​

Hay’adaha Qaramada Midoobay ayaa ka digay macaluul daran oo ka jirta gobolka Geeska Afrika, taasi oo ay sababeen Abaaraha daba dheeray ee gobalka ka jira.

Qaramada Midoobay ayaa sheegeysa in Gaajada ay sii kordhayso marba marka ka dambaysa, waxaana meelaha ugu daran ka mida qeybo ka mid ah Soomaaliya oo aan muddo afar sano ah oo xiriir ah aan helin roobabkii la filayey.

Hay’adda cuntada adduunka ee WFP ayaa horay u sheegtay in illaa 22 milion oo qof oo ku kala nool dalalka Ethiopia, Kenya iyo Soomaaliya inay soo foodsaartay abaaro iyo gaajo darani, sidokale waxay sheegeen in abaarahaasi ay sababeen in malaayin xoolo ah ay dhinteen, halka illaa Todoba million oo qofna ay guryahooda ka barakaceen si ay u raadsadaan cunto ay ku noolaadaan iyo inay xoolahooda ay u helaan meel ay ugu helaan baad iyo biyo.

Hay’adda WFP ayaa ka digtay korarka ku yimaado tirada dadka abaaruhu ay saameeyeen ee ay hayso gaajada, maadaama la saadaalinayo inay jirto roob yaraan, taasoo noqonaysa sannadkii shanaad ee aan la helin roobabkii la filayey.

WFP ayaa sheegtay in si degdega loogu baahan yahay illaa $416 milyan si gargaar degdeg ah loogu fidiyo dadka abaaruhu saameeyeen, illaa dhammaadka sannadkan.

Madaxa WFP ee Bariga Afrika, Michael Dunford, oo dhawaan ka soo laabtay booqasho uu ku tagay Soomaaliya iyo Waqooyiga Kenya, ayaa sheegay inuu si gaar ah uga walaacsan yahay xaaladda abaareed ee ka jirta Soomaaliya oo saamaysay in ka badan 7 million oo qof, taasoo noqonaysa xaaladdii bini’aadanimo ee ugu darnayd ee uu arko muddo 21 sano ah oo uu ka shaqaynayey hay’adda WFP.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo guddoomiyey shir aan caadi ahayn oo ay yeesheen Guddiga Amniga Qaranka ayaa shacabka Soomaaliyeed la wadaagay farriin ku saabsan xaaladda amni ee dalka iyo qorsheyaasha dowladda ee dabar-goynta argagixisada Alshabaab.

Xoghayaha Joogtada Xafiiska Ra’iisul Wasaaraha Mohamed Abukar Zubeyr ayaa qaabilay wafdi ka socday Ururka Iskaashiga Dhallinyarada Islaamka.

Waxaa kulanka looga wada hadlay sida loo xoojin lahaa iskaashiga labada dhinac loogana qeyb qaadan lahaa hurumarinta dhallinyarada iyo kor-u-qaadista wacyigooda.

Kulanka waxaa xoghayaha ku wehliyay Hakeem Cadnaan oo ah La Taliyaha sare ee Ra’iisul Wasaaraha ee Dib u Habeynta iyo Horumarinta Arrimaha Bulshada.

Masuuliyiinta ururka Iskaashiga oo ka hadlay kulanka ayaa ballanqaaday in ay gacan ka geysan doonaan horumarinta iyo taageerada dhallinyarada Soomaaliyeed ee dhinacyada tababarada iyo diblomaasiyadda.

Wasiirka Difaaca ee Soomaaliya oo ay wehliyaan Taliyaha Ciidanka Xoogga dalka, Taliyaha Ciidanka Dhulka ee Xoogga Dalka iyo Saraakiil kale ka tirsan Taliska 27aad ee XDS, isla markaana howlo shaqo u jooga magaalada Beladweyne ee xarunta Gobolka Hiiraan ayaa kulan la qaatay Madaxweynaha iyo Madaxweyne ku-xigeenka Dowlad Goboleedka Hirshabeelle.

Muqdisho-23-8-2022:Dowladda Federaalka Soomaaliya ayaa maanta ku guuleysatay inay dalka dib ugu soo celiso 14 dhalinyaro ah oo ku xirnaa xabsiyadda wadanka Liibiya.