Search
Subscribe
Home Blog Page 400

Wasiir kuxigeenka XFS oo la kulmay Wasiirka Caafimaadka Dalka India

Muse Abdullahi Cirro
-
0
Wasiir kuxigeenka XFS oo la kulmay Wasiirka Caafimaadka Dalka India

Wasiir ku xigeenka wasaaradda Caafimaadka iyo Daryeelka Bulshadda XFS Mudane Xildh. Dr. Maxamed Xasan Maxamed ayaa la kulmay Wasiirka Caafimaadka Dalka India Dr. Mansuukh Mandaviya.

Kulanka oo ka dhacay xarunta Wasaaradda Caafimaadka dalka India ayaa labadda masuul waxa ay uga wada hadlayn iskaashiga dhexmara labadda wasaaraddood ee labadda dal, Soomaaliya iyo India.

Wasiiradda ayaa isku afgartay laga wadasheeqo iskaashi mirro dhal ah dhanka daawadda, tababarrida iyo dhisidda aqoonta shaqaalaha caafimaadka iyo tayeynta hay’addaha caafimaadka dalka.

Sidoo kale, waxa la isku soo qaaday xalinta dhibaatooyinka dhaqaale iyo midda farsamo oo ay kala kulmaan muwaadiniinta Soomaaliyeed ee usoo aada dalka India in ay daawayn iyo lataacaalid ka helaan.

Madaxweynaha Dowladda Hirshabeelle iyo Wafdi hogaaminayo oo loogu soo dhoweeyay degaanka Nuur-dugle

Muse Abdullahi Cirro
-
0
Madaxweynaha Dowladda Hirshabeelle iyo Wafdi hogaaminayo oo loogu soo dhoweeyay degaanka Nuur-dugle

Madaxweynaha Dowladda Hirshabeelle Mudane Cali Guudlaawe Xuseen iyo Wafdi  hogaaminayo oo maanta gaaray degaanka Nuur-dugle ayaa si diiran loogu soo dhoweeyay halkaas.

Madaxweynaha oo ay wehelliyaan wafdi ka koobqan Wasiirro, Xildhibaano Gudoomiyaha Maxkamadda Sare, Gudoomiyaha Gobolka Shabeellaha Dhexe iyo Masuuliyiin kale ayaa u kuurgalayay xaaladaha deegaanka sida amniga iyo baahiya ay qabaan bulshada.

Madaxweynaha ayaa Deegaanka Nuur-dugle ku qabtay Shirka Xasilinta iyo Nabadeynta isagoo dhanka kale kulan  fool ka fool ah la qaatay waxgaradka iyo qeybaha kala duwan ee bulshada  oo uu ka dhageystay baahiyahooda ku qotoma adeegyada assasiga ah ee bulshada.

Madaxweynaha ayaa ku bogaadiyay bulshada Nuur-dugle sida geesinimada leh ay isaga dulqaadeen khawaarijta ugana shaqeeyeen amniga iyo xasiloonida.

Dhaqdhaqaaqa Marin-Biyoodka Bosfoor oo hakad galay

Muse Abdullahi Cirro
-
0
Dhaqdhaqaaqa Marin-Biyoodka Bosfoor oo hakad galay

Dhaqdhaqaaqa maraakiibta ee marin-biyoodka Bospfor ee Turkiga ayaa istaagay saaka oo Arbaca ah, ka dib markii Markab halkaasi maray ay soo wajahday Cilad dhanka mashiinka ah, sida ay sheegtay wakaaladda wararka ee Reuters.

Sida lagu sheegay warbixintan ay daabacday wakaaladda, markab laga leeyahay dalka Liberia oo lagu magacaabo “Guanyin” oo marayay marin biyoodkan ayay qabsatay cilad xagga matoorka ah, kaasi oo ku jabay Albaabka waqooyi ee marin-biyoodka.

Ciidanka Xoogga dalka oo gacanta kusoo dhigay horjoogayaal ka tirsanaa khawaarijta

Muse Abdullahi Cirro
-
0
Ciidanka Xoogga dalka oo gacanta kusoo dhigay horjoogayaal ka tirsanaa khawaarijta

Ciidamada Xoogga Dalka iyo kuwa dib u xoreeynta ee shalay la wareegay deeganka Cowswayne ayaa soo Bandhigay horjoogayaal ay ka mid yihiin Cabdiraxmaan Foodeey kulmiye, Cabdullaahi Ibraahim Xasan , Aadan Ibraahim Abshir iyo Malleeshiyaad kale oo duurgal ahaa.

Horjoogayaasha iyo Malleeshiyaadka ay soo bandhigeen Ciidanka Xoogga iyo kuwa dib u xoreynta ayaa in muddo ah ka shaqeynayay dhibaateynta shacabka Cowswayne.

Wasiir Faarax Sh, Cabdulqaadir “Khawaarijtu waxa ay fursad ka heleen dadka aan wax baran”

Muse Abdullahi Cirro
-
0
Wasiir Faarax Sh, Cabdulqaadir “Khawaarijtu waxa ay fursad ka heleen dadka aan wax baran”

Wasiirka Wasaaradda waxbarashada hiddaha iyo tacliinta sare ee XFS Faarax Sheekh Cabdulqaadir ayaa sheegay in Manhajka waxbarashadu aysan ku jirin xagjirnimo, balse ay tahay feker ay la yimaaddeen khawaarita.

Wasiirka oo marti ku ahaa barnaamijka Dood furan ee warbaahinta Qaranka, kaas oo looga hadlayay baahinta iyo tayaynta waxbarashada ayaa sheegay in ay kusoo dhuuntaan khawaarijta kana faa’iideystaan dadka aan wax baran.

Wasiir Faarax Sh, Cabdulqaadir “Khawaarijtu waxa ay fursad ka heleen dadka aan wax baran, iskuma dayaan in ay ka dhaadhiciyaan dadka wax bartay ee aqoonta leh, sababtoo dadka wax bartay ma yeelayaan is qarxiya”

Wuxuu sheegay Wasiir Faarax Sheekh Cabdulqaadir in ay Khawaarijtu ay ka faa’iideystaan qofka jaahilka ah oo aan fursad waxbarasho helin, duruufaha adagna ku nool, iyagoo ku qanciya in ay ka horreyso janno iyo nolol ka fiican tan adduunka.

 

Madaxda kooxda BRICS oo doonaya in la ballaariyo dhismaha ururkaasi

Muse Abdullahi Cirro
-
0
Madaxda kooxda BRICS oo doonaya in la ballaariyo dhismaha ururkaasi

Madaxweynaha Shiinaha Xi Jinping ayaa ku baaqay in la ballaariyo kooxda BRICS ee dalalka dhaqaalahoodu soo korayo si loo dhiso nidaam caalami ah oo ku saleysan cadaalad iyo sinaan.

Khudbad uu ka jeediyay bilowga shirka BRICS ee ka dhacaya Johannesburg, Koonfur Afrika, Xi wuxuu sheegay in Shiinaha aysan dooneynin inay galaan tartan dhanka awoodda ah ama abuuraanka iska-hor-imaad dhexmara dalalka ama mid kooxeed.

Madaxweynaha Shiinaha ayaa iska fogeeyay waxa uu ku tilmaamay In hal gobol ama koox bulsho ay ka sarreyso kuwa kale,isagoo sheegay in uu aaminsan yahay in sabab xaq ah loo raadiyo danta guud,isla markaana BRICS ay sii waddo horumarkooda.

Guud ahaan 69 wadan ayaa lagu casuumay shir madaxeedka Koonfur Afrika oo ay ku jiraan dhammaan dowladaha Afrika,wqaxaana jira dalal ay ka mid yihiin Algeria, Saudi Arabia, Argentina iyo Ethiopia oo daneynaya in ay ku   biiraan kooxdaasi .

 

Taliska Ciidanka Booliska oo ka hadlay qaraxii maanta ka dhacay Muqdisho

Muse Abdullahi Cirro
-
0
Taliska Ciidanka Booliska oo ka hadlay qaraxii maanta ka dhacay Muqdisho

Taliska Ciidanka Boliiska Soomaaliyeed ayaa faah faahiyay Qaraxii saaka ka dhacay xarunta maamulka gobolka Banaadir uu ku leeyahay Isgoyska Ifka Xalane, degmada Warta nabadda ee gobolka Banaadir.

Afhayeenka Ciidanka Booliska Soomaaliyeed, Sadiiq Aadan Cali Doodishe ayaa sheegay in ay Ciidanku fashiliyeen qarax ay khawaarijtu kusoo rareen gaari Land Cruiser ah, kaas oo ay doonayeen in ay ku wax yeelleeyaan shacabka Soomaaliyeed.

Qaraxa ayuu sheegay in ay la beegsadeen xarunta dhul bixinta maamulka gobolka Banaadir Dowladda hoose ee Xamar qaybta Is-goyska Ifka Xalane.

Afhayeenka ayaa sheegay in uu qaraxaasi ku dhintay hal qof oo u shaqaynayay shirkadda IFO oo ka shaqaysa nadaafadda gobolka Banaadir, halka laba kalena ay ku dhaawacmeen.

 

Guddoomiyaha Gobolka Banaadir oo kormeer ku tegay Isgoyska Ifka Xalane

Muse Abdullahi Cirro
-
0
Guddoomiyaha Gobolka Banaadir oo kormeer ku tegay Isgoyska Ifka Xalane

Guddoomiyaha Gobolka Banaadir Ahna Duqa Muqdisho Mudane Yuusuf Xuseen Jimcaale (Madaale) ayaa booqday isgoyska IFKA XALANE gaar ahaan xarunta dhul bixinta Dowladda Hoose ee Xamar oo ah goobtii uu ku qarxay qaraxii ay fashiliyeen ciidanka Amniga qaranka iyaga oo toogtay dhagar qabihii waday gaariga qarxay oo isku dayay in uu si xoog ah uga gudbo bar-kontorol oo ay ciidamada Amniga ku hubiyaan gaadiidka.

Kormeerkan uu Guddoomiye Madaale ku tagay goobta uu qaraxa ka dhacay waxaa ku wehelinayay Guddoomiye ku-xigeenka Amniga iyo Siyaasada Maamulka Gobolka Banaadir Mudane Maxamed Ahmed Diiriye (Yabooh), iyada oo uu duqa Magaalada Muqdisho war bixin la xariirta dhacdadaani ka dhageestay saraakiishii goobta ku sugneyd, isaga oo ku bogaadiyay sida foojig naanta leh oo ay ciidanka Amniga uga hortageen dhagartan guracan oo ay khawaarijta ku dhibaateyn rabeen shacabka Soomaaliyeed.

Guddoomiyaha Golaha Shacabka oo Kormeeray xarunta Haya’adda Maaraynta Masiibooyinka

Muse Abdullahi Cirro
-
0
Guddoomiyaha Golaha Shacabka oo Kormeeray xarunta Haya’adda Maaraynta Masiibooyinka

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa kormeeray xarunta Hay’adda Maareynta Musiibooyinka Qaranka ee SODMA.

Guddoomiyaha Golaha Shacabka oo kulan la qaatay madaxda SODMA iyo agaasime waaxeedyada, ayaa waxaa uu warbixin ka dhageystay Guddoomiyaha Hay’adda Maxamuud Macalin, isagoona si kooban u sharxay waxyaabaha ay qabato Hay’adda. Guddoomiye Sheekh Aadan oo mid mid u dul istaagay xarunta saadaasha hawada iyo ka hortaga musiibooyinka dabiiciga ah, waxaana loo soo bandhigay muuqaalo ku saabsan waxqabadka sanadlaha ah ee Hay’adda Maareynta.

Guddoomiye Sheekh Aadan Madoobe, oo la hadlay warbaahinta ayaa ammaanay waxqabadka hay’adda, isagoona ugu hambalyeeyay mudadii sanadka aheyd ee hay’addu jirtay, waxaana uu xusay in waxbadan oo la taaban karo ay u qabteen shacabka Soomaaliyeed, isagoona madaxda iyo howlwadeennada kula dardaarmay in ay xoojiyaan shaqada baaxada leh ay u hayaan qaranka. Sidoo kale Guddoomiyaha ayaa sheegay in hay’addan dowladu ay u leedahay muhiimad gaar ah.

Ra’iisul wasaare Xamse oo guddoomiyey kulan looga hadlayey dardar galinta Amniga Caasimadda.

Muse Abdullahi Cirro
-
0
Ra’iisul wasaare Xamse oo guddoomiyey kulan looga hadlayey dardar galinta Amniga Caasimadda.
Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa guddoomiyey kulan looga hadlayey dardar-gelinta amniga caasimadda iyo sidii looga feejignaan lahaa dhagaraha ay cadowga Khawaarijtu u maleegayaan Shacabka Soomaaliyeed.
Mudane Xamsa ayaa tilmaamay in dalku uu ku jira xaalad dagaal oo lagu ciribtirayo kooxaha Khawaarijta ah, sidaas awgeedna loo baahan yahay in la sameeyo feejigaan dheeri ah, si looga hortago isku dayada naf-lacaariga ah ee ay ku khal-khal gelinayaan ammaanka caasimadda.
Ra’iisul Wasaaraha ayaa ku bogaadiyey hey’adaha amniga sida naf-hurnimada ah ee ay uga hortageen falkii ay maanta kooxaha Khawaarijta ah la damac-sanaayeen in ay ku beegsadaan meelaha ay ku badan yihiin shacabku.
1...399400401...1,720Page 400 of 1,720

© 2023 Telefishinka Qaranka Soomaaliyeed