Shirka Baarlamaanka Carabta oo ay ku mideysiyiin baarlamaannada dalalka Carabta  ayaa markii ugu horreysay waxaa lagu qabtay Magaaladda Khartuum ee Xarunta dalka  Sudan.

Shirkan oo uu si rasmi ah u furay Madaxweynaha Dalka Sudan waxaa furitaankiisa ka qeyb galay guddoomiyaha baaarlamaanka Carabta, Guddoomiyaha Golaha Shacabka ee Jamhuuriyadda Federaalka Soomaaliya Mudane  Maxamed Sheekh Cusmaan “Jawaari”, Guddoomiyaha Baarlamaanka Sudan iyo dhamaan gudoonka iyo xildhibaannada xubnaha ka ah Baarlamaanka Carabta oo ay ku jiraan afarta xubnood ee golaha shacabka ee JFS u matalaya Baarlamaanka Carabta.

Gudoomiyaha Baarlamaanka Carabta Mishaal Bin Fahm Al-Salami oo ugu horeyn shirka ka hadlay ayaa u mahad celiyay dhamaan xubnaha ka socda dalalka Carabta ee baarlamaanka Carabta.

Guddoomiyaha Baarlamaanka Dalka Sudan Ibraahiim Axmed Cumar Ayaa  u mahad celiyay wafdiga ka socda Jamhuuriyadda Soomaaliya oo uu hoggaaminayo guddoomiyaha golaha shacabka Mudane Maxamed Sheekh Cusmaan “Jawaari”.

Madaxweynaha Dalka Sudan Cumar Xasan Al Bashiir oo si rasmi ah shirka u furay ayaa ka hadlay muhiimmada uu shirka dalalka carabta u leeyahay.

Shirka waxaa looga hadlay arrimo ay ka mid yihiin xaaladaha dalalka Yeman, Falastiin iyo cuna qabateyntii dhinaca dhaqaalaha ah ee dhawaan laga qaaaday dalka Sudan iyo sidoo kale dhaqaalaha iyo siyaasadda  dalalka Carabta.

Xildhibaan Maxamed Xaaji Geelle oo ka mid ah afarta xubnood oo xildhibaannada golaha shacabka JFS u matala Baarlamaanka Carabta ayaa geba gabada shirka kadib la hadlay Warbaahinta Qaranka ayaa sheegay in shirkan uu muhiimad gaar ah u leeyahay dalkeena Soomaaliya.

Shir wadatashi ah oo u dhexeeya Wasaaradaha Warfaafinta Dowladda Federaalka Soomaaliya iyo Dowlad Goboleedyada ayaa maanta ka furmay magaalada Muqdisho.

Shirkani wuxuu socon doona muddo labo maalmood ah, iyadoo ay ka qeyb galayaan Wasiirrada warfaafinta heer Federaal iyo heer Dowlad Goboleed, Xeer ilaaliyaha guud ee Qaranka iyo Agaasimayaasha guud ee Wasaaradahaasi, waxaana sidoo kale goob joog ka ah Warbaahinta sida gaarka ah loo leeyahay.

Ajandayaasha looga hadlayo shirka, waxaa ka mid ah Xoojinta Iskaashiga Warbaahinta Dalka ee la xiriirta Tabinta habka Warbaahineed iyo doorka looga wada qeyb qaadan karo.

Sidoo kale waxaa looga hadlaya sidii warbaahinta Dowliga ah iyo kuwa sida gaarka ah loo leeyahay ay u mideyn lahaayeen aragtidooda ku aadan habka bulshada loogu gudbinayo Macluumaadka.

Madaxweynaha Jamhuuriyadda Federaalka Soomaaliya Mudane Maxamed Cabdullaahi “Farmaajo” ayaa hambalyo ku aaddan guusha doorashada ku celiska ah waxa uu u diray Madaxweynaha Kenya Mudane Uhuru Kenyatta.

Madaxwyenaha ayaa yiri “Aniga oo ku hadlaya magaca Jamhuuriyadda Federaalka Soomaaliya waxaan dowladda iyo shacabka Kenya ugu hambaliyeynayaa guusha dimuqraadiyadeed ee ay gaareen.”

Madaxwyene Farmaajo waxa uu kalsooni weyn ku qabaa in dib u doorashada Madaxweyne Kenyatta ay sii xoojineyso xiriirka wanaagsan ee haatan ka dhaxeeya Soomaaliya iyo Kenya.

Soomaaliya waxaa kala dhaxeeya Kenya xiriir dhaqaale iyo mid diblomaasiyadeed oo qotodheer, waxaana dowladda ka go’an in ay hormariso nabadda, ganacsiga iyo iskaashiga dhaqaale ee ay la wadaagto Kenya.

Muqdisho (SONNA) Ciidamada xooga dalka ayaa howlgalo lagu Baacsanayo Maleeshiyaadka Nabad diidka Al shabaab waxay ka sameeyeeyn Tuulooyin hoostaga degmada Kuntuwaareey ee Gobolka Shabeelaha hoose.

Guddoomiye ku xigeenka Gobolka Shabeelaha hoose Cabdi Fitaax Xaaji Cabdulle oo la hadlay Wakaalada SONNA ayaa sheegay in howlgalkan uu horkacayay Guddoomiyaha Gobolka Shabeelaha hoose Ibraahim Aadan Cali Najax ay fuliyeen ciidamada Ururka 26-aad ee xooga dalka gaar ahaan guutada sedexaad, isagoona sheegay inuu guul ku soo dhamaaday, lana eryay Maleeshiyada Al shabaab ee ku dhuumaaleysanayay Tuulooyinkaasi.

“Guddoomiyaha gobolka Shabeelaha hoose oo horkacayo ururka 26-aad guutadiisa sedexaad ayaa waxay howlgalo ka fuliyeen tuulooyin hoostaga degmada Guntuwaareey ee Gobolka Shabeelaha hoose, iyadoo ciidamada ay halkaasi ka fuliyeen howlgal lagu baacsanayay Maleeshiyaadka Al shabaab, waxayna ku guuleysteen ciidamada inay guud ahaanba ka saaraan argagaxisada meelaha ay ku dhuumaaleynsayeen”

Sidoo kale wuxuu sheegay Guddoomiye ku xigeenka Gobolka Shabeelaha Hoose in  howlgalkan uu hordhac u yahay dagaalka uu ku dhawaaqay Madaxweynaha Soomaaliya Mudane Maxamed Cabdulaahi Farmaajo oo dalka looga ciribtirayo Maleeshiyaadka Jid iyo jihadiidka ee Al shabaab.

Johannesburg (SONNA) Culimada Soomaalida ee ku nool magaalada Johannesburg oo nadwo diini ah ku qabtay masjidka Imaamu shaafici ee xaafada Mayfair oo Soomaali dagan tahay ayaa kaga hadlay dhibaatada kooxaha argagaxisada ay ku hayaan caalamka gaar ahaana wadanka Soomaaliya.

Nadwada oo aheyd mid loo qabtay  Soomaalida ee ku nool xaafada Mayfair ayaa waxaa xooga lagu saarayay in laga wacyi galiyo bulshada dhagarta kooxaha argagaxisada iyo sida looga hortagi karo isla markaana si wadajir ah laga iga kaashan lahaa ka hortaga dhibaatada ay kooxahan ku hayaan ummada Soomaaliyeed.

Culimada ayaa tixraax ku sameeyay dhamaan weeraradii kooxda argagaxisada ee shabaabku u geysteen ummada Soomaaliyeed kuna dhameeyay shacab badan oo Masaakiin ah kuwaa oo qaarkood ku jiray masaajida lagu cibaadeysto,arday dhameystay waxbarashadooda , shacab masaakiin ah oo ka adeeganayay suuqyada magaalada muqdisho iyo kuwa ku sugnaa hotelo iyo goobo bulshada isugu timaado waxaana dhamaan falalkaasi ay muujinayaan kuwa ka fog diinteena suubaan.

Sheikh Cabdirisaaq Mowlaana oo ka mid ah  culimada ka hadashay kulankaan ayaa sheegay in dhamaan dadka fududeeya falalka lagu gumaadayo shacabka qalbiyadana ka jacel in dhibaato ay dhacdo ay meel lasoo istaagi doonaan maalinta aakhiro kooxda argagaxisada ah ee baneystay dhiiga shacabka Muslimiinta ah.

“Hadaad maskaxdaada kaga qeybqaadato,oo afkaada kaga qeybqaadato,ama carafkaada aad kaga qeybqaadato iyo hadaad gacantaada uga qeybqaadato iyo hadaad qabliga ka jeclaato,dhibaatadaas wax baad ka geystay,xagee baad galeysaa marka maalinta aakhiro dadkii dilkooda aad ka qeybqaadatay oo waliba aad ayaga oo nool qarax ku gubtay ay yimaadaan alle hortiisa laguugu weydiiyo maxaad u dishay”

Sheikh Maxbuub sheikh xuseen Ciil mooge oo ka mid ah culimada Soomaalida ayaa sheegay in falalka kooxahaan ay ku gumaadayaan shacabka Soomaaliyeed looga hortagi karo midnimo iyo isku duubni oo kali ah.

“Waxaad mooda in wali bulshadeena aysan garan halka nagala heysto,waxaan wali daba taaganahay cudurkii na kala diray 1991-dii,waxaa loo baahan yahay in aan ka fogaano wax walba oo kala fogeyn kara midnimadeena wadajirkeeena ayaa muhim ah,doodeena macnaha laheyn waxaa ay fursad siineysa cadowka”

Culimada ayaa ugu baaqay bulshada in si wadajir ah ay meel uga soo wada jeestaan la dagaalanka kooxaha cadeystay gumaadka ummada Soomaaliyeed ee ku nool gudaha dalkii hooyo ee Soomaaliya.

Madaxweynaha Jamhuuriyadda Federaalka Soomaaliya Mudane Maxamed C/laahi Maxamed Farmaajo ayaa khudbad dhinacyo badan taabaneysa ka jeediyey caawa munaasabadda furitaanka Shira wadatashiga ee ka furmay magaalada Muqdisho kaasi oo u dhaxeeya dowladda Federaalka Soomaaliya iyo dowlad goboleedyada xubnaha ka ah.

Madaxweyne Farmaajo Khudbaddiisa waxa uu kaga hadlay xaaladda guud ee dalka oo ay ugu horeyso ammaanka gaar ahaanna dagaalka lagu soo af jarayo argigixisada usoo tafa xeydatay daadinta dhiiga shacabka Muslimiinta ah ee Soomaaliyeed iyo sida dagaalkaasi uu muhiim ugu yahay in si mideysan loo wajaho.

Sidoo kale Madaxweynaha Jamhuuriyadda Federaalka Soomaaliya Mudane Maxamed C/laahi Maxamed Farmaajo waxa uu khudbadiisa uga hadlay sida ay dowladda Federaalka Soomaaliya uga go’an tahay sugidda amniga dalka iyo muhiimada wada shaqeynta dowladda Federaalka iyo dowlad goboleedyada xubnaha ka ah.

Guddoomiyaha Degmada Mahadaay C/laahi Maxamed Xuseen Geel-doox oo la hadlay Saaka Radio Muqdisho Codka Jahmuuriyadda Soomaaliya ayaa sheegay in Maamulka Mahadaay uu wado qorshayaal looga hortagaayo Fatahaad uu sameeyo Webiga Shabeele ee mara Degmada mahadaay iyo tuulooyinka hoose yimaada.

C/laahi Maxamed Xuseen Geel-doox Guddoomiyaha Degmada Mahadaay waxaa uu tilmaamay in Maamulka Mahadaay uu Agab looga hortagaayo Fatahaada Webiga Shabeele ay gaarsiiyeen tuulooyinka hoos taga Degmada Mahadaay ee Gobolka Shabeelaha dhexe si loo yareeyo saamaynta uu bulshada ku yeesho farka uu fataho Webigu.

Guddoomiyaha Degmada Mahadaay C/laahi Maxamed Xuseen waxaa uu wareysiga uu siiyay Radio Muqdisho Codka Jahmuuriyadda Soomaaliya ku sheegay in Maamulka Mahadaay oo kaashanaaya Wasaaradda Arrimah gudaha Soomaaliya ay ku guulisteen hirgalinta Xaruunta Degmada iyo dhismaha Xaruumo kale oo adeegyada aas aasiga ah loogu qabto bulshada Soomaaliyeed gaar ahaan ku ku nool shabeelaha dhexe.

Culimada Soomaalida ee ku nool magaalada Johannesburg oo nadwo diini ah ku qabtay masjidka Imaamu shaafici ee xaafada Mayfair oo Soomaali dagan tahay ayaa kaga hadlay dhibaatada kooxaha argagaxisada ay ku hayaan caalamka gaar ahaana wadanka Soomaaliya.

Nadwada oo aheyd mid loo qabtay  Soomaalida ee ku nool xaafada Mayfair ayaa waxaa xooga lagu saarayay in laga wacyi galiyo bulshada dhagarta kooxaha argagaxisada iyo sida looga hortagi karo isla markaana si wadajir ah laga iga kaashan lahaa ka hortaga dhibaatada ay kooxahan ku hayaan ummada Soomaaliyeed.

Culimada ayaa tixraax ku sameeyay dhamaan weeraradii kooxda argagaxisada ee shabaabku u geysteen ummada Soomaaliyeed kuna dhameeyay shacab badan oo Masaakiin ah kuwaa oo qaarkood ku jiray masaajida lagu cibaadeysto,arday dhameystay waxbarashadooda , shacab masaakiin ah oo ka adeeganayay suuqyada magaalada muqdisho iyo kuwa ku sugnaa hotelo iyo goobo bulshada isugu timaado waxaana dhamaan falalkaasi ay muujinayaan kuwa ka fog diinteena suubaan.

Sheikh Cabdirisaaq Mowlaana oo ka mid ah  culimada ka hadashay kulankaan ayaa sheegay in dhamaan dadka fududeeya falalka lagu gumaadayo shacabka qalbiyadana ka jacel in dhibaato ay dhacdo ay meel lasoo istaagi doonaan maalinta aakhiro kooxda argagaxisada ah ee baneystay dhiiga shacabka Muslimiinta ah.

“Hadaad maskaxdaada kaga qeybqaadato,oo afkaada kaga qeybqaadato,ama carafkaada aad kaga qeybqaadato iyo hadaad gacantaada aga qeybqaadato iyo hadaad qabliga ka jeclaato,dhibaatadaas wax baad ka geystay,xagee baad galeysaa marka maalinta aakhiro dadkii dilkooda aad ka qeybqaadatay oo waliba aad ayaga oo nool qarax ku gubtay ay yimaadaan alle hortiisa laguugu weydiiyo maxaad u dishay”

Sheikh Maxbuub sheikh xuseen Ciil mooge oo ka mid ah culimada Soomaalida ayaa sheegay in falalka kooxahaan ay ku gumaadayaan shacabka Soomaaliyeed looga hortagi karo midnimo iyo isku duubni oo kali ah.

“Waxaad mooda in wali bulshadeena aysan garan halka nagala heysto,waxaan wali daba taaganahay cudurkii na kala diray 1991-dii,waxaa loo baahan yahay in aan ka fogaano wax walba oo kala fogeyn kara midnimadeena wadajirkeeena ayaa muhim ah,doodeena macnaha laheyn waxaa ay fursad siineysa cadowka”

Culimada ayaa ugu baaqay bulshada in si wadajir ah ay meel uga soo wada jeestaan la dagaalanka kooxaha cadeystay gumaadka ummada Soomaaliyeed ee ku nool gudaha dalkii hooyo ee Soomaaliya.

Wajigii labaad ee shirka wadatashiga Dowladda Federaalka Soomaaliya iyo madaxda dowlad Goboleedyada dalka ayaa caawa si toos ah uga bilowday xarunta Madaxtooyada Soomaaliya ee magaalada Muqdisho.

Arrimo dhowr ah oo ay kamid yihiin dagaalka ka dhanka ah Shabaab, dib u eegista Dastuurka, Dardargelinta Hanaanka Federaalka, Daadajinta Hannaanka ka faa’iidaysiga Khayraadka iyo mashaariicda horumarineed ee dalka ayaa waxaa loo xil saaray guddi isku dhaf ah oo ka ka kala socda Dowladda Dhexe iyo dowlad Goboleedyada dalka.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo, Ra’iisul Wasaaraha Xukuumadda Mudane Xasan Cali Khayre, Gudoomiye ku xigeenka Labaad ee Golaha Aqalka Sare Mudane Mowliid Xuseen Guhaad, Madaxda Dowlada Goboleedyada iyo Guddoomiyaha Gobolka Benaadir Mudane Taabit Cabdi Maxamed ayaa madasha shirka waxa ay ka jeediyeen khudbado ay ku muujinaayeen midnimada, horumarka  iyo iskaashiga dagaalka ka dhanka agagixisada.

Madaxweyne Maxamed C/llaahi  Farmaajo ayaa sheegay in ay waaajib ku tahay madaxda qaran ee shirkan ka soo qayb galay in ay ka shaqeeyaan  midnimada iyo soo celinta rajada shacabka Soomaaliyeed, taasna ay asaas u tahay in meel looga soo wada jeesto dagaalka dalka lagaga sifeynayo argagixisada Alshabaab.

Mudane Maxamed C/llaahi Farmaajo ayaa sidoo kale ka hadlay musiibadii 14kii Oktoobar isaga oo ugu baaqay dhammaan shacab iyo dolwadba in laga shaqeeyo si aysan mar kale uga dhicin dalka dhacdo murugo u keenta carruurta, waalidka iyo guud ahaan Muwaadiniinta.

Kaddib khudbadaha Madaxda, waxaa kulan gaar ah yeeshay guddiyada isku dhafka heer Federaal iyo heer Dowlad Goboleed iyaga oo ka wada hadlaaya sidii ay uga mira dhalin lahaayeen qorshayaasha ay isku afgarteen Madaxdu.