Habeenka 19-aad tartan cilmiyeedka Warbaahinta Qaranka ee uu maamulka gobolka Benaadir taabagelinayo, waxaa ku tartamay degmooyin Shibis oo ka tirsan gobolka Benaadir iyo Garoowe oo ah caasimadda gobolka Nugaal.
Tartamayaasha labada degmo waxaa la weydiiyey afar su’aal degma walba, iyadoo kaddib lagu soo gudbiyey inta aanan qeybta labaad la gelin warbixinnadii ka hadlayey taariikhda labadaas degmo ay dalka ku leeyihiin.
Natiijada Garoowe
Degmada Garoowe ee gobolka Nugaal waxaa la weydiiyey toddoba su’aal waxa ay ka jawaabbeen laba shan waa ay qaldeen wax ka faaideysi ahna ma helin, Garoowe waxa ay heshay afar Dhibcood (4 dhibcood).
Natiijada Shibis
Degmada Shibis ee gobolka Benaadir, waxaa la weydiiyey toddoba su’aal iyaguna waxa ay si sax ah uga jawaabbeen saddex su’aal afar waa ay iska qaldeen halka su’aal ka faa’ideysi ahna ay ka jawaabbeen waxa ay uruursadeen Siddeed dhibcood ( 8 dhibcood) degmada Shibis ee gobolka Benaadir ayaa u gudubtay wareegga saddexaad ee tartan cilmiyeedka warbaahinta Qaranka
Habeen dambe waxaa tartan adag uu dhexmari doonaa degmooyinka C/casiis oo ka tirsan gobolka Benaadir iyo Baydhaba oo ka tirsan gobolka Baay.
