Wasiirka Wasaaradda Hawlaha Guud Mudane Xil Maxamed Aadan Macalin (Soomaali) oo uu wehlinayo Wasiir kuxigeen Wasaaradda Mudane Cabdinaasir Xuseen Geedi ayaa shir gudoomiyey shirka todobaadlaha ah ee Wasaaradda.

Shirka oo ka qayb galay Agaasimaha Guud iyo dhamman Agaasime Waaxeedyada kala duwan ee Wasaaradda ayaa waxaa lagu falanqeeyey qodobada kala.

Dhagaysiga Warbixinta safarki shaqo Ee uu hogaaminaayay Ra’isulwasaaraha JFS Wasiirkuna uu ka mid ahaa ee lagu tagay Magaalada Baydhabo Xarunta KMG Koonfur Galbeed.

Dhagaysiga Warbixinta Mashruuca SSIWP ee UNPOS oo laga dhegaystay Agaasimaha Mashaariicda Iyo dhagaysiga Warbixin laxiriirta qiimayn dhisme oo Wasaaradda Hawlaha guud ay kusamaysay dhismayaal dawladeed oo dhowr ah.

Wasiirka Wasaaradda Mudane Xil Maxamed Aadan Macalin (Soomaali) ayaa shirka Warbixin kasiiyey safarkii shaqo ee uu dhowaan kutagay magaalada Baydhabo Xarunta KMG ah ee Maamulka KGS waxa uu sheegay in safarkaas oo uu hogaaminaayay Ra’isulwasaaraha uu kusoo idlaaday si guul ah.

Shirka Todobaadlaha ee Wasaaradda ayaa ah mid lagu gorfeeyo isla markaana lagu dar-dargaliyo shaqada Wasaaradda, kaasoo ay isugu yimaadaan Wasiiradda, Agaasimaha Guud & Dhammaan Agaasime waaxeedyada Wasaaradda.

Radio Muqdisho oo dhidibada loo taagay Sanadkii 1951-kii, 9 sano ka hor intii aan dalku xor noqon. Waxa ay eheed raadiyaha labaad ee ugu facweyn idaacadaha Af-soomaaliga ku hadla dal iyo dibad Waxaana  ka fac weyn Radio Hargaysa oo la aasaasay 1943-kii.

Munasabada sanad guurada idaacada waxaa ka qeybgalay wasiiro, iyo Xildhibaano ka tirsan labada gole ee baarlamaanka dalka .

Masuuliyiinta ka qeyb-galay munaasabadda ayaa si wadajira u daadihiyay Barnaamijka madasha dhalinyarada oo si maalin la ah uga baxa Idaacada Radio Muqdisho iyagoo dhageeystay arragtida bulshada oo barnaamijka uga qeyb-galayay qadadka taleefanada.

Agaasimaha Idaacada Yaxaye Cali Farax iyo Agaasimaha Guud ee Wasaaradda Warfaafinta Dhaqanka iyo dalxiiska  Cabdinaasir Xuseen ayaa ka hadlay taariikhda idaacada iyo marxaladiihii kala duwana ay ku shaqeeyeen.

Wasiirka wasaaradda dastuurka xukumadda federaalka Soomaaliya Salah Axmed jaamac ayaa bogaadiyay shaqada ka socda radio Muqdisho.

Wasiirka Warfaafinta dhaqanka iyo dalxiska xukumadda federaalka Soomaaliya Mudane Cismaan Dubbe ayaa u bogaadin iyo hambalyo u diray shaqaalaha idaacada.

Idaacada radio muqisho waxa ay soo saartay Wariyaal iyo fanaaniin magac weyn ku leh bulshada kuwaasi oo bulshadu xiligii barisamaadka ay ka dhageeysan jireen.

Wasiirka Wasaaradda Qorsheynta, Maal-gashiga iyo Horumarinta Dhaqaalaha XFS Mudane Jamaal Xassan ayaa maanta ku qaabilay xafiiskiisa Hanti-dhowrka Guud Qaranka Soomaaliya Mudane Maxamed Cali Afgoye.

Hanti-dhowrka Guud Ee Qaranka ayaa sharaxaad laga siiyay Nidaamka maareynta deeqaha caalamiga ah (Somali Aid Information Management System), Sidoo kale hanaanka Kormeerka iyo Qiimeynta loogu sameeyo Mashaariicada ka socda Dalka oo dhan.

Ugu dambeyn Hanti-dhowrka ayaa bogaadiyay daddaalada baaxada leh ay wado Wasaaradda Qorsheynta Qaranka, Sidoo kale Wasiir Jamaal ayaa u Ifiyay hanti-dhowrka in ka Wasaaradda ahaan ay la shaqeyn doonan macluumadka la xariira deeqaha sida loo qeybo meelaha ay ka socdan iyo waqti Mashruuca ku egyahay.

Wasiir Jamaal Waxaa kullanka ku wehliyay qaar ka mid ah Agaaasimi waayaha iyo madax qeybad.
-DHAMAAD-
Xafiiska Warfaafinta & Xariirka Dadweynaha Wasaaradda Qorsheynta, Maal-gashiga iyo Horumarimta Dhaqaalaha XFS.

Wasiir ku-xigeenka Wasaaradda Shaqada iyo Arrimaha Bulshada Xukuumadda Federaalka Soomaaliya, Marwo Sahra Xaaji Xuseen ayaa maanta daah-furtay mashruuc taageeraya Haweenka heysta ganacsiga yar-yar oo uu sameeyay COVID-19 ee magaalada Muqdisho, iyada oo lagu siinayo kaalmo ku saleysan lacag caddaan ah iyo taageerid awood dhisid.

Cudurka saameeyay dunida oo dhan ee COVID-19 ayaa wuxuu saameen ku yeeshay Haweenka Soomaaliyeed oo nolashooda ku maareen jiray ganacsiyada yar-yar , wasaaradda shaqada iyo arrimaha Bulshada ayaa waxay ku taageertay deeq la caged oo cadaan ah.

Sanadkii 1951-kii, 9 sano ka hor intii aan dalku xor noqon ayaa uu hawada soo galay Radio Muqdisho. Waa raadiyaha labaad ee ugu facweyn idaacadaha af-soomaaliga ku hadla dal iyo dibad meel ay ka soo hadlaanba,Waxaana  ka fac weyn Radio Hargaysa oo la aasaasay 1943-kii.

Sanadihii ka sii dambeeyay ee ay dowladnimadu sii wiiqantay, wali Radio Muqdisho hawada ayuu ku jiray, hadba geed ayuu soo harsaday, hadbana duruuf ayuu ku jiray. Waxaase hubaal ah in uu mar walba kaga duwanaa idaacadihii kale ee dalka ka jiray in uu yahay dhaxal Soomaaliyeed oo fac weyn, kaas oo waxa ka baxaya ee suugaan iyo  taariikhba leh ay dadka Soomaaliyeed xusuusinayeen taariikh dheer oo la soo maray iyo dhaxal ay iyagu leeyihiin.

Mudadii uu jiray ilaa Saddex Magac ayaa loo yaqaanay, Radio Muqdisho Codka Jamhuuriyadda Soomaaliya ku waas oo la socday marxaladihii uu dalku soo maray .

Radio Muqdisho…Codka Jamhuuriyadda Dimoqraadiga ah ee Soomaaliya, Radio Muqdisho..Codka Shacabka iyo Radio Muqdisho Codka Jamhuuriyadda Soomaaliya.. Intaas oo magac iyo hal ku dhag waxaa loola jeedaa Radio Muqdisho.

Radio Muqdisho codka Jamhuuriyadda Soomaaliya ayaa u dabbaal degaya sanad guuradii 69-aad ee na soo wareegtay markii dhidibada oo taagay , tan iyo xilligaas ilaa iyo maanta waxaa uu u taaganyahay soo gudbinta warar iyo Barnaamijyo ku qotama dhacdooyinka siyaasadda iyo arrimaha bulshada.

Hay’addaha gargaarka ee qaramada midoobe ayaa dalbaday 147 malyuun oo dollar si loo caawiyo qaxootiga itoobiya ee ku sugan dalka Sudan.

Filippo Grandi oo ah madaxa hay’adda UNHCR ayaa sheegay in dad kor dhaafaya 43,000 oo qof kuwaas oo ka soo cararay waqooyiga itoobiya ay iminka Sudan ku sugan yihiin.

Mr Filippo oo shalay booqday bariga Sudan oo ay qaxootigi degan yihiin ayaa sheegay in dadku ay u baahanyihiin  waxyaabaha daruuriga ah sida biyo , cunto iyo hooy.

Wuxuu sheegay in uu soo arkay caruur iyo dumar aad u itaal daran.

Inkastoo ciidanka itoobiya qabsadeen magaalada Mekelle ee waqooyiga itoobiya hadana waxaa saakay wali jiray qul qulka dadka colaada ka baxsanaya ee Sudan gaaraya.

Wadooyinka Magaalada Muqdisho waxaa ka jira Jaam iyo ciriiri fara badan Waxaana Saameynta Ugu Weyn Ku Yeelatay Isu Socodka Dadka iyo Gaadiidka Noocyadiisa Kala Duwan, ganacsatada ,ardayda,shaqaalaha usoo kallaha shaqadooda iyo bulshada ku Nool Gobolka Banaadir iyo gobolada ku teedsan.

Ciriirigan Ka Jira Wadooyinka ayaa sabab u ah wadooyinka magaalada oo aad u yar cabir ahaan, gaadiidka oo aad ugu soo badanaya magaalada, gaadiidka xamuulka ah oo ee ka soo rarta dekedda oo isku xira wadooyinka

qaar ka mid ah gaadiidleyda iyo iyo ganacsatada ayaa ka hadlay saameynta ay ku yeelatay howlaha iyo shaqooyinkooda, waxaynta tilmaameen in dhibaato xoogan ay kala kulmaan xilliyada cariiriga ee Wadooyinka.

Mudooyinka ayaa Waxaa Soo Badanayay Ciriiriga Iyo Jaamka faraha Badan ee ka Jira Wadooyinka Magaalada Muqdisho Iyadoo Dowladda Soomaaliya ay Waddo dadaalo ay ku fureyso wadooyinka dhagxaanta ay ku xiran ee magaalada.