Guddoomiyaha xiriirka kubadda Cagta ee Qaaradda Afrika oo la sagootiyay

Date:

Xildhibaanno, mas’uuliyiinta xiriirkada kala duwan ee cayaaraha ayaa maanta sagootiyay Wafdi uu hogaaminayay Madaxweynaha Xiriirka kubadda Cagta ee Qaaradda Afrika Axmed Axmed, kaasi oo shalay soo gaaray Muqdisho, waxaana uu kulamo kala duwan la qaatay Madaxda dowadda.

 Wasiir ku-xigeenka Dhallinyarada iyo Cayaaraha ee Xukuumadda Soomaaliya Axmed Cumar Islow ayaa sheegay in maanta ay garoonka Aadan Cadde ay ka sii sagootiyeen wafdi uu hogaaminayay

“Guddoomiyaha xiriirka kubadda cagta ee Qaaradda Afrika, runtii 16-ka bishii hore ayaa la doortay, waxaana uu balan qaaday in safarkiisa ugu horeeya uu ku imaanayo Muqdisho, runtiina waa uu ka dhabeeyay, haddana waxaan ka sagootinayeynaa garoonka diyaaradaha Caalamiga ah ee Aadan Cadde” ayuu yiri Wasiir ku-xigeenka Dhallinyarada iyo Cayaaraha.

Madaxweynaha kubbadda cagta Qaaradda Afrika ayaa kormeeray garoomada kubada cagta sida, garoonka kubadda cagta ee Jaamacadaha, Kan Muqdisho oo fariisin u ah ciidamada Nabad Ilaalinta Midowga Afrika ee AMISOM iyo Benaadir.

Tani waxa ay noqoneysaa booqasho taariikhi ah, waxanna ay u gogol xaareysaa booqashadda madaxweynaha FIFA oo isna lagu waddo inuu yimaado Soomaaliya bilaha soo socdo.

Axmed Axmed oo u dhashay Madagascar ayaa la doortay 16-kii bishii hore, waxanna uu helay codad gaaraayo 34 halka Ciisa Xayaatu oo la tartamayay uu helay isna codad dhan 20.

Share post:

Ugu Akhris badan

Kuwo kale
Kuwo kale

DEG DEG: Ra’iisal wasaaraha XFS oo isku shaandheyn ku sameeyay xubno ka tirsan golaha wasiirada

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi...

Masuuliyiin katirsan Dowladda oo deeqa dawo ah gaarsiiyay isbitaalka Xoogga Dalka

Wasiirro iyo xilidhaano katirsan BJFS ayaa maanta deeq dawo...

GUDDOOMIYAHA GOLAHA SHACABKA EE BJFS OO QAABILAY SAFIIRKA SHIINAHA U FADHIYA SOOMAALIYA.

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane...

Diiwaangelinta codbixiyeyaasha oo maalinkii 2-aad ka socoto 6-degmo oo ka tirsan gobolka Banaadir

Guddiga Madaxa Banaan ee Doorashooyinka Qaranka iyo Soohdimaha ayaa...