Muqdisho-(SONNA)- Guddoomiyaha ururka Haweenka Gobolka Banaadir Jawaahir Baarqab ayaa sheegtay inay soo dhaweynayaan goโaannada dowladda ee ku aadan ciribtirka Al-Shabaab, la dagaallanka musuq maasuqa iyo faqriga, ayna diyaar u yihiin inay doorkooda ka qaataan kaalinta uga aadan arrintaan
Guddoomiyaha ururka Haweenka Gobolka Banaadir Jawaahir Baarqab oo la hadashay Radio Muqdisho ayaa sheegtay in haweenku ay diyaar u yihiin inay ka qayb qaataan kaalinta uga aadan sidii dalka oo dhan looga cirib tiri lahaa maleeshiyaadka Al-Shabaab.
Marwo Jawaahir waxay xustay inay soo dhaweynayaan kormeerka Raโiisul Wasaaraha Soomaaliya Mudane Xasan Cali Kheyre uu ku tegayo xarumaha hayโadaha dowladda, si uu ugu kuurgalo hanaanka shaqo ee hayโadaha dowladda, waxayna ay ku tilmaamtay inay tahay tallaabo ku dayasho mudan.
Guddoomiyaha ururka Haweenka Gobolka Banaadir ayaa haweenka Soomaaliyeed ka codsatay inay la shaqeeyaan laamaha amniga ee dowladda, si looga hortago dhagarta ay maleegayaan argagixisada Al-Shabaab.
