Qarax gaari oo aan khasaare geysan ayaa ka dhacay Muqdisho.
Qaraxu waxa uu ka dhacay meel ku dhow guriga hooyooyinka ee gobolka Banaadir.
Intii aanu gaarigani qarxin waxaa ka war helay ciidammada ammaanka oo ku raad joogay kuwaas oo dadka uga digayย in ay u dhowaadaan.
Wasiirka Warfaafinta Dhaqanka iyo Dalxiiska Mudane Cabdiraxmaan Cumar Cismaan Eng Yarisow oo la hadlay SONNA ayaa sheegay in qaraxan aan cidina dhaawac iyo dhimasho ka soo gaarin.
โGaarigan waxaa ka war helay hayโadaha ammaanka oo ku raad joogay, intii ay jidka ku soo jireenย qolyaha miinooyinka qaabilsan si ay u furfuraan, ayuu qarxay mana jirto cid dhaawac ama dhimasho ka soo gaartayโ ayuu yiri Waziir Yariisow
Wasiirka ayaa intaa ku daray in ciidammada ammaankuย ay aad u adkeeyeen ammaanka goobta uu ka dhacay qaraxan fashilmay.
Guud ahaan ammaanka caasimadda ayaa aad loo adkeeyay iyadoo loo dabaaldegayo maalinta 15-ka May oo ah ah 74 sano guuradii ka soo wareegtay aasaaskii ururkii dhallinyaradii xornimo doonka Soomaaliyeed ee SYL
