17 sarkaal oo ka tirsan ciidanka federaalka Itoobiya ayaa la xiray kadib markii la sheegay in ay ku kaceen falal xasiloonida lid ku ah.

Sida uu sheegay taliyaha booliska Itoobiya saraakiishaan ayaa jaray qadka isgaarsiinta ee isku xirayay taliska dhexe ee ciidanka iyo taliska waqooyiga ee ku yaalla gobalka Tigreega, halkaas oo TPLF ay qabsatay.

Saraakiishan la xiray waxaa ugu darajo sareeya oo ugu magac dheer sareeye gaas, Gebremedihn Fekadu, oo caan ka ah ciidanka Itoobiya .

Saraakiisha ayaa waxaa lagu soo qabtay howlgal ay wada fuliyeen ciidanka iyo malatariga itoobiya.

Gebremedihn wuxuu ahaa madaxa isgaarsiinta ee ciidanka Itoobiya, waxaana la sheegay in uu la shaqeynayay TPLF.

Janaraalkan ayaa sidoo kale boolisku sheegeen in lagu qabtay 11 sanduuq oo ay ku jireen gantaalo iyo waxyaabaha qarxa oo uu doonayay in uu gacanta u galiyo kooxda TPLF.

Waxaa hadda ka socda magaalada Muqdisho, Shirka Wadatashiga Hay’adaha Dastuurka ee heer federaal iyo heer dawlad goboleed.

Shirka ayaa lagu wadaa in lagu soo gebo-gabeeyo dib u eegista farsamo ee Dastuurka ku-meel gaarka ah.

Kulanka ayaa waxaa goobjoog ka ah guddoomiyaha guddiga dib u eegista dastuurka baarlamaanka Soomaaliya Senator Cabdi Qeybdiid,xildhibaanno iyo khubaro ku xeel dheer arrimaha dastuurka.

Ray,sul wasaarihii boqortooyada Baxrayn Sheikh Khalifa bin Salman al Khalifa ayaa geeriyooday, sida ay Qasriga Boqortooyada shaacisay Maanta.

Sheikh Khalifa bin Salman oo 84 sano jiraa, ayaa saakay ku geeriyooday isbitaalka Mayo Clinic ee dalka Mareykanka, sida ay ku warameyso wakaaladda wararka Baxreyn.

Boqortooyada Baxrayn ayaa ku dhawaaqday baroor diiq rasmi ah muddo toddobaad ah inta lagu gudajiro.

Wasaraadda difaaca ee Dalka Ruushka ayaa sheegtay in ciidamo nabad ilaalineed ay u dirtay Gobolka ay isku Hayaan Dowladaha Azrebijaan iyo Armeeniya waayadii danbe ee Karabaakh.

Ciidamada nabad ilaalinta ayaa ka amba bixi doona dalka Armeeniya iyagoo jari doona masaafo dhan 250km, waxaana hubkooda iyo qalabkooda kale loogu daabuli doona diyaarado.

Soo daad gureynta ciidamada nabad ilaalinta ee Ruushka ayaa imaaneysa kadib markii Dowladaha Azerbijaan iyo Armeeniya ay kala saxiixdeen heshiis talaadadii lasoo dhaafay.

Wasiirka gaashaandhiga Armeeniya Davit Tonoyan ayaa uga mahadceliyay Ruushka soo diridda ciidamo nabad ilaalineed.

Wasaaradda Difaaca ee Ruushka ayaa sheegtay in ciidamada nabad ilaalinta ee karabaakh la geynaayo ay tiradoodu dhantahay 1960 asgari oo heysta qalab ciidan oo dhamaystiran.

Madaxweynaha la doortay ee dalka Mareykanka, Joe Biden, ayaa sheegay in diidmada Trump uu diiday in uu ogolaado in doorashada looga guuleystay ay tahay ceeb ama wax laga xishoodo.

Biden oo tan iyo shalay xiriirro kala duwan la sameynayay hoggaamiyeyaasha caalamka ayaa ku adkeysanaya in aysan jirin wax ka hor-istaagi kara in uu xilka la wareego.

Dhanka kale madaxweyne Trump ayaa qoraal uu bartiisa Twitter-ka soo dhigay ku sheegay in ugu dambeyntii isaga ay raaci doonto guusha doorashada oo inta badan warbaahinta ay saadaalisay in uu ku guuldarreysan doono.

Wali si rasmi ah looma xaqiijin natiijada dhammaan codadkii laga dhiibtay gobollada dalka Mareykanka, waxaana wali soconaya tirinta codadkii la dhiibtay.

Natiijada rasmiga ahi ayaa la shaacin doonaa kaddib marka ergooyinka doorashada ay kulmaan 14 bisha Diseembar.

In ka badan lix kun oo Itoobiyaan ah ayaa gaaray dalka Suudaan si ay uga baxsadaan dagaalada ka socda gobolka Tigray-ga sida ay sheegeen mas’uuliyiin ka tirsan dowladda Suudaan.

Dowladda Suudaan ayaa filaysa in 200,000 oo Itoobiyaan ah ay soo gaari doonaan dhulkeeda maalmaha soo socda, maadaama dagaalku sii socdo.

Hay’adaha gargaarka oo diyaarinaaya xero qaxooti oo la dejiyo dadka soo qaxaaya ayaa ka digay in dhibaato bini aadanimo ka dhalato qalalaasaha ka socda Itoobiya.

Ra’iisal wasaaraha Itoobiya Abiy Axmed ayaa hore u go’aamiyay in howl gal military laga fuliyo gobalka Tigrega si loosoo afjaro jabahadda hubeysan ee mucaaradka ku ah dowladda.

Boqolaal qof ayaa lagu soo waramayaa inay ku dhinteen intii uu socday dagaalka, taas oo dhalisay cabsi laga qabo in dagaal sokeeye dillaaco.

Mas’uuliyiinta dowladda Itoobiya ayaa sheegay in aysan wax wadahadal la geli doonin dowlad deegaanka Tigerega, illaa ay ka baabi’iyaan dhammaan hubka militariga, siina daayaan saraakiisha federaalka ah ee ay xirteen.

Si kastaba Ururka Goboleedka Midowga Africa oo maalin ka hor ka hadlay dagaalkan u dhaxeeyo Ciidamada Difaaca Dowlada Federalka Itoobiya iyo Jabhad TPLF ee taageersan Ismaamulka Tigreega ayaa labada dhinac ugu baaqay in la joojiyo dagaalka wixii khilaaf ah ee jirana lagu soo dhameeyo wada hadal iyo nabad si loo badbaadsho Dadka rayidka ah.