Taliye ku-xigeenka Ciidanka Lugta xoogga dalka General Cabduaahi Aadan Xuseen (Cirro ) ayaa Shacabka ay afduubka u haystaan Al-shabaab ugu baaqay in ay ka fogaadaan goobaha Khawaarijtu joogto si aan dhibaato u gaarin, maaddaama Dowladda Federaalka oo kaashaneysa dadka deegaanka ay dagaal  kula jirto kooxdu oo hadda gabalkooda sii dhacayo.

Sidoo kale, Generaal Cirro ayaa shacabka uga digay in ay wax ku darsadaan kana ag-dhawaadaan Khawaarijta. Dowladda Federaalka ayaa dooneyso in ay qaaddo tallaabadii ugu dambeysay oo lagu ciribtirayo argagixisada dhiigyo cabka ah.

” Waxaan leenahay shacabka ay afduubka u hasytaan nimankaan Khawaarijta ah, waxaan idin kaga digeynaa ka dheeraada, wax hakim darsanina Ilaahey bey ka dheeraadeen, Dowladnimadii bey diideen, islaam-nimadii bey diideen, ciidamada guud ayaan waxay diyaar u yihiin in ay la dagaallamaan,” ayuu yiri Generaal Cirro.

Dhanka kale, Taliye ku-xigeenka ciidamada Lugta Xoogga Dalka Generaal Cabdullaahi Aadan Xuseen (Cirro), ayaa hoosta ka xariiqay in ciidamada Xoogga Dalka iyo kuwa dadka deegaanka ay qaadi doonaan howlgal cir iyo dhul ah oo lagu soo afjarayo jiritaanka iyo gumeysiga ay ummadda Soomaaliyeed ku hayeen Khawaarijta Al-shabaab, kuwaas oo muddo 15-sanno ka badan shacabka Soomaaliyeed gumaadayay.

Madaxweynaha Jamhuuriyadda Federaalka Mudane Xasan Sheekh Maxamuud oo hormuud ah oo howlgalkan guuleystay ayaa ballan qaaday in mardhow la arki doono Soomaaliya oo xor ka ah Khawaarijta, waddooyinka Dalka oo isku furan iyo shacabka oo si nabad ah isku dhex mushaaxaya (Alle idimkii).

Ciidanka Qaranka oo kaashanaya Ciidanka Difaaca Shacabka ayaa si buuxda ula wareegay Magaalada Ceelgaras ee Gobalka Galguduud halkaas oo ahayd xudunta Khawaarijta.

Ciidamada qaranka ayaa ka wada Magaaladaas hawlgal sifayn ah.

Khawaarijta ayaa isaga cararay magaalada markii ay hareereeyeen Ciidanka Qaranka iyo Ciidanka Difaaca Shacabka.

Ka saarista khawaarijta ee Ceelgaras ayaa ka dhigan guul wayn oo laga gaaray Dagaalka lagula jiro Khawaarijta

Taliyaha ciidanka Xoogga dalka Janeraal Ibraahim Sheekh Muxyadiin oo la hadlayay ciidamada qeyb ka noqon doona dagaalka Khawaarijta ayaa sheegay in uu dhamaad marayo waqtiga khawaarijta, islamarakana ciidanka looga baahanyahay in inta firxadka ee duurka ku dhuumaaleysanayo ay soo afjaraan.

Janaraal Ibraahim Sheekh Muxyadiin ayaa sheegay in dhaawacyada Khawaarijta uga dhaawacmay howlgallada Xoogga Dalka Soomaaliyeed aysan heli karin Isbitaallo la seexiyo taa badalkeeda ay dhameystirayaan kuwa waxyeellada ka soo gaarto.

“Khawaarijtu maanta ma heli karaan isbitaal ay geystaan kooda dhaawacma, waa dhammeystirayaan kaliya”.ayuu yiri Janaraal Ibraahim Sheekh Muxudiin.

Taliyaha ciidanka ayaa ugu dambeyn dhammaan ciidanka Xoogga iyo kuwa dadka degaanka ugu baaqay in loo wada istaago sidii la isaga dul qaadi lahaa khawaarijta, isagoona ciidamada u rajeeyay guul.

Taliye ku xigeenk Ciidanka Lugta ee xoogga dalka General Cabdulaahi Aden xuseen (Ciro ) ayaa Shacabka Soomaaliyeed ugu baaqay in ay ka fogaadaan goobaha ay khawaarijtu ku dhuumaaleysanayaan lana beegsan doono,islamarakanay ka ceshtaan maalkooda iyo caruurtooda intaba.

“Waxaan Shacabka ugu baaqay inay ka fogaadaan goobaha Khawaarijtu joogto si aan dhibaato u gaarin”ayuu yiri taliye ku xigeenka

Kooxda khawaarijta Al-shabaab ayaa ku jirta xaaladdii ugu adkeyd waqtigan, waxaa la soo sheegayaa in jahwareer ku jiraan ayna aysato labo mid daran dooro oo kala ah in ay cadaaladda isku dhiiban ama iyagoo baxsad ah in goobaha ay ku dhuumanayaan in lagu khaarajiyo.

Ciidanka amaanka ee ka howgallo dowlad gobolleedka Koonfur Galbeed ayaa gacanta ku dhigay dhagar qabe Cumar Maxamed Ismaaciil oo ka tirsanaa khawaarijta, kaas oo damacsanaa si dhuumaalaysi ah in uu uga baxo garoonka diyaaradaha magaalada Baydhabo.

Cumar oo la hadlay warbaahinta ayaa sheegay in ka hor ku biiristiisa khawaarijta uu ku sugnaa muqdisho, ahaana macalin dadka wax kubaro Alaadaha fogaan aragga ee (Online Internet).

Horjooge Cumar ayaa sida uu sheegay tababar ku soo qaatay magaalada Jilib ee gobolka Jubbada dhexe, isagaa iyo in ku dhaw laba Boqol oo ahaa maleeshiyaadka ay khawaarijtu marin habaabiyeen, isagoo dowladda ka codsaday in la cafiyo.

Laamaha Amiga dowladda ayaa baaris ku bilaabay horjoogahan argagixisada ka soo tagay sida uu sheegtay, iyadoon taas xaqiijinteeda laga sugaya hay’adaha ku shaqada leh.

Horjoogayaasha Khawaarijta Al-shabaab oo baxsad ka ah howgallada xoogan ee ka socda dalka ayaa qaarna isku soo dhiibayaan dowladda,halka qaar kale ay ku dhuumanayaan goobo ay is leeyihiin armaad kaga baxsan kartaan weerarada dhulka iyo cirrka ee Xoogga Dalka.