Mogadisho (SNTV)- Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad, ayaa ku qaabilay Muqdisho Safiirka Boqortooyada Midowday (UK) ee Jamhuuriyadda Federaalka Soomaaliya Mudane Benjamin James Fender, waxa uu kala hadlay intii lagu guda-jiray fadhigaasi xoojinta xiriirka laba geesoodka ee labada dal ee saaxiibada ah u dhexeeya iyo qaabkii lagu horumarin lahaa iskaashi dhinac kastaba leh.

Kulanka ayaa waxaa diiradda lagu saarray iskaashiga dhinacyada ammaanka, milatariga, maalgeshiga iyo kobcinta dhaqaalaha iyo taageeridda dadaalka weyn ee Xukuumadda Federaalka ee ka tarjumaya rabitaanka dadka ee ah ka guul keenidda xasilinta dalka si loo gaaro horumar iyo barwaaqo.

Mogadisho (SNTV)– Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad, ayaa Isniintii ku qaabilay Muqdisho Wakiilka sare ee Midowga Yurub u qaabilsan Arrimaha Dibadda iyo Siyaasadda Amniga ahna Madaxweyne kuxigeenka Ururka Midowga Yurub, Marwo Federica Mogherini, oo booqasho shaqo ku timid Caasimadda Soomaaliya iyadoo hoggaaminaysa wafdi weyn oo dhinacyo kala duwan leh.

Wasiir Cawad waxa kale oo uu qaabilay Kusimaha Agaasimaha Galbeedka iyo Bariga Afrika ee Ururka Midowga Yurub, Mudane Hans Stausboll, waxa ayna ka wada hadleen xiriirka u dhexeeya Soomaaliya iyo Midowga Yurub dhinacyada siyaasadda, nabadgelyada iyo dhaqaallaha.

Soomaaliya waxa ay xiriir saaxiibtinimo la leedahay Midowga Yurub, waxa ayna Xukuumadda Federaalku doonaysaa inay adkeyso xiriirkaasi mudada dheer soo jiray si loo taageero mashaariicda horrumarinta, loona gaadho kobac dhaqaale oo hoos u dhigaya heerka shaqa la’aanya si sare loogu qaado heerka nolosha, lana horrumariyo dadaallada lagu bixinayo dhammaynta rabshadda iyo dhibaatooyinka bani’aadannimo ee soo noq-noqda.

Muqdisho (SNTV) Shirkan wada tashiga ah ayaa looga hadlay qodobo dhowr ah oo ay kamid yihiin gebo gebeynta qorshaha Tamarta ee Qaranka,iyo daahfurka mashruuca sahliadda Tamarta Dalka ayaa lagu qabtay magaalada Muqdisho.

Waxaa shir guddoomisay wasiirka Tamarta iyo Khayraadka Biyaha Xukuumadda Soomaaliya Marwo Fowsiyo Maxamed Sheekh oo wasaaradeedu ay soo qaban qaabisay shirka,iyadoo ay goob jog ahaayeen wasiirka Maaliyadda Soomaaliya Dr Cabdiraxmaan Ducale Beyle,wasiir kuxigeenka Tamarta mudane Cismaan Libaax Ibraahim,agaasimaha guud Cabdiwaaxid Ibrahim Axmed ,maamul goboleedyada iyo wakiilada  Dalalka Norway,Britain,Sweden,Germany iyo Bangiga Adduunka.

Wasiirka Tamarta Dalka Fowsiyo Maxamed Sheekh ayaa goobtaasi ku soo bandhigtay waxqabadka wasaaradda oo faahfaahsay guulihii la gaaray iyo yoolka wasaaraddu ay hiigsanayso.

“Sida aan la socono 10 kii sano ee  ugu dambeyeey tamarta waxa gacanta ku hayay shirkado gooni ah,horumar weyn ayaya ka gareen ,wax la inkiri karo ma ahan horumarkaasi,wadanka oo dhana waa ay gaarsiiyeen,wasaaradda iyadoo ka amba qaadaysa horumarkaasi,waxaa aan hirgelinay unug la yiraahdo unuga isku duwidda howlaha Tamarta oo ay naga caawisay hay’adda UNDP,sidaasi darted waxaan muhiimadda saarnay sidii loo heli lahaa Tamar jaban oo isku halayn leh,waxaan diyaarinay siyaasadda Tamarta ee Qaranka,waxaan ku guda jirnaa diyaarinta siyaasadda Tamarta ee Qaranka”.ayay tir Wasiir Fowsiyo.

Wasiirka Maaliyadda Soomaaliya mudane C/raxmaan ducaale Beyle oo hadal ka jeediyay shirkaasi ayaa ku ammanaay mas’uuliyiinta wasaaradad Tamarta dadaalka ay ugu jiraan ka miro dhalinta qorshaha Tamarta Qaranka,isagoo ku tilmaamay mid kaalin weyn ku leh horumarka dhaqaale ee dalka.

Ugu dambeyntii Wasiirka Tamarta Dalka Fowsiyo Maxamed Sheekh ayaa sheegtay in wasaaraddu ay qorsheynayso sidii adeegyada Tamarta loo gaar siin lahaa guud ahaan dalka,iyadoo 21,500, guri in ay heli karaan tamar cadceeda ah,taasi oo mashruuca qeyb ka ah.

San Francisco (SNTV):-Maareeyaha Hay’adda Isgaarsiinta Qaranka, Md. Cabdi Sheekh Axmed, ayaa booqday Xarunta Dhexe ee Shirkadda Loon oo ah mashruuc la mataano ah Google oo xaruntiisu tahay gobolka California ee dalka Mareykanka.

Maareeyaha oo martiqaad rasmi ah ka helay Loon ayaa la kulmay madaxda ugu sarreysa Loon oo uu hor kacaayay Maamulaha Alastair Westgarth iyo mas’uuliyiinta waaxyaha sharciyada, horumarinta ganacsiga, iyo hawlgallada, waxayna ka wada hadleen sida Soomaaliya uga faa’iideysan karto farsamadan casriga ah ee internetka lagu gaarsiin karo goobaha fog, iyadoo qeybo badan oo dalkeena ka mid ah weli uusan gaarin adeegga internet-ka.

Maareeyaha ayaa intii halkaasi joogay soo booqday qeybaha kala duwan ee shirkadda, gaar ahaan goobaha lagu farsameeyo qalabkan oo ah mid dul sabbeynaya illaa 10-20 km joog ka sarreeya oogada dhulka oo bixinaya internet xawaarihiisu gaarayo 4G.

Mashruuca Loon [loogu dhawaaqo Luun] waa dadaal ay Google ku dooneyso in internetka lagu gaarsiiyo meelaha aysan gaarin isgaarsiinta caadiga ah, waxayna iskaashi la sameeyaan shirkadaha isgaarsiinta ee adduunka si ay gacan uga geystaan fidinta adeegga internetka.

Maareeyaha oo halkaasi ka hadlay ayaa sheegay in farsamadan ay muhiim u tahay dalkeena maadaama adeegga internetka uu weli ku kooban yahay magaalooyinka, welina uusan gaarin miyiga fog iyo dhulalka buuraleyda ah ee ku yaalla xeebaha Badda Cas iyo Badweynta Hindiya. Maareeyaha ayaa intaasi ku daray in mashruucani uusan ahayn mid la tartamaya shirkadaha isgaarsiinta, balse uu yahay mid la shaqeynaya shirkadaha oo u fududeynaya inay adeeg internet gaarsiiyaan meel kasta oo aysan gaari karin xilligan anteenooyinkooda.

Mashruuca Loon oo soo socday 5tii sano ee la soo dhaafay ayaa la hirgeliyay dalal badan oo ay ka mid yihiin Kenya, Puerto Rico, iyo Sri Lanka.