Search
Subscribe
Home Blog Page 482

Duqa Muqdisho oo sheegay in xabsiga la dhigay ciidankii rasaasta ku furay Guddoomiyaha Yaaqshiid

Muse Abdullahi Cirro
-
0
Duqa Muqdisho oo sheegay in xabsiga la dhigay ciidankii rasaasta ku furay Guddoomiyaha Yaaqshiid

Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale(Madaale) ayaa sheegay in xabsiga la dhigay oo sharciga la horkeeni doono ciidankii ku qornaa Isgooska Siinaay ee rasaasta ku furay Guddoomiyaha Degmada Yaaqshiid Sulaymaan Faarax oo dhaawac soo gaaray.

Mudane, Madaale oo warbaahinta kula hadlay halkii ay shaqaaqadu ka dhacday ee isgoyska Siinaay ayaa intaa ku daray in xubnaha ay u qabteen falka sababay dhimashada iyo dhaawaca ay ku wareejiyeen laamihii u xilsaarnaa ee baarista iyagana ay ka war sugayaan.

Guddoomiyaha oo ay wehliyeen Guddoomiye Kuxigeenka Amniga iyo Siyaasadda Maamulka Gobolka Banaadir, Taliyeyaasha Qeybta Guud ee Booliska, Nabadsugidda iyo Guddoomiyeyaal Degmo ayaa tacsi u diray shacabkii iyo ciidankii ku waxyeelloobay is rasaasayntii ka dhacday halkaasi.

Ukraine: Ma jirto calaamad muujinaysa in Shiinuha uu Hub siiyo Ruushka

Muse Abdullahi Cirro
-
0
Ukraine: Ma jirto calaamad muujinaysa in Shiinuha uu Hub siiyo Ruushka

Madaxa sirdoonka Ukraine Kirillo Budanov, ayaa ku sheegay wareysi uu siiyay Warbaahinta, in aaysan jirin wax muujinaya in Dowladda Shiinuha ay dooneyso inay Hub siiso dhigeeda Ruushka.

Kirillo Budanov, ayaa sida muuqato Wareysigan ugu jawaabayay hadaladii dhawaan ka soo baxay Mareykanka ee ku saabsanaa in Shiinuhu uu doonayo in uu hub siiyo ciidamada Ruushka, si ay ugu kaashadaan duulaanka Ukraine.

Wareysi uu siiyay Warbaahinta Mareykanka 25-kii bishan, ayuu Kirillo Budanov, ku yiri “Waqtigan xaadirka ah, uma maleynayo in Shiinaha uu aqbali doono in Ruushaka uu siiyo Hub, si uu ugu kaashado dagaalka nagala dhaxeeya.”

Wareysiga lala yeeshay Kirillo, ayaa yimid kadib markii Agaasimaha CIA Mareykanka William Burns, fiidnimadii Axaddii, uu wareysi siiyay warbaahinta CBS, kaasi oo uu ku sheegay in Shiinaha uu Ruushka ugu deeqaya Hub halis ah.

Guddoomiyaha Hey’adda Maareynta Masiiboyinka Qaranka oo la kulmay wafdi ka socda ururka iskaashiga islaamka ee OIC

Muse Abdullahi Cirro
-
0
Guddoomiyaha Hey’adda Maareynta Masiiboyinka Qaranka oo la kulmay wafdi ka socda ururka iskaashiga islaamka ee OIC

Guddoomiyaha hay’adda Maareeynta Musiibooyinka Qaran Mudane Maxamuud Macallin Cabdulle oo ay wehliyaan howlwadeenno, iyo Lataliyayaal sare oo ka tirsan hay’adda ayaa maanta Muqdisho kula kulmay Wafdi ballaaran oo ka socday ururka iskaaashiga islaamka OIC oo uu hoggaaminaayay kaaliyaha xoghaya Guud ee arimaha bini’aadminimada, arrimaha bulshada iyo dhaqanka Danjire Tariq Cali Bakhet iyo Madaxa Xafiiska Muqdisho ee Ururka Iskaashiga Danjire Maxamed Bomba Maxamed

Guddoomiye Hay’adda Maareeynta Musiibooyinka Mudane Maxamuud Macallin Cabdulle ayaa mas’uuliyiinta uu la kulmay warbixin kooban ka siiyay xaaladda waddanka ee la tacaalidda Abaaraha iyo barakaca ay sababeen isbeddelka Cimilada iyo colaadahu, ayaa ka codsadey ururka islaamka garab istaag iyo taakulo.

Danjire Tariq Cali Bakhet oo ah kaaliyaha xogahaya guud ee arrimaha bini’aadminimada ee ururka iskaashiga islaamka OIC ayaa mujiiyay sida ay ururka uga go’antahay garab istaagga Soomaaliya, isaga oo ballan qaadey taakulo degdeg ah. Waxa uu sidoo kale ururku ballan qaadey sii wadista u qareemidda Soomaaliya iyo joogteynta taakuleynta.

Wasiirka Wasaaradda Qorsheynta XFS oo daah furay Shir weynaha Xalka Waara ee heer Qaran

Muse Abdullahi Cirro
-
0
Wasiirka Wasaaradda Qorsheynta XFS oo daah furay Shir weynaha Xalka Waara ee heer Qaran

Wasiirka Wasaaradda Qorsheynta, Maalgashiga iyo Horumarinta Dhaqaalaha XFS, Mudane Xildhibaan Maxamuud Cabdiraxmaan (Beenebeene) ayaa daah furay Shir weynaha Xalka Waara ee heer Qaran, halku-dhigiisuna yahay Tayeynta iyo isku-dubaridka wax ka qabashada barakaca, iyadoo loo marayo xal hormarineed, shirka oo mudo labo cisho ah ka socon doona Magaaladda Muqdisho.

Shir weynaha Xalka waara ee Heer Qaran waxaa kaso qeyb galay Wasiiro iyo Xildhibaano ka tirsan Dowaldda Fedaraalka Soomaaliya iyo Saaxibada Soomaaliya ka taageero Mashaariicda Hormarinta’

Shirka inta uu socdo waxa looga hadlay Xaalada abaaraha ka jiro soomaaliya  Xiligaan iyo Xal u helidda Dadka barakacayaasha ah ee Saameeyeen abaaraha iyo Dagaalada khawaarijta lagu jiro ee ka socda dalka.

Wasiirka Qorsheynta Maalgashiga iyo Horumarinta Dhaqaalaha Xukuumadda Federaalka Soomaaliya Mohamud Abdirahman Beenebeene  oo ka hadlay madasha ayaa sheegay in Soomaaliya ay tahay Meesha ugu badan ee ku nool yihiin Barakacayaasha’  isagoona sheegay in Dowaldda Soomaaliya ay ka go’an tahay xal u helida  Dadka soomaaliyeed ee Barakacayaasha ah.

Wasiirka waxa uu sidoo kale sheegay in ku dhawaad 3 malyin oo qof ay gaarayaan dadka barakacayaasha ah ee ku nool soomaaliya kuwaasi oo u baahan in laga caawiyo Waxbarashada,Caafimaadka iyo In dib u dajin loo sameeeyo.

Ra’iisul Wasaaraha XFS oo daah-furay Imtixaanka macallimiinta ee qaadaneyso Wasaaradda Waxbarashada

Muse Abdullahi Cirro
-
0
Ra’iisul Wasaaraha XFS oo daah-furay Imtixaanka macallimiinta ee qaadaneyso Wasaaradda Waxbarashada

Raiisul wasaaraha XFS Mudane Xamse Cabdi Barre ayaa si rasmi ah u furay imtixaanka macalimiinta cusub ee u tartamayo seddex kun oo macalin oo ay dowladda Soomaaliya qaadaneyso.

Imtixaanka waxaa ka qaybgalaya 8000 oo macallin, oo ku galaya imtixaanaadka 22 goobood oo ku kala yaala 11 magaalo oo ka tirsan dalka.

3800 oo macalimiin ah ayaa waxaa uu imtixaanka saakay uga farmay xarunta jaamacadda Umadda ee degmada Xamarweyne.

Wasaaradda waxbarashada XFS ayaa sheegtay in Gobolka Banaadir laga qaadanayo kun macalin oo ka mid ah saddexda kun ee macalin oo dalka oo dhan laga qaadanayo.

Dadka ka qeybgelayay imtixaanka ayaa waxaa kamid ah Hooyo Xamdi Maxamed Xusseen oo ah Hooyo umul  ah oo heysata gabar 8-cisho jirta,Sidoo kale sayga Xamdi Maxamed Cabdi Cali ayaa kamid ah macalimiinta imtixaanka gelaysa.

 

Ciidamada amniga oo howlgallo qorsheeysan xalay ka fuliyay degmada kaaraan ee gobolka Banaadir

Muse Abdullahi Cirro
-
0
Ciidamada amniga oo howlgallo qorsheeysan xalay ka fuliyay degmada kaaraan ee gobolka Banaadir

Ciidamada Hay’adda Nabadsugida iyo Sirdoonka Qaranka Soomaaliya ee Duufaan  iyo Ciidamada Booliiska ayaa xalay holwgallo qorsheysan ka fuliyay xaafadaha degmada Kaaraan ee gobolka Banaadir, halkaa oo maalmihii ugu dambeysay ay falal amni darro ka dhacayeen.

Inta uu howlgalku  socday ayay ciidamada ku beegasadeen guryo lagu tuhmayay inay ku sugan yihiin Kooxo Ciyaal weero ah iyo kooxa kale oo burcad ah kuwaa oo dhibaata u geysan jiray dadka shacabka ah ee dagan degmada karaan islamarkaana ay ciidamda gacanta kusoo dhigeen.

Taliyaha Ciidamada Hay’adda Nabadsugida iyo Sirdoonka Gobolka Banaadir Muxudiin warbac oo howlgalka qeybka ahaa ayaa kormeeray Goobaha ay howlgallada ka socdeen, isaga oo Ciidamada ku bogaadiyay xaqiijinta amniga.

Howlgalkaan Ciidamada Hay’adda Nabadsugida iyo Sirdoonka Qaranka Soomaaliya ee Duufaan iyo  Ciidamada Booliska ka sameeyeen degmada Kaaraan ayaa ahaa mid salka ku hayay xaqiijinta amniga degmada oo maalmihii danbe falal amiga lidi ku ah ay ka dhacayeen.

Wasaaradda Deegaanka oo baaritaan ku sameyneysa fuustooyin sun looga shakiyay oo lagu arkay xeebta Cadale

Muse Abdullahi Cirro
-
0
Wasaaradda Deegaanka oo baaritaan ku sameyneysa fuustooyin sun looga shakiyay oo lagu arkay xeebta Cadale

Wasaaradda Deegaanka iyo Isbedelka Cimilada Dowladda Federaalka Soomaaliya ayaa soo saartay digniin la xariirta fuustooyin aan la aqoon waxa ku jira oo lagu arkay deegaanka Cadale, kuwaas oo muddo dheer yaallay xeebta degmada Cadale ee Gobalka Shabeellaha Dhexe.

Hamahaan ayey walaac ka muujiyeen dadka degaanka,iyagoo uga shakiyey in ay ku jiraan walxo kiimiko iyo sun ah.

Qoraal ka soo baxay wasaaradda Deegaanka iyo Isbedelka Cimilada XFS ayaa lagu sheegay in wasaaradda sida ugu dhaqsiyaha badan ay u qorshayneyso in ay koox khubaro ah u saarto arrintan, kuwaas oo baaris ku sameeyn doono hamaha looga shakisanyahy in walxo kiimiko ah ay ku jiraan,si deg deg ahna ay ku gaari doona deegaanka Cadale ee gobolka shabeellaha Dhexe.

Wasaaradda ayaa sidoo kale xariir la sameeysay maamulka degmada Cadale, waxaana la isla meel dhigay in si kumeel gaar ah loo xiro aagga ay fuustooyinku yaallaan inta baaris rasmi ah looga sameynayo si loo hubiyo badqabka bulshada iyo deegaanka.

Shacabka degaanka ayaa  la faray in ka fogaadaan haamahaas inta laga hubinayo waxyaabaha ku jira, si loo ilaaliyo bedqabka cafimaad ee bulshada dagan Cadale.

 

Muhaajiriin iyo qaxooti kale oo ku dhintay dooni ku degtay xeebaha Talyaaniga

Muse Abdullahi Cirro
-
0
Muhaajiriin iyo qaxooti kale oo ku dhintay dooni ku degtay xeebaha Talyaaniga

Ugu yaraan 59 qof oo ay ku jiraan 12 caruur ah ayaa dhintay kadib markii dooni ay la socdeen tahriibayaal iyo qaxooti kale ay ku degtay magaalo xeebeedka Crotone ,koonfurta gobolka Calabria ee dalka Talyaaniga.

Doontaasi, ayaa ka soo shiraacday dalka Turkiga dhowr maalmood ka hor ,waxaana  la socdeen muhaajiriin u kala dhashay dalalka Afgaanistaan,Iran iyo wadamo kale oo dhowr ah.

Doontaasi oo ku burburtay meel u dhow Steccato di Cutro oo ah goob loo dalxiis tago oo ku taal bariga xeebta Calabria,waxaa ka badbaaday 81 qof ,sida uu sheegay. Manuela Curra, oo ah sarkaal ka tirsan dowladda gobolka, ayaa u sheegtay wakaaladda wararka ee Reuters.

Markabka ayaa ka soo ambabaxay magaalada Izmir ee bariga Turkiga saddex ama afar maalmood ka hor, waxaana saarnaa illaa 150 ruux,iyadoo sababaha shilkaasi lagu sheegay ,doonta oo aad u yareyd, tirade dadka oo badnaa iyo dabeylo wata qabow oo halkaasi ka jiray.

 

Guddoomiyaha Golaha Shacabka oo booqday Safaaradda Soomaaliya ee dalka Ciraaq

Muse Abdullahi Cirro
-
0
Guddoomiyaha Golaha Shacabka oo booqday Safaaradda Soomaaliya ee dalka Ciraaq

Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa booqday Safaaradda Soomaaliya ay ku leedahay dalka Ciraaq, waxaana ku soo dhaweeyay danjiraha Soomaaliya ee Ciraaq Amb. Liiban Sheekh Maxamuud (Maalinguur), qunsulka iyo madaxda sare ee kala duwa oo ka howl gasha safaaradda.

Danjiraha Soomaaliya ee Ciraaq ayaa Guddoomiyaha warbixin ka siiyay sida ay u shaqeeyso safaaradda, isagoona sheegay in marxalado adag oo kala gedisan ay soo martay safaaradda isla-markaana xaaladahaas adag loogu shaqeeynaayo dalka iyo dadka Soomaaliyeed looguna adeego dowladnimada dalka.

Guddoomiyahaaya Golaha Shacabka BJFS ayaa mas’uuliyiinta safaarada ku ammaanay doorkooda muhiim ka ah ay ka qaateen ilaalinta sharafka ummadda Soomaaliyed, waxaana uu tilmaamay in Dowladda Federaalka ah dadaal dheer ku bixin doonto sidii wax loogu qaban lahaa, loona qurxin lahaa dhismaha Safaaradda

 

Tirinta cododkii doorashadii Nigeria oo weli socota xilli ay weli codbixintu socoto

Yoonis Duraan
-
0
Tirinta cododkii doorashadii Nigeria oo weli socota xilli ay weli codbixintu socoto

Dadka reer Nigeria ayaa isugu soo uruuraya goobaha codbixinta ee qeyba kamid ah dalka, halkaas oo cilado farsamo awadeed aanay dadku aanay ugu suuragelin inay codkooda ka dhiibtaan doorashadii Sabtidii.

Continue
1...481482483...1,718Page 482 of 1,718

© 2023 Telefishinka Qaranka Soomaaliyeed