Mudane Cali Cabdulaahi Xuseen  Guudlaawe Madaxweyne ku-xigenka Maamulka HirShabeele  oo ku sugan magalada Beledweyne ayaa maanta booqday taliska guutada 10aad  ee Lamagalaay.

Madaxweyne ku-xigeenka HirShabeelle oo ay wehliyaan  xubno ka mid ah golaha Wasiirada maamulka HirShabeele ayaa waxa ay kormeereen qeybaha ay ka koobantahay xerada ciidanka, waxaana uu ku warejiyay Labo neef oo geel ah.

Taliyaha guutada 10 aad ee ciidanka xoogga dalka Soomaaliyeed Jeneraal  Tawane Axmed Gurey ayaa uga mahad celiyay booqashada Madaxweyne ku-xigeenka HirShabeelle uu ku tegay xerada Lamagalaay ee Ciidanka Xoogga dalka Soomaaliyeed.

Guddoomiyaha Maamulka Gobolka Hiiraan Cali Jeyte Cismaan  ayaa sheegay in ciidamada qalabka sida ay ku shaqeyaan  marxalad adag, loona baahanyahay  in lagarab istaago .

Madaxweyne ku-xigeenka dowlad goboledka HirShabeele Mudane Cali Cabdulaahi Xuseen  Guudlaawe ayaa shegay in ay ka warqabaan marxaladaha ay ciidanka ku shaqeeyaan, waxaana uu balan qaaday in ciidanka  si dhow looga warqabi doono.

Dhinaca kale Madaxweyne ku-xigeenka Hirshabeele  ayaa kulamo  la qaatay qeybaha kala duwan ee bulshada,  waxaana  kulamadan looga hadlay sidii looga wada shaqeyn lahaa horumarka iyo amniga deegaannada maamulka Hirshabeelle.

Guddoomiyaha Degmada Beledweyn Maxamed Axmed Food Cade ayaa  Madaxweyne ku-xigenka HirShabeelle uga warbixiyay xaaladda amni iyo tan bulsho ee ka jirta degmada.

Madaxweyne kuxigeenka hirshabeele  cali cabdulahi xuseen  ayaa sheegay in mas’uuliyinta maamulka ay diyaar u yihiin in ay xaliyaan wax kasto oo caqabad ku noqon kara habsaami u socodka howlaah maamulka HirShabeele

Cabdishakuur Cismaan Cali.

Maamulka Degmada Hiliwaa oo kaa shanaya Guddiga Abaaraha Gobolka Banaadir ayaa waxa ay deeq raashin ah u qeybiyeen Qoysas barakacayaal ah oo ku sugan Waaxda Ceel Carfiid ee degmada Hiliwaa, kuwaasi oo ay saameysay abaarta ka jirta dalka.

Qoysaska maanta raashiinka loo qeybiyay ayaa waxa ay tiradoodu gaareysaa ku dhawaad 200 (Labo boqol) oo qoys, waxaana loo qeybiyay deeq isugu jirta bariis, saliid, timir iyo raashin bisil.

Guddoomiyaha Degmada Hiliwaa Mudane Cabdixakiin Cumar Cabdulle oo goobta raashinka lagu qeybinayay ka hadlay ayaa waxa uu Maamulka Gobolka Banaadir uga mahadceliyay jawaabta deg dega ah ee ay ka bixiyeen xaalada nololeed ee heysato dadka barakacayaasha ee ku sugan degmada Hiliwaa, waxa uuna ugu baaqay in ay laba laabaan dadaallada ay ku samata bixinayaan dadka tabaaleysan ee ku sugan degmada, si loola tacaalo xaaladooda nololeed.

Guddoomiyaha ayaa hoosta ka xariiqay in maamulkiisa uu xoogga saari doono ka warqabka dadka tabaaleysan ee gudaha degmada ku nool.

Afhayeenka Maamulka Gobolka Banaadir Cabdifataax Cumar Xalane ayaa tilmaamay in kaalmadan ay joogteyn doonaan.

Cadaado-(SONNA)-Wasiirka arrimaha gudaha ee xukuumadda federaalka Soomaaliya Cabdi Faarax Siciid (Juxa) iyo wafdi uu hoggaaminayo ayaa Maanta gaaray Magaalada Cadaado.

Mudane Juxa oo ay socdaalkiisa ku wehliyaan masuuliyiin ka tirsan Dowladda federaalka, ayaa waxaa halkaasi kusoo dhaweeyay madaxda maamulka Galmudug iyo tan Degmada Cadaado.

Ujeeddada Safarka Wasiirka iyo wafdigiisa ayaa la sheegayaa inuu salka ku hayo arrimo la xiriiro doorashooyinka madaxtinimo ee Dowlad Goboleedka Galmudug oo dhawaan la filayo iney halkaasi ka dhacdo.

Nairobi-(SONNA)-War qoraal ah oo kasoo baxay Xafiiska hay’adda xaqootiga adduunka ee UNHCR ay ku leedahay Magaalada Nairobi ayaa lagu sheegay inay Dalka Soomaaliya dib ugu celisay Dad ku dhow Lix Kun oo Qof oo ka tirsanaa Qaxootiga Dhadhaab.

Dadkan ay hay’addu sheegtay iney kusoo celisay Soomaaliya ayaa u badan Carruur, Haween iyo Waayeel, waxanay intaa ku dartay UNHCR iney weli socdaan howlaha daad gureynta Qaxootiga Soomaaliyeed ee ku nool Dalka Kenya.

UNHCR ayaa intaa ku dartay inay tan iyo Bishii December 2014-kii Soomaaliya dib ugu soo celisay 59,829 oo Qaxooti ah, kuwaasoo iyaga go’aansaday iney si madax bannaan ugu laabtaan Dalkooda Hooyo.

25-kii March ee Sanadkan ayay ahayd markii ay madaxda IGAD isugu yimmaaddeen Magaalada Nairobi shir looga hadlayay xaaladda Gobolka iyo Qaxootiga Soomaaliyeed ee ku nool Dalka Kenya.

Tallaabadan ay QM laanteeda Qaxootiga qaadday ayaa waxay qayb ka tahay heshiis Saddex geesood ahaa oo ay horay u wada gaareen Dowladda Federaalka Soomaaliya, Kenya iyo UNHCR.

Isha/ Today

Wasiirka arrimaha gudaha ee xukuumadda federaalka Soomaaliya Cabdi Faarax Siciid (Juxa) iyo wafdi uu hoggaaminayo ayaa Maanta gaaray Magaalada Cadaado.

Mudane Juxa oo ay socdaalkiisa ku wehliyaan masuuliyiin ka tirsan Dowladda federaalka, ayaa waxaa halkaasi kusoo dhaweeyay madaxda maamulka Galmudug iyo tan Degmada Cadaado.

Ujeeddada Safarka Wasiirka iyo wafdigiisa ayaa la sheegayaa inuu salka ku hayo arrimo la xiriiro doorashooyinka madaxtinimo ee Dowlad Goboleedka Galmudug oo dhawaan la filayo iney halkaasi ka dhacdo.

Baladweyne-(SONNA)-Wararka naga soo gaaraya Magaalada Baladweyne ayaa sheegaya iney xorriyaddoodii dib u heleen qaar ka mid ah Dhaqaatiir ay Shalay Afduubteen Al-Shabaab.

Afar ka mid ah Dadkii la qafaashay ayaa Xalay lasoo sii daayay, iyadoo uu weli Gacanta ugu jiro Al-Shabaab Dr: Xasan Madoobe oo hoggaaminayay Dhaqaatiirtii la Afduubtay.

Howlwadeennadan xagga Caafimaadka ah oo ka koobnaa Afar xubnood iyo Darawal u waday Gaariga ayaa laga Afduubtay Tuulada Caloola-Cad oo  ku dhow Baladweyne.

Dhaqaatiirtan ayaa indhowaalaba howlo tallaalka Xoolaha ah ka waday degaanno ka tirsan Gobolka Hiiraan,waxaana haatan socda dedaallo lagu soo badbaadinayo Dr; Xasan Madoobe.

Ra’iisal Wasaare kuxigeenka xukuumada Mudane Mahdi Maxamed Guuleed ayaa kulan la qaatay kuxigeenka madaxa USAID Mr. Gregory Gottlieb kaasoo booqasho ku yimid magaalada Muqdisho iyo wafdi ballaaran oo uu hogaaminayo.

Kulanka Ra’iisal Wasaar kuxigeenka iyo kuxigeenka madaxa USAID ayaa looga hadlay arrimo khuseeya Abaaraha iyo mashaariicda horumarineed ee ay bixiso hay’addaasi.

“Booqashadaadu waa mid ka tarjumeysa sida USAID ay uga go’antahay inay joogteyso taageerada ay u hayaan Dowlada Federaalka iyo shacabka Soomaaliyeed, weliba imaatinkaaga waqtigan xasaasiga ah ee Abaaraha ba’an ee heysta shacabka Soomaaliyeed” ayuu yiri kuxigeenka Ra’iisal Wasaaraha.

“Xukuumadayadu waxey siisay ahmiyad gaar ah siisay in shacabka Soomaaliyeed loo fidiyo gar-gaar dhan walba ah si dalka looga illaaliyo inay macluul ka dilaacdo. waxaana sameysnay Wasaarada Gar-gaarka & Maareynta Masiibooyinka si ay kaalin hormuud uga qaadato isku-duwida iyo la shaqeynta dhammaan hay’adaha kala duwan ee dalka ka teegeera arrimaha gar-gaarka” ayuu mar kale yiri R.wasaare kuxigeenka.

Ku-xigeenka madaxa USAID Mr. Gregory Gottlieb oo goobta ka hadlay ayaa ku ammaanay sida dowladda federaalka ay uga go’antahay taageerada shacabkooda, ayna wasaarad gaar ah ugu sameeyeen gargaarka iyo musiibooyinka.

“USAID waa saaxiibka ugu dhow ee dowladda iyo shacabka, waxaana ballan qaadayaa inaan mar kasta la garab istaagno taakuladeena” ayuu yiri Mr. Gottlieb oo hoosta ka xariiqay in dowladda Mareykanka ay ka go’antahay inay kordhiso mashaariicda horumarineed ee ay siiyaan Soomaaliya, gaar ahaana kuwa gargaarka, dhismaha hay’addaha nabadgalyada, iyo mashaariicda kale ee dib u dhiska kaabayaasha dhaqaalaha.

USA-(SONNA) Dowladda Maraykanka ayaa muwaaddiniinteeda ku sugan Dalka Kenya iyo kuwa u safrayaba uga digtay rabshado laga yaabo iney halkaasi ka dhacaan Bisha Augost oo ah xilliga loo madlan yahayay doorashooyinka Dalkaasi.

Hadalkan oo ka soo baxay Xafiiska arrimaha dibedda Dalka Maraykanka ayaa lagu sheegay in ay dhici karaan dibed baxyo nabadeed iyo mudaharaadyo,kuwaasoo isu beddeli kara rabshado ay wax kasoo gaaraan Dad u dhashay Maraykanka.

Waxaa sidoo kale digniintan lagu sheegay in sida aalaaba dhacda ay fursad u noqon karto canaasiirta dambiilayaasha ah ama argagixisada,kuwaasoo laga yaabo iney beegsadaan ka qaybgalayaasha iyo martida kale ee doorashooyinka.

Dowladda Maraykanka ayaa dhowr goor oo hore soo saartay digniino caynkan oo kale ah, iyadoo muwaadiniinteeda jooga Kenya ku war gelineysa inay ka feejignaadaan degaannada ay rabshadaha ka dhacaan.

Daily Nation

Dowladda Maraykanka ayaa muwaaddiniinteeda ku sugan Dalka Kenya iyo kuwa u safrayaba uga digtay rabshado laga yaabo iney halkaasi ka dhacaan Bisha Augost oo ah xilliga loo madlan yahayay doorashooyinka Dalkaasi.

Hadalkan oo ka soo baxay Xafiiska arrimaha dibedda Dalka Maraykanka ayaa lagu sheegay in ay dhici karaan dibed baxyo nabadeed iyo mudaharaadyo,kuwaasoo isu beddeli kara rabshado ay wax kasoo gaaraan Dad u dhashay Maraykanka.

Waxaa sidoo kale digniintan lagu sheegay in sida aalaaba dhacda ay fursad u noqon karto canaasiirta dambiilayaasha ah ama argagixisada,kuwaasoo laga yaabo iney beegsadaan ka qaybgalayaasha iyo martida kale ee doorashooyinka.

Dowladda Maraykanka ayaa dhowr goor oo hore soo saartay digniino caynkan oo kale ah, iyadoo muwaadiniinteeda jooga Kenya ku war gelineysa inay ka feejignaadaan degaannada ay rabshadaha ka dhacaan.

Daily Nation

Taliyihii hore  ciidanka booliska Soomaaliyeed  Sareeyo Gaas Maxamed Sheekh Xasan Xaamud ayaa saraakiil tababbar uga socday dugsiga Jeneraal Kaahiye ugu soo xeray, iyadoo dhinaca kalena tababbar u furay ciidamo kale.

Munaasibadan saraakiisha tababbarka loogu soo xeray waxaa goob joog ka ahaa Taliye xigeenada koowaad iyo labaad ee booliska Soomaaliyeed iyo madaxda hogaanada ciidanka booliska.

Ugu horayn waxaa gaada ka cayaar goobta ku soo bandhigay ciidamada tababbarka u xirmay.

Taliyaha dugsiga tababbarka Jeneraal Kaahiye Gaashaanle sare Cabdikariin Macalin Xuseen ayaa ka warbixiyay dugsiga iyo saraakiisha tababbarka dhamaystay.

“Saraakiishan tababbarka dhamaystay waxay ahaayeen dad aad u fir fircoon, waxaana ka dalbanayaa kuwa haatan tababbarka galaya in ay ku daydaan ciidanka tababbarka dhamaystay oo ay ilaaliyaan waqtiga iyo nidaamka ciidanka u degsan.

Taliye ku-xigeenka Booliska Soomaaliyeed Jeneraal Muqtaar Xuseen Afrax ayaa u mahadceliyay taliyihii hore ciidanka booliska Soomaaliyeed, waxa uuna sheegay in howlo badan oo lagu horumarinayo ciidanka uu qabtay,wuxuuna dhinaca kale la dar daarmay ciidanka tababbarka dhamaystay iyo  kuwa haatan uu u bilowday ,

“Xaamuud wax badan ayuu ka qabtay booliska , akadeemiyada Kaahiye sida ay horay ahayd waan la soconaa iyo haatan waxa ay tahay dhamaan ciidanka booliska ayaa Soomaaliyeed meel walba ha joogaan halkan ayaa lagu tababaraa” ayuu yiri Jeneraal Muqtaar.

Taliyihii hore ciidanka booliska Soomaaliyeed Sareeyo Gaas Maxamed Sheekh Xasan Xaamuud oo gaba gabdii munaasibada ka hadlay ayaa sheegay in ciidanka booliska loo baahan yahay in laga dareemo isbadal xagga aqoonta iyo la shaqaynta shacabka.

“Waxaa loo baahan yahay in qofka ciidanka ah uu ka dhisnaado xaga aqoonta iyo la dhaqanka bulshada intii karaankeena ah waan ku dadaali doonaa Insha Allah” ayuu yiri Taliyihii hore ee ciidanka booliska.

Munaasibada tababbarka lagu soo xerayay kaddib waxaa soo baxday in golaha Wasiirada ay shirkooda maanta  ku ansixiyeen isbadal lagu sameeyey hogaanada Talisyada Ciidamada Xoogga, Booliska, Asluubta iyo Nabadsugida