Ururka Xamaas ee u halgama Xoriyadda dadka falastiin oo ay Israel gumaysato ayaa sheegay inuu ogol yahay in la dhiso Dowlad Xur ah ee falastiin leedahay oo Xuduudeeda tahay tii sanadkii 1967-dii, isla markaana caasimadeedu tahay magaalada Qudus.
Khaalid Mashcal oo ah madaxa xafiiska siyaasadda ee Ururka Xamaas oo shir jaraa’id ku qabtay caasimadda dalka Qadar ee Dooxa goob joogna ay ka ahaayeen masuliyiin badan oo ka tirsan hoggaanka Xamaas waxa u soo hadal qaaday hesshiis hore oo dhigayay in dhamaan Qaxootiga Falastiin ee qurbaha ku nool ay xaq u leeyihiin inay ku soo noqdaan degaanadooda xoogga ay ku haysato Israel ayna dhistaan dowlad xor ah.
Dhanka kale Afhayeenka R/wasaaraha Israel ayaa isna sheegay in qorshaha ay Xamaas waddo uu yahay mid dhagar ah oo ay caalamka ku khiyaamaynayso balse ay ku guul daraysanayso.
Wuxuuna Afhayeenku ku tilmaamay Ururka xamaas Urur argagixiso waxayna dhanka Marinka Gaza Israel kaga soo tuurayaan malaayiin sawaariikh ah oo ay dhibaato badan ka soo gaartay dadka rayidka ah ee Israel ayuu yiri
