Guddiga Madaxa banaan ee dooroshoyinka Qaranka Soomaaliya ayaa sheegay  in ay isku diyaarinayaan  in Dalka  ay ka dhacdo doorasho qof iyo Cod ah marka la gaaro Sanadka 2021 doorashaas oo la qorsheyay in ay ka duwanaato kuwi horay  uga dhici jiray Dalka  iyadoo Guddigu  madaxa banaan  ee doorashooyinka qaranka ay mudooyinkaan ku howlanaayeen diyaarinta hananka loo marayo doorashoyinka Dalka.

Sayid cali shiiq maxamed  gudoomiye ku xigeenka gudiga badaxa banan ee doorashooyinka qaranka iyo Khaliif Maxamed Ducaalela taliyaha dhinca sharciga gudiga badaxa banaan oo maanta ka qeyb galay Barnaamijka Kulanka Todobaadka Warbaahinta Qaranka Soomaaliya  ayaa faah faahin ka bixiyay waxyaabaha u qabsoomay gudiga iyo waxyaabaha ay hiigsanayaaan Sanadka 2021 oo Dowladda Soomaaliya ay sheegtay in Dalka ka dhacayso doorasho

Marka lagaaro Sanadka 2021 ayaa waxaa lagu wadaa in ay Dalka ka dhacdo doorosho qof iyo Cod ah waxaana jira u diyaar garoow xoogan oo ay wadaan guddiga Madaxa banaan ee doorashooyinka Qaranku.

Danjiraha Soomaaliya ee dalka Masar  C.qani max’ed wacays ayaa Wakaaladda wararka Soomaaliyeed ee SONNA u sheegey in lagu guuleystay dadaalo ku aadan sidii loo joojin lahaa khataraha Tahriibka oo dhalinyaro badan oo Soomaali ah ay dhibaatooyin kala kulmaan.

Mudane C/qani  Max’ed Wacays safiirka Soomaaliya ayaa sheegey in ay dadaalkaasi la kaashadeen Dowladda Masar oo uu sheegey in kalin weyn ka qaadatay sidii loo joojin lahaa Tahriibka oo dad badan ay ku dhamaadaan.

“Waxaan aad iyo aad ugu faraxsanahay maanta  in umadda Soomaaliyeed dhamaan meel walbo ay joogan la socodsiino, in arrimihii tahriibka oo dhibaato badan iyo murugo badan ku reebay qoysas Soomaaliyeed lagu guuleystay joojintooda”, Ayuu yiri Danjir C/qani Wacays.

Safiirka Soomaaliya ee dalka Masar  ayaa sheegay in Xukuumadda Qaahira ay dadaal ku bixisay sidii loo hor istaagi lahaa khataraha ka imaanaysa tahriibka, isagoo intasi ku daray in dhalinyaradii Masar u tagtay arrimaha tahriibka ay haatan ku qanceen talaabooyinkaasi wacyigelineed oo ay qaaday safaaradda.

“Waxaan aad ugu mahad celinaynaa odayaasha iyo shacabka qaahira ku nool oo wacyi galin, tusaaleyn iyo dhiiri galin dhalinyarada Soomaaliyeed  intaba habeen iyo maalin aan kala daalin oo aan ka wahsanin,  runtana u sheegay dhalinyarada oo ay ku qanciyeen marka aad iyo aad baan ugu bogaadinaya uguna mahad celinaya odayaasha, aqoonyahanada iyo dadka Soomaaliyeed ee ku nool Masar,”Danjire Wacaysa ayaa sidaasi yiri,

Dalka Masar ayaa kamid ah wadamada ay inta badan ka baxaan Tahriibayaasha ku qul qulaya qaaaradda Yurub waxaana kamid ah dhalinyaro badan oo Soomaali ah kuwaasi oo haatan qaarkood dib ugu soo laabanaya dalkooda.

Shan iyo tobanka xubnood ee Golaha Amaanka ee Jimciyadada Qurumaha ka dhexeysa  ayaa si kulul u cambaareeyeey  weerarkii Maleeshiyada argagixisada  Al-Shabab ay ku qaadeen ciidamada Amisom  ee dhawaan ka dhacay deegaanka Golweyn ee ku dhow Buula-Mareer Gobolka Shabeelaha Hoose.

Taliska Amisom ayaa xaqiijiyay in weerarkaasi ay kaga dhinteen 12 askari ayna kaga dhaawacmeen 7 kale kadib markii weerar Naflacaarinimo oo gaadmo ah ay ku qaadeen kooxaha argagixisada Alshabaab.

War qoraal ah oo ay soo saareen Golaha Amaanka  ee QM ayaa uga  ka  tacsiyeeyey  qoysaska askarti geeriyootay, ayagoo inta dhaawacantayna u rajeeyay soo ka basho.

Goluhu waxa uu sheegay in argagixisadu waji kasta oo ay leedahay ay tahay halista ugu weyn ee heysata Ammaanka Dunida, waxeyna hoosta ka xariiqeen baahida loo qabo in kuwa dambiyada galaa, kuwa abaabula iyo kuwa dhaqaalaha ku bixiyaaba la horgeeyo cadaaladda.

Golaha amaanka  waxay ku ceceliyeen sida ay uga go’antahay taageerista Nabadda xasiloonida, iyo Horumarinta Soomaaliya.

Waxeyna sheegeen in weerar argagixiso oo kuwo arxan daran ay geystaan in aanu wiiqi doonin ka go’naanshahooda taageeridda Soomaaliya .

Jimciyada Qurumaha ka dhaxeysa ayaa ka taageerta Soomaaliya, dhinacyada amaanka, dhaqaalaha iyo dib u dhiska

Wasiirka Waxbarashada Hidaha iyo Tacliinta Sare ee Dowladda Federaalka Soomaaliya Mudane Cabdi Daahir Cusmaan  oo ay wehlinayaan Lataliyaha Wasiirka Tacliinta Sare, Dr. Cali Sheekh Axmed Abuukar iyo Agaasimaha Guud ee Wasaarada Tacliinta sare Ismaaciil Yuusuf Cusmaan iyo ku-xigeenka Gudiga hormarinta  adeega bulshada ee Baarlamaanka Soomaaliya Xildhibaanad Aamina Maxamed Cabdi ayaa kulan la qaatay Jaaliyadda iyo Ardayda Soomaaliyeed ee wax ka barata Dalka Suudaaan, waxaane goobjoog ka ahaa kulanka Gudoomiyaha Jaamacadda Afrika Prof: Kamaal Cubayd, Danjiraha Soomaaliya u fadhiya Suudaan Mudane Maxamed Cabdulaahi Ugaas, Diblomaasiin ka tirsan Safaaradda, Jaaliyada, Salaadiin iyo Marti sharaf kale.

Xildhibaanad Aamina Maxamed Cabdi oo iyadane goobta hadalo ka jeedisay ayaa Ardayda uga sheekeeysay xaalka Dalka uu marayo iyo qaabka xiligan fursado u heli karaan dhamaan Ardayda waxbaratay iyo horumarka la gaaray ee xiligan dowladooda ku tilaabsatay, iyadoone Ardayda usheegtay inay yahiin dadkii badali lahaa Dalka.

Dhanka kale Gudoomiyaha Jaamacadda Caalamiga ah ee Afrika Prof: Kamaal Cubayd oo goobta ka hadlay ayaa sheegay in Ardyda Soomaaliyeed ee dhigta Jaamacadan ay yihiin Imamyada Masjidka Jaamacad maadaama buu yiri ay yihiin kuwo Xifdisan Qur,aanka Kariimka.

Wasiirka Waxbarashada Hidaha iyo Tacliinta Sare ee Dowladda Federaalka Soomaaliya oo qudbad qiima badan ujeediyay boqolaal ka mid ah Ardayda Soomaaliyeed ayaa aad ugu mahadceliyay Dowladda Suudaan sida ay u garab istaageen Shacabka Soomaaliyeed  mudadii ay Burbursaneed Soomaaliya kana taageertay dhanka Waxbarashda, asigoone dhanka kale Ardayda kula dardaarmay inay sii wadaan dadaalkooda waxbarasho.

Wasiirka iyo wafdiga uu horkacayo ayaa maalmahan ku jira buuqasho shaqo oo ay ku joogaan dalka Suudaan halkaas oo madax dhanka waxbarashada Suudaan ah kula kulmeen.

Sawir-qaade Maxamed Isxaaq (Canjeex)

Mudane Maxamed Maxamuud Cali (Afgooye) ayaa loo magacaabey Hanti Dhowraha Guud ee Dowladda Federaalka Soomaaliya 3di Agoosto, 2017.

Mudane Maxamed ayaa ah aqoon yahan leh in ka badan shan iyo toban sano oo khibrad maamul dowladeed iyo ganacsiba, kana soo shaqeeyey maamulka dhanka xisaabaadka, hantidhowrka, qorsheynta qaranka, maamulidda qandaraasyada.

Mudane Maxamed wuxuu jagooyin sare ka soo qabtey dowladda hoose ee Washington, D.C. ee dalka Mareykanka. Wuxuu kaloo ka soo shaqeeyey shirkadaha ganacsiga, gaar ahaan isgaarsiinta isagoo door ka ciyaarey isku biiridda labo shirkadood oo waaweyn oo lahaa hanti lagu qiimeeyey $70 Billion. Dr. Maxamed wuxuu kaloo aasaase iyo madax u ahaa hay’adda lagu magacaabo Somalia Forward Foundation (SFF) oo ah hay’ad ka shaqeysa la talinta dowladaha, shirkadaha iyo hay’adaha daneeya horumarka iyo dib u dhiska Soomaliya.

Mudane Maxamed wuxuu ka heystaa Master of Business Administration University of Maryland University College, Graduate School of Management and Technology. Wuxuu kaloo ka heystaa Bachelor of Science Accounting iyo Management Information Systems George Mason University ee dalka Mareykanka.

English

Mr. Mohamed Mohamud Ali (Afgoi) was appointed Auditor General of Federal Government of Somalia on 3 August, 2017.

Mr. Ali has more than fifteen years of experience in the public and private sectors where he managed financial operations, audits, resource allocations, small & large contracts, and negotiated disputes.

During his tenure in public service, Mr. Ali served in senior positions in the Government of the District of Columbia in Washington, D.C. He also worked in the private sector especially in the Telecom industry where he played a role one of the largest merger & acquisitions (M&E) in the United States between Nextel and Sprint, which was valued $70 Billion. Mr. Ali also cofounded and served as Executive Director of Somalia Forward Foundation (SFF), a consulting and advisory organization that serves leading businesses, governments, non-government organizations, and not-for-profits that are dedicated to rebuilding Somalia.

Mr. Ali attained his Master of Business Administration from the University of Maryland University College, Graduate School of Management and Technology. He also holds a Bachelor of Science from George Mason University where he majored in Accounting and minored in Management Information Systems.

Golaha wasiirada XFS ayaa ansixiyay hanti dhowraha guud ee Qaranka Maxamed Cali ayagoo sidoo kale meel mariyay sharciyada biyaha caafimaadka iyo waxbarashada.

Kadib kulankii Khamiis laha ahaa oo ay maanta yeesheen Golaha wasiirada Xukuumadda Federaalka Soomaaliya ayaa looga hadlayay dardargelinta howlaha horyaala Xukuumadda gaar ahaan sharciyada muhiimka ah ee horyaala Golaha.

Intii kulanka uu socday ayaa waxay Golaha wasiirada Dowladda Soomaaliya  ay ansixiyay hanti dhowraha guud ee Qaranka Maxamed Cali ayagoo sidoo kale meel mariyay sharciyada biyaha caafimaadka iyo waxbarashada.

Wasiirka maaliyadda Xukuumadda Federaalka Soomaaliya ayaa soo jeediyay Hanti dhowraha guud ee Qaranka Max’ed Cali kaasi oo marki dambe oo ay meel mariyeen Golaha wasiirada

Muqdisho, 03 Ogosto 2017; Madaxwaynaha Dowladda Federaalka Soomaaliya Mudane Maxamed Cabdullaahi farmaajo ayaa soo saaray wareegto uu ku magacaabay Guddiga Qaran ee Taakulaynta Ciidamada.

Sidoo kale Madaxwaynuhu waxa uu soo saaray wareegtooyin uu ku magacaabay Lataliye-yaasha Madaxwaynaha ee Arrimaha Ciidanka Xoogga dalka, Doorashiiyinka & Dimuqraadiyeynta, Amniga Qaranka iyo lataliyaha sare ee Arrimaha Siyaasaddas.

Guddiga Qaran ee Taakulaynta Ciidamada ayaa ka kooban 15 xubnood oo isugu jiraan Saraakiil Ciidan, Aqoonyahanno, Culimmo, iyo qaybaha kale ee bulshada.
Madaxwaynuhu waxa uu u magacaabay Jeneraal Axmed Jaamac Muuse Guddoomiye-ha Guddiga, Halka Shiikh Nuur Baaruud Gurxan loo magacaabay Guddoomiye kuxigeen.

Xubnaha kale ee Guddiga Qaran ee Taakulaynta Ciidamada uu Magacaabay Madaxwaynuhu ayaa kala ah:
1. Jen.Cabdulqaadir Cali Diini

2. Danjire Maxamed Xuseen Abuukar ( Awliyo )
3. Prof. Muuse Aadan
4. Maxamed Yuusuf jaamac ( Tigay )
5. Shukri Maxamed Afrax
6. Shiikh Abuukar Bashiir Shiikh Cabdullaahi
7. Shiikh Cali Maxamed Xasan ( Wajiis )
8. Cabdullaahi Calibaar Xoosh
9. Caasha Abuukar Qaasim
10. Abuukar Shiikh Cismaan
11. Suldaan Warsame Suldaan Ibrow Suldaan Caliyow
12. Bashiir Mursal Ciise Bootaan
13. Feysal Weheliye Macalin Cumar

Dhanka kale, Madaxyne Farmaajo ayaa u magacaabay S/Guud Bashiir Maxamed Jaamac in uu noqdo la-taliyaha Madaxwaynaha JFS ee Arrimaha Ciidanka Xoogga Dalka, Sidoo kale Madaxwaynuhu waxa uu u magacaabay xilka la-taliyaha Madaxwaynaha ee Arrimaha Doorashooyinka & Dimuqraadiyeynta Mudane Maxamed C/risaaq.

Wareegto kale oo ka soo baxday Madaxwaynaha ayaa waxa uu ku magacaabay Lataliyaha dhanka Amniga Qaranka oo loo magacabaay S/Guuto Axmed Shiikh Maxamed.

Madaxwaynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa maalintii Arbacada ahayd ee la soo dhaafay u magacaabay Mudane Maxamuud Axmed Nuur ( Tarsan ) xilka Lataliyaha sare ee Arrimaha Siyaasadda.

DHAMMAAD

Wada shaqayn wanaagsan oo dhex marta ciidanka qalabka sida Dalka waa mid horseedaysa in ay dhabar jabiyaan cadowga Ummadda Soomaaliyeed, Shirka   todobaad  lahaa ee sarakiisha ciidanka ayaa maanta looga hadlay xoojinta wada shaqaynta  iyo is dhex galka ciidanka qalabka sida ee Soomaaliyeed, si ay uga guuleystaan cadowga, isla markaana  horumar ugu horseedaan Soomaaliya .

Shirka  oo ka dhacay xarunta tababbarka ciidanka Booliska Soomaaliyeed ayaa waxa ka ka qayb galay  Ra’iisul Wasaaraha Xukumadda Soomaaliya  Wasiiro ka  tirsan Xukumadda,  Taliyeyaasha iyo sarakiisha Ciidanka qalabka sida ee Dalka waxaana ahmiyad lagu saaray adkaynta iyo wada shaqaynta ciidanka qalabka sida si meesha looga saaro isku dhacyada yar ee mararka  qaar dhexmara ciidamada.

Taliyaha Ciidanka Booliska Soomaaliyeed  Jeneraal Cabdixakiin Daahir Saciid Saacid oo ku hadlayey Magaca Taliyeyaasha ciidanka qalabka  sida ayaa  shirka ka aqriyey qodabo  lagu xoojinayo wada shaqaynta ciidanka  qalabka sida ee Qaranka Soomaaliyeed.

“In ciidamada ay si mideysan u wada howlgalaan, oo ay si wada jir ah ugu dadaalaan howlgallada ka dalka oo dhan, gaar ahaan caasimadda, inay is xoshmeeyaan oo ay isxaqdhooraan, in ciidamada ay si daacad ah ugu wada adeegaan shacabka iyo in Ciidamad aysan kala duwan oo ay ogadaan inay yihiin ciidan qura oo ay dhowraan nidaamka ciidanka u degsan” ayuu yiri Taliyaha Ciidanka Booliska.

Wasiirka Cadaladda ee xukumadda Soomaaliya  Abuukaate  Xasan Xuseen Xaaji Xuseen ayaa sheegay si horumar laga gaaro ammaanka dalka ay muhiim u tahay dhaqalaha, isagoo ku booriyay inay ciidanka is xaqdhowraan.

Ra’iisul wasaraha Xukumadda Soomaaliya Mudane Xasan Cali Khayre  oo khudbada dheer u jeediyey sarakiiasha ciidanka ayaa taliyeyaasha ciidanka ku amray in looga bahanyahay in ay ka shaqeeyaan walaalaynta  iyo wada shaqaynta  ciidanka  qalabka sida dhexdooda ah, ayna meel iska dhigaan  wax  kasta oo keeni kara kala qob qobnaan dhex marta ciidankeena.

“Madaxda ciidamada kow waa inaad ogaataan inaad hal magac wada leedihiin, oo aadan kala ahayn Nabad sugid, boolis iyo militeri, ogaada inaad tihiin ciidan Soomaaliyeed, inaad ka shaqeyneysaan Soomaalinimo, maadaama aad raadineysaan Soomaalinimo iyo inaad dalkaan xoreysaan, waxaana arrintaasi ku qaban kartaan inaad tihiin Soomaali,  Taliyeyaasha halkan fadhida idinka ayaa la idinka rabaa inaad isku soo dhaweysaan ciidamada”. ayuu yiri Ra’iisul Wasaaraha Soomaaliya.

Ciidanka qalabka sida  ayaa ah astaan lagu cabiro jirtaanka iyo sharafta dalka kasta  oo caalamka ah , ciidanka qalabka sida ee Soomaaliya waa kuwa  lagu tilmaami jiray in ay yihiin libaaxyadda  Afrika, waana rajada kaliya oo ay leeyihiin umadda Soomaaliyeed mar kasta oo ay dhibaato   iyo cadow doonayaan in  dhibaato gaarsiiyaan    sharafta Umadda Soomaaliyeed taana waa mid ay gudan karan marka ay la yimadaan wada shaqayn dhexdooda ah

Kulankani oo ah kii ugu horreeyey oo ay isugu yimaadaan gudiyada joogatda ah ee labada Glee e barlamaanka Federaalka Jamhuuriyadda Soomaaliya ayaa maanta ka furmay  Muqdisho.

Waxaa siwada jir ah u shir guddoominayay labada guddoomiye ee Golayaashasi Max’ed Sheekh Cismaan Jawaari iyo Cabdi Xaashi C/llaahi ayadoo loogu hadlayay sidii loo dardargelin lahaa wadshaqeynta guddiyadaasi.

Guddoomiyaha Golaha aqalka sare mudane Cabdi Xaashi C/llaahi oo hadal ka jeediyay kulankaasi ayaa sheegey in muhiim ay tahay wadashaqeynta labada guddi.

Muddane Max’ed Sheekh Cismaan Jawaari Guddoomiyaha Golaha Shacabka jamhuuriyadda Soomaaliya ayaa xusay in looga baahan yahay labada guddi ee joogtada ah in ay diyaariyaan qorshaha howleedka ay ku wadashaqeynayaan si loo dardargeliyo howlaha horyaala baarlamaanka Soomaaliya.