Muqdisho (SONNA):- Siminaarkan oo ku saabsanaa sidii bulshada loo gaarsiin lahaa nidaamka dowladaha Hoose, isla markaana ay ka qeyb galeen qeybaha kala duwan ee bulshada ku nool deegaannada Hirshabeelle ayaa maanta la soo gabo gabeeyay, iyadoo diiradda lagu saaray sidii bulshada loo fahamsiin lahaa nidaamka dowladaha Hoose.

Sheekh Xuseen Cismaan mar uu ka hadlayay arrinta ku aadan dhismaha goleyaasha deegaanka ayaa sheegay inay noqon doonaan kuwa iyaga dhexdooda iska soo dooranaya, isla markaana aysan jiri doonin qof kor laga keenayo.

Hirgelinta nidaamka dowladaha Hoose ayaa ah qorshe ay Wasaaradda Arrimaha Gudaha iyo Federaalka ee Xukumadda Soomaaliya ku dooneyso inay la dhameytiro hanaanka Federaalka ee ay qaadatay dowladda, si maamul goboleedyada looga hirgeliyo goleyasha deeegaanka oo ay noqoto mid ay iska soo doortaan dadka qofka ay rabaan in u matalo golaha deegaanka.

Muqdisho (SONNA):-  Golaha Wasiirada ee Xukuumada Federaalka Soomaaliya ayaa maanta yeeshay kulankoodii caadiga ahaa oo uu shir-guddoominayay Ra’iisal Wasaaraha Xukuumada Mudane Xasan Cali Khayre, qeybiisa hore, halka uu qeybtiisa danbe uu shir-guddoominayey Ra’iisul Wasaare ku xigeenka. Arrimaha kulanka looga hadlay ayaa waxaa ka mid ahaa Amniga Qaranka, Hindise sharciyeedyo, doorashooyinka 2020 iyo arrimo kale.

Hay’adaha amniga ayaa ugu horreyntii laga dhageystay warbixinta amniga, iyagoo sheegay in kooxaha nabad-diidka ah oo diidan horumarka amniga dalka inay gobollada qaar qaraxyo ka geysteen oo shacab ay ku laayeen, iyadoo hay’adaha amniga ay sii labojibaarayaan soo celinta amniga iyo xasiloonida. Wasaarada Gaashaandhiga ayaa sheegtay inay socoto qiimeyn lagu sameynayo diyaar garowga ciidanka XDS ee ku aadan sidii ay amniga dalka ula wareegi lahaayeen mustaqbalka dhow.

Golaha Wasiirada ayaa warbixin ka dhageystay Guddiga Madaxa-bannaan ee Doorashooyinka oo soo bandhigay qorshaha guud ee doorashooyinka, si qoto-dheerna uga warbixiyey horumarka ay ku tallaabsadeen ee ku aadan diyaargarowgooda, sheegeyna inay ka go’antahay sidii dalka looga hirgelin lahaa doorashooyin hal cod iyo hal qof ah. Guddiga ayaa sheegay inay daraasad ku sameeyeen dalal badan oo duruufaha heysta ay la mid yihiin Soomaaliya haddana ay doorashooyin ka qabsoomeen. Guddiga ayaa sheegay inay jiraan caqabado fara badan, kana codsaday in Golaha Wasiirada ay xal u helaan caqabadahaas oo ay ka mid yihiin tan dhaqaalaha, amniga iyo siyaasada oo muhiim u ah qabsoomida doorashooyinka. Golaha Wasiirada ayaa Guddiga ku ammaanay dadaalkooda una ballanqaaday inay u fududeyn doonaan howlahooda si dalka looga hirgeliyo doorashooyin hal-qof iyo hal-cod ah 2020ka.

Golaha Wasiirada ayaa dood dheer iyo falanqeyn ka dib si aqlabiyad leh ku ansaxiyey Hindise Sharciyeedka Xaqsiinta Ciidamada Qalabka Sida, oo muhiim u ah dib-u-habeynta ciidamada Qaranka iyo sidii dadka howlgabka ah, agoonta iyo curyaamiinta ay u heli lahaayeen xaquuqdooda aasaasiga ah. Sharcigan ayaa ahaa mid dib u eegis ku sameeyey Sharci Lr 6 ee 31kii December 1969kii, si loola saanqaado xaalada dalka ku suganyahay.

Ugu danbeyntii Golaha Wasiirada ayaa ka dooday hindise sharciyeedyo kale si looga soo baaraandago oo kulamada danbe loo ansixiyo. Sidoo kale Golaha Wasiirada ayaa dib u eegis ku sameeyey Xeer Hoosaadka Golaha Wasiirada, kuna ballamay inay ka soo baaraandegaan si loo ansixiyo kulamada danbe.

—-DHAMMAAD—-

Muqdisho (SONNA):-  Howlgal  dad badan lagu soo qabtay ayaa Ciidamada Amaanka Dowladda Soomaaliya waxa ay ka sameeyeen Magaaladda Baydhabo ee Xarunta Dowlad goboleedka Koofur galbeed, waxaana howlgalkan dadkii lagu soo qabtay ay isugu jiraan kuwa amni darro in ay abuuriyeen looga shakisanyahay iyo kuwa kale oo falal la xiriiri  ka ganacsiga maandooriyaha lagu soo qabtay.

Wasiir ku xiggeenka Wasaaradda Amniga ee Maamulka Koofur galbeed C/risaaq Cabdi Aadan, ayaa wareysi uu siiyey Wakaaladda Wararka Soomaaliyeed ee SONNA ku sheegay in ay qabteen dad badan oo hadda ay ku socoto kala saarid, si loo xaqiijiyo kan dambiilaha ah, xorriyadna la siiyo dadka lagu qaldamay ee howlgalka lagu soo qabtay, isagoo beeniyey in ay jiraan dad loo soo qabtay waxyaabo ka baxsan Amaanka.

“ Ciidamada Daraawiishta Maamulka Koofur galbeed maanta waxa ay sameeyeen Howlgal balaaran, oo looga gol leeyahay in lagu adkeeyo amaanka, geesiyaasha howlgalkan waxa ay kusoo qabteen dad tiro ahaan badan, waxaan sameynay kala saarid ku aadan dadkii lasoo qabtay si aysan nooga baxsan dadkii aan baadi goobeynay ee Amniga caqabada ku ah, qofkii lagu helaa dambi cad Xabsiga dhexe ee Magaalada Baydhabo ayaan u gudbineynaa” ayuu yiri Wasiirka Amniga Koofur galbeed.

Tababar aqoon kororsi ah oo ku saabsan hababka kala duwan ee doorashooyinka, ayaa loo qabtay xubno ka socday hey’adaha qaabilsan arrimaha doorashooyinka iyo shaqaalaha guddiga madaxa banaan ee doorashooyinka Qaranka, waxaana Aqoon is waydaarsigan  soo qaban qaabiyay guddiga madaxa bannaan ee doorashooyinka Qaranka.

Aqoon is waydaarsigaan oo socondoona muddo  Saddex maalmood ah ayaa waxaa furay  gudoomiyaha guddiga madaxa bannaan ee doorashooyinka Qaranka Xaliimo Ismaacil Ibraahim  (Xaliimo Yareey .)

Qubarro ku xeeldheer  arrimaha doorashooyinka ayaa bixinaya casharro ka tarjumaya hababka kala duwan ee doorashooyinka, iyadoo xubnihii ka qeybgalay aqoon is waydaarsiga ay is dhaafsaden aragtiyo la xiriira mowduuca.

Dr.  Daahir Mirre Jibriil xoghayaha  guud ee guddiga madaxa bannaan ee doorashooyinka oo la hadlay Warbaahinta Qaranka ayaa sheegay in aqoon is waydaarsigan uu ahmiyad leeyahay ayna ka soo bixidoonaan qodobbo dhaxalgal ah,  lana wadadagi doonaan hey’adaha dowladda iyo maamul goboleedyada dalka.

Guddiga madaxa bannaan ee  doorashooyinka Qaranka  ayaa wajibaadkiisu yahay in dalka uu gaarsiyo doorasho qof iyo cod ah sanadka 2020-ka waxa ayna wadaan dadaallo arintaas loogu diyaar garoobayo.

Muqdisho (SONNA):-  Shacabka degmadda Yaaqshid ku nool ayaa arragtidooda ka dhiibtay Sida ay tahay in loo wajaho arrimaha Maamulka, ammniga, siyaasadda, dhaqaalaha, dhismaha waddooyinka degmadaasi  iyo maqaamka  Magaaladda Muqdisho

Barnaamijkaan oo qeyb ka ah ololaha aragti wadaagga ee hiigsiga Caasimadd oo uu ka qeybgalay Guddoomiyaha gobolka Banaadir ,ayaa waxa ay soo jeediyeen dhowr arrimood oo ay ka mid tahay.

1- Dhismaha waddooyinka degmada Yaaqshid si la mid ah degmooyinka kale.

22  in laga gudbo nidaamka hadda ay ku yimaadaan guddoomiyeyaasha degmooyinka iyo gobolka loona gudbo in shacabka ay soo doortaan.

3- in Maamulka gobolka uu raadiyo xaqa Muqdisho ay leedahay in ay matalaad ku yeelato Dowladda.

Guddoomiyaha degmadda Yaaqshid   Axmed Xassan Maxamuud Geedoow, ayaa sheegay in ay ku shaqeynayaan rabitaanka Shacabka .

Guddoomiyaha gobolka Banaadir Taabid Cabdi Maxamed, ayaa faahfaahiyay ujjeedada ololaha arragti wadaaga Hiigsiga Caasimada, isaga oo sheegay in ahmiyad ay siinayaan rabitaanka Dadka si ay ugu shaqeeyaan.

Dhanka kale  Waaxyaha  ay ka kooban tahay degmada Yaaqshid ayaa Xassan Xuseen Maxamed u doortay Gudoomiyaha Sportiga degmada, kaasi oo kusoo baxay doorasho uu goobjoog ka ahaa Maamulka oo ka dhacday Xarunta degmada Yaaqshid ee Gobolka Banaadir.

Muqdisho(SONNA) Waxaa Magaalada Jowhar ee xarunta Gobolka Shabeelada Dhexe lagu soo geba gebeeyey dhagaysiga khudbadaha oo ay jeedinayeen musharixiinta u taagan qabashada xilka madaxweynaha Hirshabeelle.

Ilaa 5 murashax ayaa maanta jeediyay waxqabadka qofkasta haddii uu ku guuleysto qabashada xilka madaxweynaha.

Xubnaha maanta uu dhageysatay baarlamaanka HirShabeele ayaa waxaa ay kala ahaayeen.

1:Daahir Cabdulle Cawaale

2:C/raxmaan Xuseen Caddow

3:Yuusuf Axmed Hagar (Yuusugdabageed)

4: Maxamed Caruushe Diirow

5:C/naasir Xaaji Shurwac Maxamuud.

Waxyaabaha ugu badan oo ay soo jeediyeen ayaa waxaa kamid ah horumarinta Deegaanada Maamulka  Hirshabeelle sida,Waxbarashada,Caafimaadka,Shaqo abuurka,Amniga deegaanadaasi,iyadoo ay goob joog ka ahaayeen xubnaha guddiga doorashada HirShabeele.

Waxaa lagu wadaa in maalinta sabtida ah ay dhacdo doorashada Madaxweynaha Maamulkaas ,waxaana soconaya qaban qaabo arrintaasi ku aadan,ammaanka magaalada Jowhar ayaa siweyn loo adkeeyey.

Tababar aqoon kororsi ah oo ku saabsan hababka kala duwan ee doorashooyinka ayaa loo qabtay xubno ka socay hey’adaha qaabilsan arrimaha doorashooyinka iyo shaqaalaha guddiga madaxa banaan ee doorashooyinka Qaranka.

Aqoon is waydaarsigan waxaaa soo qaban qaabiyay guddiga madaxa bannaan ee doorashooyinka Qaranka.

Aqoon is waydaarsigaan oo socondoona muddo  Sadex maalmood ah ayaa waxaa fuaray  gudoomiyaha guddiga madaxa bannaan ee doorashooyinka Qaranka Xaliimo Ismaacil Ibraahim  (Xaliimo Yareey .)

Qubaro ku xeeldheer  arrimaha doorashooyinka ayaa bixinaya casharro ka tarjumaya habka kala duwan ee doorashooyinka, iyadoo xubnihii ka qeybgalay aqoon is waydaarsiga ay is dhaafsaden aragtiyo la xiriira mowduuca.

Dr.  Daahir Mirre Jibriil xoghayaha  guud ee guddiga madaxa bannaan ee doorashooyinka oo la hadlay Warbaahinta Qaranka ayaa sheegay in aqoon is waydaarsigan uu ahmiyad leeyahay ayna ka soo bixidoonaan qodobbo dhaxalgal ah,  ayna la wadadagi doonaan hey’adaha dowladda iyo maamul goboleedyada dalka.

Guddiga madaxa bannaan ee  doorashooyinka Qaranka  ayaa wajibaadkiisu yahay in dalka uu gaarsiyo doorasho qof iyo cod ah sanadka 2020-ka waxa ayna wadaan dadaallo arintaas loogu diyaar garoobayo.

Muqdisho(SONNA)—Bandhigga Buugaagta ee Muqdisho ayaa galay maalintiisii Labaad, iyadoo ay halkii ka socdeen soo bandhigidda Buugaata ku kala qoran Afaf kala duwan, waxaana Dadweynaha ka qeyb galay Bandhig Carweedka Buugaagta ay fursad u helayaan in ay cilmi kororsadaan, qaarkood ayaana iibsanayey buugaagta goobta lagu soo bandhigay.

Agaasimaha New Horizon Maxamed Diini oo ururkiisu uu soo qaban qaabiyey Bandhig Carweedkan ayaa sheegay in sanadkaan oo wax badan kaga badalan yahay bandhigyadii horey ay u soo sameeyeen.

Maalinta beri ah oo noqonaysaa maalintii sedexaad ee uu socda Bandhigga buugaagta ayaa lafilayaa in la soo geba gebeeyo,iyadoo madaxa ilaa dadweyne ay si isku mid ah ugu qeybgaleen shalay ilaa maanta .

Bandhigayada noocaan ah oo kale ah ayaa door wanaagsan ka qaadan kara in dadku ay ku baraarugaan ahmiyadda wax qorista iyo wa akhrista.

Sanadkii 3-aad ayaa Muqdisho lagu qabtay Bandhig Carweedka Buugaagta, waxaana qoraayaal Soomaaliyeed oo rag iyo dumarba leh carwada ay ku soo bandhigeen buugaag ay ka qoreen mowduucyo kala duwan oo si gaar ah xooga u saarayey arimaha bulshada iyo ahmiyadda afka iyo dhaqanka Soomaaliyeed.