Iyadoo maalintii shalay madaxda sare ee Dalka ay ku howlanaayeen Nadaafadda magaalada ayaa olole midkaas la mid ah waxa uu ka socday Degmada Heliwaa ee gobolka Benaadir.
Ololahaasi ayaa waxaa hormuud ka ahaa Guddoomiyaha Degmada Heliwaa Mudane Cabdixakiin Cumar Cabdulle oo ay wehliyaan qaar ka mid ah maamulka Degmada ayaa maanta soo kormeeray olole Nadaafadeed oo ka socotay waddooyinka degmada, kuwaasi oo ujeedku ahaa in laga jaro geedaha waddooyinka qariyay.
Ololahaasi ayaa intii uu socday ayaa waxa ay maamulka degmada Heliwaa ku guuleysteen in ay furaan islamarkaana ay dayactiraan waddooyin muhiim ah oo ku yaala gudaha Degmada
“Waxaa maanta markale ku guuleysanay in aan furno islamarkaana aan dayactirno waddooyin kale oo ku yaalla gudaha Degmada Heliwaa, kuwaas oo ay horay u xireen Geedka loo yaqaan Geed Yuhuud, sidaas darteed kan Maamul ahaan waxaa naga go’an inaan xoojinayo ololaha ku aadan bilic soo celinta caasimadda dalka” ayuu yiri Guddoomiyaha Degmada Heliwaa.
