Guddoomiyaha Guddiga Garsoorka Awqaafta iyo Arrimaha Diinta BFS Xil Cali Xaaji Daahir ayaa guddoomiyay shir u dhexeeyay Guddiga iyo wasaaradda Diinta iyo Awqaata ajandiisuna ahaa dardargalinta howlaha hortabinta u leh Guddiga iyo wasaaradda.
Mareykanka oo ka jawaabay hadal ka soo yeeray wasiir ka tirsan Israa’iil
Dowladda Mareykanka ayaa gaashaanka u daruurtay hadal uu jeediyay wasiirka midigta fog ee maaliyadda ee Israa’iil, Bezalel Smotrich, kaas oo ku baaqay in tuulada Hawara laga sifeeyo dadka Falastiiniyiinta – hadalkaas oo Washington ay ku tilmaantay “wax laga yaqyaqsiyoodo” oo “laga caroodo”.
[DAAWO] Golaha Wasiirrada XFS oo soo saartay go’aamo muhiim ah oo looga hortagayo dhibaatooyinka ay la kulmaan Darawalada Bajaajta
![[DAAWO] Golaha Wasiirrada XFS oo soo saartay go’aamo muhiim ah oo looga hortagayo dhibaatooyinka ay la kulmaan Darawalada Bajaajta](https://sntv.so/wp-content/uploads/2023/03/333987983_1409912309753356_5244274726373208633_n-768x512.jpg "[DAAWO] Golaha Wasiirrada XFS oo soo saartay go’aamo muhiim ah oo looga hortagayo dhibaatooyinka ay la kulmaan Darawalada Bajaajta")
Golaha Wasiirrada Xukuumadda Federaalka Soomaaliya ayaa kulankoodii maanta oo uu shir guddoominayay Ra’iisul Wasaaraha XFS, Mudane Xamse Cabdi Barre soo saaray go’aamo muhiim ah oo looga hortagayo dhibaatooyinka ay la kulmaan Muwaadiniinta ku shaqeysta Bajaajta.
Golaha Wasiirrada ayaa ansixiyay magacaabista Guddiga Madaxa Bannaan ee Dib U Eegista iyo Hirgelinta Dastuurka KMG oo ka kooban 5 xubnood, kaas oo ay soo jeedisay Wasaaradda Caddaaladda iyo Arrimaha Dastuurka.
Sidoo kale waxaa Goluhu maanta ansixiyay Hindise Sharciyeedka Daawada iyo Badqabka Cuntada iyo laba heshiis oo dowladda Soomaaliya ay la gaartay dowladda Qatar, kuwaasi oo ku saabsan Iskaashi dhinacyada warbaahinta, hiddaha iyo aqoonta.
Taliyaha Ciidanka Boliiska Soomaaliyeed oo Guddoomiyey Kulan looga hadlayey Amniga Magaalada Muqdisho
Taliyaha Ciidanka Boliiska Soomaaliyeed, Sareeye Guuto. Sulub Axmed Firin, ayaa Kulan Dag Dag ah iskugu Yeeray shirka Qamiis la ah ee Hoggaamada iyo Fadhiyada madaxa banaan ee Ciidanka Boliiska Soomaaliyeed.
Guddoomiye ku xigeenka 1aad ee Golaha Shacabka oo Guddoomisay kulanka 18aad ee Guddiga Joogtada BFS
Ku Simaha Guddoomiyaha ahna Guddoomiye ku xigeenka 1aad ee Golaha Shacabka BJFS Marwo Sacdiyo Yaasiin Xaaji Samatar ayaa guddoomisey kulanka 18aad ee Guddiga Joogtada Golaha Shacabka.
Madaxweyne Xasan Sheekh oo Golaha Wasiirada jubbaland kala Hadlay dagaalka ka dhanka ah Khawaarijta
Madaxweynaha Jamhuuriyadda Federalka Soomaaliya Mudane Xasan Sheekh Maxamuud oo uu wehlinayo Madaxweynaha Dowlad-goboleedka Jubaland Mudane Axamed Maxamed Islaam ayaa guddoomiyey shirka Golaha Wasiirrada Dowlad-goboleedka Jubaand kaasi oo lagaga arrinsaday dib u xorenta deegaanada ku jira gacanta Khawaarijta ee ay ku dhibaateynayaan shacabka Soomaaliyeed.
[DAAWO] Dowladda Imaaradka carabta oo Hey’adda Maareynta Masiiboyinka ku wareejisay Deeq Gargaar ah oo loogu talagalay dadka danta yar
![[DAAWO] Dowladda Imaaradka carabta oo Hey’adda Maareynta Masiiboyinka ku wareejisay Deeq Gargaar ah oo loogu talagalay dadka danta yar](https://sntv.so/wp-content/uploads/2023/03/IMG_0144-768x512.jpg "[DAAWO] Dowladda Imaaradka carabta oo Hey’adda Maareynta Masiiboyinka ku wareejisay Deeq Gargaar ah oo loogu talagalay dadka danta yar")
Dowladda Imaaradka Carabta Ayaa Maanta Guddoomiyaha Hey’adda Maareynta Masiiboyinka Qaranka ku wareejisay Deeq Gargaar ah oo loogu talagalay dadka danta yar iyo kuwa Abaaraha sameenta ku yesheen.
Madaxweyne Xasan Sheekh Maxamuud oo Gaaray Magaalada Kismaayo
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa soo gaaray magaalada Kismaayo ee xarunta kumeel-gaarka ah ee Jubbaland, waxaana si diirran ugu soo dhaweeyeen Madaxweynaha dowlad-goboleedka Jubbaland Mudane Axmed Maxamed Islaam iyo boqolaal ka mid ah shacabaka magaalada Kismaayo.
Madaxweynaha ayaa u kuur-galaya xaaladda deegaannada Jubbaland, isagoo mudnaan siinaya dardar gelinta wajiga labaad ee xoreynta dalka oo qorshuhu yahay in argagixisada Alshabaab laga saaro deegaannada ay ku dhibaateynayaan shacabka Soomaaliyeed ee Jubbooyinka, Shabeellada Hoose, Bay iyo Bakool.
Sidoo kale, Madaxweynaha Jamhuuriyadda ayaa inta uu ku sugan yahay Kismaayo waxa uu ka shaqeynayaa xaqiijinta Jubbaland heshiis ah, fidinta gogol mideysa dadka deegaanka iyo dhagaysiga talooyinkooda ku aaddan dowlad dhiska Soomaaliya iyo horumarka dalka.
Gudddiga Dib u eegista iyo La socodka Hirgelinta Dastuurka oo kulmay
Gudddiga Dib u eegista iyo La socodka Hirgelinta Dastuurka, ayaa labadii maalmood ee ugu dambeeyey ka shaqeynayey dejinta iyo qorista habraac u gaar ah ansixinta iyo wax ka bedelka Dastuurka ku meel gaarka oo ay gacanta ku hayaan.
Habraacan oo noqon doona habraac u gaar ah habka ka doodista iyo wax kabedelka Dastuurku uga hirgeli karto golayaasha baarlamaanka JFS, si looga doodo looguna ansixiyo intaanay golayaashu fasaxooda gelin.
Ra’iisul Wasaare Ku Xigeenka XFS oo furay shir looga hadlayo horumarinta Biyaha Soomaaliya
Shirka oo ay ka soo qaybgaleen madax ka socota hey’adaha dowladda iyo Beesha Caalamka, ayaa diiradda lagu saaray hannaanka horumarinta Biyaha Soomaaliya, si looga hortago biyo yaraanta iyo in laga faa’iideysto roobabka, loona sameeyo dadka reer miyigia biyo xireenno keyd u noqda.
Ra’iisul Wasaare Ku Xigeenka oo munaasabadda hadal ka jeediyey ayaa tilmaamay in biyuhu ay yihiin laf dhabarta nolosha, bulshadeenuna baahi weyn u qabto. Xukuumadduna ay xoogga saareyso sidii xal waara loogu heli lahaa biyo yaraanta iyo gaajada ku soo laalaabta dadkeenna.
Sidoo kale, Ra’iisul Wasaaraha wuxuu sheegay in dowladdu wax ka qabaneyso xaaladda biyo la’aanta ka jirta goobaha dhowaan laga xorreeyay kooxaha Khawaarijtu oo burburiyey ilo-biyoodyadii ku yaalay deegaannadaasi.
Munaasabadda oo ay soo qabanqaabisay Wasaaradda Biyaha iyo Tamarta ayaa waxaa ka soo qeyb galay Wasaaradda Beeraha Dhirta iyo Waraabka, Wasaaradaha Heer Dowlad Gobaleed, Hay’adaha Deeq-bixiyeyaasha, Urur Goboleedka IGAD iyo Qaramada Midoobay.
