Hay’ada qaabilsan dhanka saadaasha hawada ee Mareykanka ayaa sheegtay in Duufaanta Irma laga cabsi qabo in ay  khasaaro baaxad leh ka geysan doonta gobolka Florida iyo gobolada deriska la ah ee Mareykanka.

Madaxa hay’adda Qaran ee xaaladaha degdega ah Brock Long ayaa sheegay in Florida ay koronta la’aan noqon doonto maalmo dhan, xilli in ka badan shan milyan oo qof lagu amray inay ka baxaan guryahoodakadib markii duufaantu ay halkaasi u jahaysatay.

Guddoomiyaha maamulka Gobolka Floridda Rick Scott, ayaa ka digay in waqti badan aanay haysan dadka gobolkaasi, loona baahan yahay inay degdeg uga jawaabaan baaqa loo dirayo.

Dhanka kale waxaa soconaya kulan deg deg ah oo u dhexeeya Madaxweyne Trump iyo Golihiisa Wasiirada,kaasi oo looga hadlayo sidii loo muujin lahaa dareenka ay ka qabaan musiiban ka dhalatay duufaatan Irma looyaqaano, khudbadii  todobaadlaha ahayd ee  uu jeediyay shacabkiisa, ayuu madaxweyne Trump ugu baaqay in si dhab ah ay u qaataan didniinahaasi.

Duufaanta Irma ayaa burbur baahsan ku reebtay jasiiradaha Caribbean-ka, ayadoo saamaysay qiyaastii 1.2 milyan oo qof,Ilaa iyo hadda waxaa la xaqiijiyay inay ku dhinteen 20 qof.

Goobaha dadka laga daadguraynayo waxaa ka mid ah deegaanka Mar-a-Lago ee uu madaxweyne Trump ku leeyahay gobolka Florida,Ka dib marka ay ku dhufato xeebaha Florida, ayaa duufaanta waxaa la filayaa inay gaarto gobollada Georgia iyo Koonfurta Carolina.

Kumanaan qof ayaa guryohoodi ka cararay gobolada ay duufaantasi ku dhufatay,kuwaasi oo haatan wajahayaan xaalado adag oo dhanka nolosha ah, sida koronto la,aan biyo,iyo guud ahaan adeegyada aas aasiga ah,goobaha qaar ayaa waxaa ka bilowday gargaar dadka la gaarsiinayo.

War saxaafadeed uu soo saaray taliska Ciidamda Mareykanka ee Afrika (AFRICOM) gelinkii dambe ee Jimcihii ayaa lagu sheegey in iyadoo iskaashi lala yeelanayo Dowladda Federaalka ah ee Soomaaliya ay Ciidamada Mareykanka qaadeen weerar xagga Cirka ah oo qorsheysanaa, kaas oo lagu beegsaday Al-Shabaab Khamiistii abbaaro 2:45 Duhurnimo xilliga Soomaaliya.

Waxana weerarkaasi ku dhintay mid kamid ah kooxaha argagixisada, sida lagu sheegey war saxafaadeedka,Howl-galka ayaa ka dhacay meel u dhow magaalada Baraawe oo 270 KM u jirta caasimadda Muqdisho.

Mareykanka ayaa holwgalkani fuliyay iyadoo la raacayo awaamiirtii madaxweynaha Mareykanka uu bishii March sanadkan soo saaray, kuwaas oo u ogolaanaya ciidamada inay ku beegsan karaan al-Shabaab iyadoo taageero laga helayao ciidamada Soomaaliyeed deegaannada ay ku xooggan yihiin kooxdaasi.

War-saxaafadeedka oo aan lagu sheegin magaca xubinta ay ciidamada Mareykanka beegsadeen, ayaa waxa sidoo kale lagu xaqiijiyay in ciidamada Maraykanka ay sii wadi doonaan inay adeegsadaan wax kaste oo macquul ah si  looga taqalluso halista kooxdaas.

Xigasho: VOA

Hay’ada qaabilsan dhanka saadaasha hawada ee Mareykanka ayaa sheegtay in Duufaanta Irma laga cabsi qabo in ay  khasaaro baaxad leh ka geysan doonta gobolka Florida iyo gobolada deriska la ah ee Mareykanka.

Madaxa hay’adda Qaran ee xaaladaha degdega ah Brock Long ayaa sheegay in Florida ay koronta la’aan noqon doonto maalmo dhan, xilli in ka badan shan milyan oo qof lagu amray inay ka baxaan guryahoodakadib markii duufaantu ay halkaasi u jahaysatay.

Guddoomiyaha maamulka Gobolka Floridda Rick Scott, ayaa ka digay in waqti badan aanay haysan dadka gobolkaasi, loona baahan yahay inay degdeg uga jawaabaan baaqa loo dirayo.

Dhanka kale waxaa soconaya kulan deg deg ah oo u dhexeeya Madaxweyne Trump iyo Golihiisa Wasiirada,kaasi oo looga hadlayo sidii loo muujin lahaa dareenka ay ka qabaan musiiban ka dhalatay duufaatan Irma looyaqaano, khudbadii  todobaadlaha ahayd ee  uu jeediyay shacabkiisa, ayuu madaxweyne Trump ugu baaqay in si dhab ah ay u qaataan didniinahaasi.

Duufaanta Irma ayaa burbur baahsan ku reebtay jasiiradaha Caribbean-ka, ayadoo saamaysay qiyaastii 1.2 milyan oo qof,Ilaa iyo hadda waxaa la xaqiijiyay inay ku dhinteen 20 qof.

Goobaha dadka laga daadguraynayo waxaa ka mid ah deegaanka Mar-a-Lago ee uu madaxweyne Trump ku leeyahay gobolka Florida,Ka dib marka ay ku dhufato xeebaha Florida, ayaa duufaanta waxaa la filayaa inay gaarto gobollada Georgia iyo Koonfurta Carolina.

Kumanaan qof ayaa guryohoodi ka cararay gobolada ay duufaantasi ku dhufatay,kuwaasi oo haatan wajahayaan xaalado adag oo dhanka nolosha ah, sida koronto la,aan biyo,iyo guud ahaan adeegyada aas aasiga ah,goobaha qaar ayaa waxaa ka bilowday gargaar dadka la gaarsiinayo.

Muqdisho(SONNA) War saxaafadeed uu soo saaray taliska Ciidamda Mareykanka ee Afrika (AFRICOM) gelinkii dambe ee Jimcihii ayaa lagu sheegey in iyadoo iskaashi lala yeelanayo Dowladda Federaalka ah ee Soomaaliya ay Ciidamada Mareykanka qaadeen weerar xagga Cirka ah oo qorsheysanaa, kaas oo lagu beegsaday Al-Shabaab Khamiistii abbaaro 2:45 Duhurnimo xilliga Soomaaliya.

Waxana weerarkaasi ku dhintay mid kamid ah kooxaha argagixisada, sida lagu sheegey war saxafaadeedka,Howl-galka ayaa ka dhacay meel u dhow magaalada Baraawe oo 270 KM u jirta caasimadda Muqdisho.

Mareykanka ayaa holwgalkani fuliyay iyadoo la raacayo awaamiirtii madaxweynaha Mareykanka uu bishii March sanadkan soo saaray, kuwaas oo u ogolaanaya ciidamada inay ku beegsan karaan al-Shabaab iyadoo taageero laga helayao ciidamada Soomaaliyeed deegaannada ay ku xooggan yihiin kooxdaasi.

War-saxaafadeedka oo aan lagu sheegin magaca xubinta ay ciidamada Mareykanka beegsadeen, ayaa waxa sidoo kale lagu xaqiijiyay in ciidamada Maraykanka ay sii wadi doonaan inay adeegsadaan wax kaste oo macquul ah si  looga taqalluso halista kooxdaas.

Xigasho: VOA

Muqdisho(SONNA) Waxaa Caawa lagu soo gabagabeeyay garoonka Banaadir ee degmada C/casiisee magaalada Muqdisho,tartankaasi oo muddooyinkii dambe si xiiso leh uga soconayey magaalada Muqdisho.

Tartankan oo ay final-kiisa wada ciyaareen labada degmo ee  Waaberi iyo Hodan, ayaa wareegii 1-aad ayaa ciyaarta waxay ku soo dhamaatay Waaberi 2-0 Hodan.

Ciyaarta oo ahayd mid aad u xiiso badnayd ayaa waxaa u soo daawasho tagay boqolaal dadweyne ah oo ka kala socoda degmooyinka Gobolka Banaadir.

Markii la isku soo laabtay ayaa kooxda Waaberi waxay dhalisay koolkii 3-aad, balse daqiiqado kadib ayaa kooxda Hodan la timid 1 goal waxaana gebi ahaanba ciyaartaasi ay ku soo dhamaatay Waaberi 3-1 Hodan.

Waaberi ayaa kulankii ugu dambeeyay ee Sami final-ka waxay soo reebtay Degmada Hilliwaa halka Hodan  ay soo garaacday Kaaraan.

Kooxda kubadda cagta ee Waaberi ayaa caawa loo caleema saaray horyaalka degmooyinka gobolka Banaadir, waxaana sanadkii hore tartanka degmooyinka gobolka Banaadir ku guuleysatay degmada Boondheere, oo ka qaatay Waabari.

Sikastaba 28-kii Agoosto  2014  ayey aheyd markii degmada Waabari ay finalka la ciyaartay Xamar Weyne,  iyadoo Waabari loogu adkaaday 2-0, si lamid ah sanadkii xigay 2015 ayaa waxaa Wabari 1-0 ugu qaaday Boondheere,waana markii saddexaad oo xiriir ah.

Muqdisho(SONNA)  Inta la ogyahay 3 qof uu ku jiro dhagar qabihii is qarxiyay  ayaa ku dhimatay, 2 kalena waa ay ku dhaawacmeen ,qaraxaasi oo gabal dhicii maanta ka dhacay magaalada Baydhabo,sida uu SONNA u sheegay wasiirka Amniga maamulka Koonfur Galbeed Xasan Xuseen Maxamed.

“Qaraxan waxaa uu ka dhacay goob maqaayad lagu magacaabo Barwaaqo oo kutaala bartamaha magaalada,waxaana ku shaahayay Dad shacab ah,waxaa ku dhimatay 3 qof 2 kalana waa ay ku dhaawacmeen”ayuu yiri Wasiirka Amniga Koonfur Galbeed

dhanka kale wariyeheena Baydhabo Siraaji SHeekh Isxaaq ayaa sheegay in Qaraxaasi uu ka dambeeyey markii qof naftii halige ah oo isku soo xirey waxyaabaha qarxa uu isku qarxiyay maqaayad lagu magacaabo Barwaaqo oo ku taala bartamaha magaaladaasi.

Goobta waxaa  gaarey mas’uuliyiin iyo saraakiil, ammaanka goobta ayaa si weyn loo adkeeyey waxaana dadkii dhaawacmay loola cararay isbitalka magaaladaasi.

Muqdisho(SONNA)  War goor dhow inaga soo gaaray magaalada Baydhabo ayaa sheegaya in qarax sababay qasaare dhimasho iyo dhaawac uu ka dhacay bartamaha magaaladaasi.

Sida uu ku soo waramayo wariyeheena Baydhabo Siraaji SHeekh Isxaaq,Qaraxaasi ayaa ka dambeeyey markii qof naftii halige ah oo isku soo xirey waxyaabaha qarxa uu isku qarxiyay maqaayad lagu magacaabo Barwaaqo oo ku taala bartamaha magaaladaasi.

Dhanka kale Wasiirka Warfaafinta Koonfur Galbeed Soomaaliya Ugaas Xasan ayaa SONNA u sheegay in qaraxaasi uu dhacay balse aan qasaaraha la ogaan karin weli, dibna ay ka soo sheegi doonaan.

Goobtaasi ayaa waxaa ku sugnaa dad badan oo shacab ah, lamina xaqiijin karo khasaaraha rasmiga ah oo qaraxaasi geystay.

Goobta waxaa soo gaarey mas’uuliyiin iyo saraakiil,ammaanka ayaa isweyn loo adkeeyey waxaana dadkii dhaawacmay loola cararay isbitalka magaaladaasi.

Wixii soo kordho kala socoSONNA.SO

Marwada Kowaad ee dalka Turkiga Emine Erdogan ayaa gargaar bin’aadananimo gaarsiisay qaxootiga Muslimiinta Rohingya oo safar ku tegtay xero qaxooti oo ku taala xadka Myanmar shalay oo Khamiis aheyd.

Marwada Kowaad ee Turkiga, oo ay weheliyaan wiilkeeda Bilal iyo Wasiirka Arrimaha Dibadda ee Mevlut Cavusoglu, ayaa ugu yeeray beesha caalamka inay joojiso rabshadaha, taas oo ay ku tilmaamtay musiibo aan la rumaysan karin xilligan.

Emine Erdogan ayaa sheegtay in aysan macquul aheyn in sidaa loo daawado Dad tabaaleysan, iyadoo markaasi wareejineysay gargaarkii ay u waday Dadkaasi Qaxootiga ah oo markaasi ku sugnaa xerada Kutupalong, oo ku taala xudduuda.

“Waxaan rajeynayaa in dunidu ay fikrad ka bixiso mawduucaan ayna ka caawisaa iyaga labada gargaar bini’aadanimo iyo siyaasad ahaanba,” ayay tiri Emine Erdogan.

Sida laga soo xigtay he’yadda Qaxootiga Qaramada Midoobay u qaabilsan ee UNHCR, 164,000 Rohingya ayaa ka soo tallaabay xudduudaha ilaa iyo 25-kii Agoosto, markii ciidamada amniga Myanmar ay bilaabeen howlgallo ammaanka ah oo ka dhan ah maleeshiyada Rohingya.

Myanmar ayaa aqbashay inay u oggolaadaan in Hay’adda Turkiga ee Iskaashatada iyo Isuduwidda ay gasho gobolka Rakhine si ay u bixiyaan 1,000 tan oo gargaar ah.

Tallabadaan ayaana ka dambeeysay kadib markii uu Madaxweynaha dalka Turkiga Recep Tayyip Erdogan uu Talaadadii la soo dhaafay khadka Teleefoonka kula hadlay hoggaamiyaha dalka Myanmar Aung San Suu Kyi dhibbaatooyinka ka dhanka ah xuquuqul iinsaanka ee Muslimiinta Rohingya iyo sidii gargaar Bini’aandnimo loo gaarsiin lahaa dadkaasi dhibbaataysan, wuxuuna ballan-qaaday taageerada Turkiga ee ku aadadadkaasi Muslimiinta ah.

Wararka Maanta ka Imaanaaya Gobolka Shabeelaha Hoose ayaa kusoo waramaaya  in Duqeymo Diyaaradeed ay ka dhaceen Deegaanada Tooratoorow iyo Kuunyo Barow oo ka wada tirsan Gobolka Shabeelaha Hoose.

Weerarkaan oo ay geysteen Diyaarado Dagaal  ayaa lala Beegsaday  Hortjoogayaal iyo Maleeshiyaad u Dagaalama Nabad diidka Alshabaab ee ku sugnaa Deegaano yar yar oo ka tirsan Gobolka Shabeelaha hoose.

Bashiir Maxamed Yuusuf  oo ah Gudoomiye ku xigeenka Dhanka Amniga Degmada Baraawe ee Gobolka Shabeelaha Hoose oo la Hadlay Radio Muqdisho Codka Jahmuuriyada Soomaaliya  ayaa sheegay Inay Duqeymahaan oo ay gaysteen Diyaarado Dagaal lala Beegsaday Saraakiil ka tirsan Maleeshiyaadka Nabad diidka ah Al shabaab.

Dhanka kale Bashiir Maxamed yuusuf   oo hadalkisa sii wata ayaa tilmaamay inay Maleeshiyaadka Al shabaab ay ku badan yihiin Gobolka Shabeelaha Hoose taasina ay soo celcelinayso Duqeymaha joogtada ah eee Gobolka Shabeelaha Hoose.

Maleeshiyaadka Nabad didka ah ee Alshabaab ayaa wali haraadigoodu ku harsan yihiin Deegaano hoos yimaada maamulka koonfur galbeed Soomaaaliya ee Fadhigiisu yahay Magaalada Baydhabo ee Xaruunta Gobolka Baay.

Weerarkaan Shabeelaha hoose ayaa ka mid noqonaya Gulufka Dagaal ee Dowladda Federaalka Soomaaliya kula jirto Maleeshiyaadka Nabad diidka ah ee Al shabaab.

Ciidamada Gaarka ah ee Dowladda Federaalka Soomaaliya iyo Ciidamo maraykan ah ayaa inta Badan waxaa Weeraro qorshaysan oo lala Beegsado Xaruumaha Maleeshiyaadka Al shabaab ku leeyihiin Deegaano fara ku  tirisa oo dhaca Koonfurta  iyo Bartamaha Soomaaliya waxaana ka mid ah Weerarkaan ka dhacay Gobolka Shabeelaha hoose kaasoo lagu qaaday gaadiid ay la socdeen Saraakiil Ciidan oo ka tirsanaa Maleshiyada Al shabaab.

Wasiirka wasaradda caafimaadka oo uu wehliyo la taliyaha wasarrada xagga caafimaadka taranka iyo dhalaanka Dr Abdulqadir Wehliye ayaa safar 2 casho ah oo shaqo u tgay magalada Helsinki ee dalka Filand.

Waxay ka qeybgaleen shir looga hadlayay caafimaadka haweenka waddamada burburka soo maray.

Waxaa ay booqdeen hay’ado badan oo ay igu horreyso Natonal Institute for Health and Welfare. Waxay kulan ay la qaateen jaalliyadda kaga hadashay wasiirka. xaaladda caafimaad  ee waddanka , sidii laysaga kaashan lahaa.

Waxay kala qeyb gashay casho sharaf aad loo soo abaabulay laguna wada falanqeeyay kaalinta ay ka qadan karto qurbajoogta Finland kor u qaadidda dareyeelka caafimaad ee Soomaaliya.

Wasiirku waxay ay shir gooni gooni ah la yeelatay  wasiiradda wasaradaha Ganacsiga Dibadda iyo Horumarinta Mr Kai Mykkänen iyo wasiirka Arrimaha Qoyska iyo Adeegyada Bulshada  Ms Annika Saarikko.

Wasiirka waxay la kulantay Hay’ada IOM MIDA FINNSOM kalana hadadhay baahidda loo qabo in qurbajoogta Somaliyeed  ka qeyb qaadato dib u dhiska waddankooda hooyo.