Waxaa gudaha dalka ka Soomaaliya,gar ahaan gobolada dhexe iyo kuwa koonfureed ka socda howlgallo ciidan oo la doonayo in kooxaha nana-diidka ah looga sifeeyo deegaanada fara ku tiriska ah ee kooxdaasi ay ku dhibaaateeyaan dadka shacabka .

Howlgaladaan oo bilowday todobaadyadii la soo dhaafay ayaa daba socda qorsho howleed ka yimid Madaxweyne Xasan Sheekh ,kaas oo la doonayo in guud ahaan dalka looga ciribtiro kooxaha argagixisada ee caadeystay in ay ku naaxaan lacagaha baadda ah ee ay ka qaadaan dadka shacabka ah,gaar ahaan beeraleyda iyo xoolo dhaqatada.

Howlgaladaan oo lagu saleeyay qorshaha dhamaadka Al-Shabaab ayaa xilligaan horseeday in Shacabka Soomaaliyeed ee ku nool Koofurta iyo Bartamaha Soomaaliya ay u istaagaan dagaal toos ah oo naf hurnimo ah oo lala galo Xagjirka arxanlaawayaasha ah ee Al-Shabaab.

Sidoo kale,howlgaladaan ayaa haatan u jiheystay Kacdoon shacab oo ka dhan ah kooxaha nabad-diidka, waxayna dhaliyeen in dhul ballaaran laga ceyriyo Alshabaab, isla markaana laga nabad-galo cagajugleyntii iyo lacagihii baadda ahaa ee ay qaadan jireen kooxahaasi.

Inta badan kacdoonada shacabka ee ka dhanka ah Al-Shabaab, ayaa yimid ama daba socda,kadib markii dad aad u fara badan oo dhibaatooyin kala kulmay ficilada xun ee kooxaha argagixisada ay ku biireen howlgalladaan  ciidan ee ka socda Gaalgaduud,Hiiraan iyo iyo deegaanno ka tirsan K/Galbeed.

Saraakiisha ciidamada ee ku sugan Hiiraan iyo Gaalgaduud ayaa sheegay in ay ka g’an yahay sidii deegaanadaasi looga saari lahaa kooxaha Al-Shabaab,isla markaana  loo badbaadin lahaa  dadka shacabka ah .

Maalmihii u dameeyay ,waxaa degmooyin ka mid ah Gaalgaduud iyo Hiiraan lagu gubay dad rayid ah oo socoto ah,gawaari ay saarnaayeen nuucyada raashinka ,ceel biyoodyo ,baraago iyo shirkado isgaarsiineed,kadib kolkii kooxda Al-Shabaab looga adkaaday dagaallo badan oo ay horseed ka ahaayeen dad shacab ah oo diidan lacagaha baadda ah.

Si loo gaaro guulo ku aadan ciribtirka kooxda Al-Shabaab,waxaa lagama maarmaan ah in dowladda Soomaaliya ay gacan ka geysato fududeynta adeegyada aasaasiga ah iyo dhismaha maamulka deegaanada laga xoreeyay aragixisada Al-Shabaab,taasoo haddi aan la helin sababi karta in ay dib isu isu soo abaabulaan kooxahaasi,isla markaana  ay geystaan falal xasuuq ah oo lagula kacayo dadka.

Waxaa hubaal ah in haddii ay sii socdaan kacdoonada shacabka ee looga horjeedo Al-shabaab ay suurtaagala noqon karaan in gabi ahaan la soo afjaro dhaqdhaqaaqyada hubeysan ee maleeshiyaadka nabad diidka ah.

Golaha Ammaanka ee Qaramada Midoobay ayaa maanta Gelinka danbe kulan ka yeelanaya xaaladda Soomaaliya xilli Abaaro baahsan ay kajiraan meelo kamid ah Soomaaliya

kulan ayaa la filayaa in warbixin la xariirta xaalada Soomaaliya looga dhageeysan doonaa Ergayga Gaarka ah ee Xoghayaha Guud u qaabilsan Soomaaliya James Swan iyo qaar kamid ah Wakiilada Beesha Caalamka u jooga Soomaaliya,kuwaas oo sanad walba shirarka looga hadlao arrimaha Soomaaliya ka qeyb galla

Kulanka Golaha Ammaanka ee Qaramada Midoobay ayaa diirada lagu saari doonaa Arrimaha la xiriira Ammaanka, Abaaraha iyo dhibatooyinka kale ee xilligaan kajira dalka Soomaaliya, iyada oo madaxda ay siweyn uga doodi doonaan xaaladaha kajira Soomaaliya iyo sida looga gudbi karo.

Waxaa maalintii labaad galay Shirka 4-aad ee Wadatashiga Wasaaradda Caafimaadka XFS iyo Wasaaraddaha Caafimaadka ee Dowlad Goboleedyada oo ka soconaayo magaalada muqdisho

Shirka waxaa Guddoominayay Wasiirka Caafimaadka ee Xukuumadda Federaalka Soomaaliya waxaana goobjoog ahas Wasiiru Dowlaha Wasaaradda Iyo Wasiiradda Wasaaraddaha Caafimaadka ee Dowlad Goboleedyada xubnaha ka ah Dowladda federaalka Soomaaliya.

Maalinta 2aad ee shirka waxaa loogu soo bandhigay loogana hadlay hawlaha muhiimka ee horyaalo Wasaaradaha Caafimaadka iyo sidii la iskaga kaashan lahaay hormarinta adeega Caafimaadka dalka, Wasaaraddaha Caafimaadka ee Dowlad Goboleedyada xubnaha ka ah Dowladda federaalka Soomaaliya ayaa soo jeediyay warbixino kooban oo ku saabsan Horumarka laga sameeyay hawlaha Caafimaadka heer maamul Gobaleed iyo caqabadaha hortagaan ee u baahan in si wadajir ah looga tashto.

Inta uu Shirka socday waxaa la soo bandhigay warbixno ku saabsan mashaariicda ka socdo Wasaaradda Caafimaadka ee XFS, iyo meesha ay marayaan iyo waxa uu qabsoomay taasoo ay soo bandhigeen dhamaan Waxaayaha Wasaaradda Caafimaadka ee XFS, ka koobanatahay.

Shirka Waxaa oo looga hadlay arimaha la xariira kasoo kabashada caabuqa COVID-19 oo dhibaata xoogan gaarsiiyay Bulshadda Soomaaliyeed iyo sidii looga xakamayn lahaa looguna diyaar garoobi lahaay haday timaado xaalad degdeh ah.

Waxaa sidoo kale lagu soo bandhigay oo warbixin kooban laga dhagyastay Barnaamijka kajaeaabidds Caabuqa Covid29 iyo Mashruuca Marwo Caafimaad oo ah barnaamij wayn kaaso oo caawiya Dumarka Soomaaliyeed gaar ahaan Hooyadda & Dhallanka , Barnaamijka Marwo Caafimaad ayaa qayb wayn ka ah maalgelinta waaxda caafimaadka, oo ay ku jirto taageeridda iyo kor u qaadista kartids Marwo Caafimaad (Famliy Health Workers (FHW).

Maxkamadda Ciidamada Qalabka sida ee Soomaaliya ayaa Maanta waxaa ay xukun ku riday Saddex Askari oo lagu helay in11-kii Bishii June ee sanadkan deegaanka Bariire ee gobalka Shabellada Hoose kudileen Carruur Beeraleya ah.