kuaasi oo isugu jiray sarakiil, saraakiil xigeen iyo kuwo kale.
Waxaa goob joog ka ahaa Wasiirka Difaaca Soomaaliya,saraakiil katirsan ayadoo tababarkasi oo muddo bil ah ka socoday magaalada Muqdisho ay bixinayeen saraakiil Mareykan ah.
General Bile Ibraahim Aadan oo ah madaxa taakulaynta ciidanka xoogga dalka ayaa uga mahadceliyay saraakiisha Mareykanka ah tababarkan ay siiyen cutubyo katirsan ciidanka xoogga dalka, oo la barayay sidii ay dalkoodi u difaaci lahaayeen.
Mudane C/rashiid C/laahi oo ah wasiirka Gaashaaindhiga Dowladda Federaalka Soomaaliya oo ciidankaasi katirsan xoogga dalka u soo xiray tababarka ayaa bogaadiyay in waxyaaboihii ay barteen ay dalka ugu adeegaan.
“Waxaan aaminsanahay in howsha la idin tababaray ay tahay mid dhaxalgal ah,islamarkaana anficidoonta ciidamada xoogga dalka,anficidoonto dalka,looguna talagalay wax alaale wixii diwaangelin ah,oo laxisaabtan ah eek u saabsan wax alaale wixii ciidamadu ay leeyihiin in la helidoono xisaab waafi ah, oo boqolka sano ee soo socota qofkii idinka dambeeya uu helikaro recordkaasi, jiilka soo socoda ee soo koraya waa in ay helaan”, Ayuu yiri wasiirka Difaaca Soomaaliya.
Mareykanka ayaa kamid ah wadamada taageera Soomaaliya aydoo ay soo wehliyaan wadamo kale sida Turkiga Midowga Yurub iyo qaar kamid ah dalalka saaxiibada la ah Soomaaliya waxayna ka caawiyaan dhinacyada amniga, dhaqaalaha iyo dib u dhiska ciidamada.
